ನೀವು ರಸ್ತೆಬದಿ ಸಿಮ್ ಖರೀದಿಸುತ್ತಿರಾ? ಹಾಗಾದ್ರೆ ಈ ಖತರ್ನಾಕ್ ಸ್ಟೋರಿ ಓದಲೇ ಬೇಕು

ಬೆಂಗಳೂರು : ಅನಧಿಕೃತವಾಗಿ ಆ್ಯಕ್ಟಿವೇಟೆಡ್ ಸಿಮ್ ಕಾರ್ಡುಗಳನ್ನ ದುಪ್ಪಟ್ಟು ಹಣಕ್ಕೆ ಮಾರಾಟ ಮಾಡುತ್ತಿದ್ದ ಆರೋಪಿಯನ್ನ ಸಿಸಿಬಿಯ ಪೊಲೀಸರು ಬಂಧಿಸಿದ್ದಾರೆ. ಕಲಬುರಗಿ ಮೂಲದ ಮಲ್ಲಿಕಾರ್ಜುನ್ ಬಂಧಿತ ಆರೋಪಿ. ಈತ ರೋಡ್ ಸೈಡಲ್ಲಿ ಜಿಯೋ ಸಿಮ್ ಕಾರ್ಡುಗಳನ್ನ ಮಾರಾಟ ಮಾಡುತ್ತಿದ್ದ. 

ಇದನ್ನೂ ಓದಿ : ಮ್ಯಾಕ್ ಸ್ಟಾರ್ ಪ್ರಕರಣದಲ್ಲಿ Yes Bank ಗೆ ಭಾರೀ ಹಿನ್ನಡೆ, NCLAT ದಿವಾಳಿತನದ ಆದೇಶ ರದ್ದು

ತನ್ನ ಬಳಿ ನಂಬರ್ ಪೋರ್ಟ್ ಮಾಡಿಸಲು ಬರುತ್ತಿದ್ದವರ ದಾಖಲೆಗಳನ್ನ ಮೊಬೈಲ್ ಫೋನ್‌ನಲ್ಲಿ‌ ಫೋಟೋ ಕ್ಲಿಕ್ಕಿಸಿಕೊಂಡು ಅದೇ ದಾಖಲೆಗಳಿಂದ ಅನಧಿಕೃತವಾಗಿ ಇತರೆ ಸಿಮ್ ಕಾರ್ಡುಗಳನ್ನ ಆ್ಯಕ್ಟಿವೇಟ್ ಮಾಡುತ್ತಿದ್ದ. ಬಳಿಕ ಅವುಗಳನ್ನ ಹೆಚ್ಚು ಬೆಲೆಗೆ ಇತರರಿಗೆ ಮಾರಾಟ ಮಾಡುತ್ತಿದ್ದ.

ದಾಖಲೆಗಳನ್ನು ಕೊಡದೇ ಇರೋರಿಂದ ಪ್ರತಿ ಸಿಮ್ ಕಾರ್ಡಿಗೆ ಒಂದು ಸಾವಿರದಿಂದ ಒಂದೂವರೆ ಸಾವಿರ ರೂ ಹಣ ಪಡೆಯುತ್ತಿದ್ದ. ಸದ್ಯ ಆರೋಪಿಯನ್ನ ಬಂಧಿಸಿರುವ ಸಿಸಿಬಿ ಪೊಲೀಸರು ಬಂಧಿತನಿಂದ ನೂರಕ್ಕು ಹೆಚ್ಚು ಸಿಮ್ ಕಾರ್ಡುಗಳನ್ನ ವಶಕ್ಕೆ ಪಡೆದಿದ್ದಾರೆ.ಘಟನೆ ಸಂಬಂಧ ಹೆಚ್ಎಎಲ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.