ಪಿಎಸ್ಐ ಮೇಲೆ ಯುವಕನಿಂದ ಹಲ್ಲೆ: ಸಿಇಟಿ ಬರೆದಿದ್ದವ ಪೊಲೀಸರ ಅತಿಥಿ

ಬೆಂಗಳೂರು: ಬಸ್ ಪಾಸ್ ವಿಚಾರಕ್ಕಾಗಿ ಕಂಡಕ್ಟರ್ ಜೊತೆ ಜಗಳ ತೆಗೆದಿದ್ದನನ್ನು ಪ್ರಶ್ನಿಸಿದಕ್ಕೆ ಪಿಎಸ್ಐ ಮೇಲೆ ಹಲ್ಲೆ ಮಾಡಿ ಯುವಕನೊಬ್ಬ ಪೀಣ್ಯಾ ಪೊಲೀಸರ ಅತಿಥಿಯಾಗಿಯಾಗಿದ್ದಾನೆ.

ಮೌನೇಶ್ ಬಂಧಿತ ಯುವಕನಾಗಿದ್ದಾನೆ.ಜಾಲಹಳ್ಳಿ ಮೂಲದ ಮೌನೇಶ್ ನೆಲಮಂಗಲದಿಂದ ಪೀಣ್ಯಕ್ಕೆ  ಬಿಎಂಟಿಸಿ ಬಸ್ ನಲ್ಲಿ ತೆರಳುತ್ತಿದ್ದ. ಈ ವೇಳೆ ನಿರ್ವಾಹಕ ಟಿಕೆಟ್ ಪಡೆಯಲು ಸೂಚಿಸಿದಾಗ ಬಸ್ ಪಾಸ್ ಇದೆ ಎಂದು ಹೇಳಿ ಸುಮ್ಮನಾಗಿದ್ದ.  ಆಗ ನಿರ್ವಾಹಕ ಯುವಕನಿಗೆ ಪಾಸ್ ತೋರಿಸುವಂತೆ ಹೇಳಿದ್ದಾರೆ.ಪರಿಶೀಲನೆ ನಡೆಸಿದಾಗ ಪಾಸ್ ಸರಿಯಿಲ್ಲದ ಕಾರಣ ಟಿಕೆಟ್ ಪಡೆಯುವಂತೆ ನಿರ್ವಾಹಕ ಹೇಳಿದ್ದರು.

ಇದನ್ನೂ ಓದಿ: ಪಾವಗಡ ಸೋಲಾರ್ ಪಾರ್ಕ್- ನವೀಕರಿಸಬಹುದಾದ ಇಂಧನ ಮತ್ತು ಸುಸ್ಥಿರ ಅಭಿವೃದ್ಧಿಯ ಬದ್ಧತೆಗೆ ಸಾಕ್ಷಿ

ಇದೇ ವಿಚಾರವಾಗಿ ಮೌನೇಶ್ ಹಾಗೂ ನಿರ್ವಾಹಕನ ನಡುವೆ ವಾಗ್ವಾದ ನಡೆದು ಗಲಾಟೆ ತಾರಕ್ಕಕ್ಕೇರಿದೆ.ಈ ಬಗ್ಗೆ ಬಸ್ ನಿರ್ವಾಹಕ ಪೀಣ್ಯಾ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕಾಗಮಿಸಿದ ಸಬ್ ಇನ್ಸ್ ಪೆಕ್ಟರ್ ಸಿದ್ದು ಹೂಗಾರ ಯುವಕನನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.ಈ ವೇಳೆ ಸಿಟ್ಟಾದ ಯುವಕ ಪಿಎಸ್ಐ ಮರ್ಮಾಂಗದ ಮೇಲೆ ಹಲ್ಲೆ ಮಾಡಿದ್ದಾನೆ.ಯುವಕನನ್ನು ವಶಕ್ಕೆ ಪಡೆದ ನಂತರ ಯುವಕನ ಕುಟುಂಬಸ್ಥರು ಠಾಣೆಗೆ ಬಂದು ಬಾಗಿಲು ಹೊಡೆದು ದರ್ಪ ಮೆರೆದಿದ್ದಾರೆ ಎನ್ನಲಾಗುತ್ತಿದೆ. ಸ್ಥಳೀಯ ಕಾಲೇಜಿನಲ್ಲಿ ವ್ಯಾಸಂಗ ಮಾಡುತ್ತಿರುವ ಆರೋಪಿ ಮೌನೇಶ್ ಇತ್ತೀಚೆಗೆ ನೀಟ್ ಪರೀಕ್ಷೆ ಬರೆದಿದ್ದ.ಸದ್ಯ ಕೃತ್ಯ ಸಂಬಂಧ ಪ್ರಕರಣ ದಾಖಲಿಸಿಕೊಂಡು ಯುವಕನನ್ನ ಬಂಧಿಸಲಾಗಿದೆ.