KCET 2024 : ಸಿಬಿಎಸ್‌ಇ, ಸಿಐಎಸ್‌ಸಿಇ, ಐಜಿಸಿಎಸ್‌ಇ 12ನೇ ಕ್ಲಾಸ್‌ ಅಂಕ ದಾಖಲಿಸಲು ಇದೇ ಕೊನೆಯ ದಿನ !

KCET 2024: ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ರಾಜ್ಯ ಬೋರ್ಡ್‌ನ ದ್ವಿತೀಯ ಪಿಯುಸಿ ಪರೀಕ್ಷೆ 2 ಫಲಿತಾಂಶ ಬಂದ ನಂತರ ಜೂನ್‌ 1 ಅಥವಾ 3 ರಂದು ಸಿಇಟಿ ಫಲಿತಾಂಶ ಘೋಷಿಸಲಾಗುತ್ತದೆ ಎಂದು ಹೇಳಿತ್ತು. 12ನೇ ತರಗತಿಯ ಶೇಕಡ.50 ಅಂಕಗಳನ್ನು ಪರಿಗಣಿಸಿ KCET 2024 Ranking ಬಿಡುಗಡೆ ಮಾಡಲಾಗುತ್ತದೆ ಎಂದು ಹೇಳಿತ್ತು. 

ಕೆಇಎ ವೆಬ್‌ಸೈಟ್‌ನಲ್ಲಿ ಯುಜಿಸಿಇಟಿಗೆ ಅರ್ಜಿ ಸಲ್ಲಿಸಿರುವ ವಿದ್ಯಾರ್ಥಿಗಳು ತಮ್ಮ ಅಪ್ಲಿಕೇಶನ್‌ನಲ್ಲಿ ಸಿಬಿಎಸ್‌ಇ, ಸಿಐಎಸ್‌ಸಿಇ, ಐಜಿಸಿಎಸ್‌ಇ 12ನೇ ಕ್ಲಾಸ್‌ ಅಂಕಗಳನ್ನು ಎಂಟ್ರಿ ಮಾಡಲು ಅವಕಾಶ ಕಲ್ಪಿಸಲಾಗಿದೆ. ಇದಕ್ಕಾಗಿ ದಿನಾಂಕ ವಿಸ್ತರಣೆ ಮಾಡಿದೆ. 

ಇದನ್ನೂ ಓದಿ: Daily GK Quiz: ವಿಶ್ವದ ಅತ್ಯಂತ ಕಡಿಮೆ ಜನಸಂಖ್ಯೆ ಹೊಂದಿರುವ ದೇಶದ ಹೆಸರೇನು?

ಕರ್ನಾಟಕ ದ್ವಿತೀಯ ಪಿಯುಸಿ 2024 ವಿದ್ಯಾರ್ಥಿಗಳು ಅಂಕಗಳನ್ನು ಎಂಟ್ರಿ ಮಾಡಬೇಕಿಲ್ಲ. ಆದರೆ 2024ಕ್ಕಿಂತ ಮೊದಲು ಉತ್ತೀರ್ಣರಾಗಿರುವ ಎಲ್ಲ ಅಭ್ಯರ್ಥಿಗಳು ಕಡ್ಡಾಯವಾಗಿ ದ್ವಿತೀಯ ಪಿಯುಸಿ ಅಂಕಗಳನ್ನು ಇದರಲ್ಲಿ ಎಂಟ್ರಿ ಮಾಡಲೇಬೇಕು. 

ಈ ಅಂಕಗಳನ್ನು ದಾಖಲಿಸಲು ಮೊದಲು ಮೇ 20 ರವರೆಗೆ ಮಾತ್ರ ಅವಕಾಶ ನೀಡಲಾಗಿತ್ತು. ಈಗ ಮತ್ತೊಮ್ಮೆ ದಿನಾಂಕವನ್ನು ಮುಂಡೂಡಲಾಗಿದೆ. ಬಿಎಸ್‌ಇ, ಸಿಐಎಸ್‌ಸಿಇ, ಐಜಿಸಿಎಸ್‌ಇ 12ನೇ ಕ್ಲಾಸ್‌ ಅಂಕಗಳನ್ನು ಎಂಟ್ರಿ ಮಾಡಲು 23-05-2024 ರ ಸಂಜೆ 04 ಗಂಟೆಯಿಂದ 25-05-2024 ರ ಸಂಜೆ 05-30 ರವರೆಗೆ ಅಂಕಗಳನ್ನು ದಾಖಲಿಸಲು ಅವಕಾಶ ಕಲ್ಪಿಸಲಾಗುವುದು. ಈ ಸಮಯದಲ್ಲಿ ಮತ್ತೊಮ್ಮೆ ಕೆಇಎ ಪೋರ್ಟಲ್‌ ಅನ್ನು ತೆರೆಯಲಾಗುವುದು ಎಂದು ಇಲಾಖೆ ತಿಳಿಸಿದೆ.

ಸಿಬಿಎಸ್‌ಇ, ಸಿಐಎಸ್‌ಸಿಇ, ಐಜಿಸಿಎಸ್‌ಇ 12ನೇ ಕ್ಲಾಸ್‌ ಪಾಸಾದ ವಿದ್ಯಾರ್ಥಿಗಳು ತಪ್ಪದೇ ಈ ತಮ್ಮ ಅಂಕಗಳನ್ನು ನಮೂದಿಸಬೇಕು. 

ಇದನ್ನೂ ಓದಿ:  General knowledge: ಪೆಸಿಫಿಕ್ ಸಾಗರದ ಆಳ ಎಷ್ಟು ಗೊತ್ತಾ?