ಯುವತಿಯರೆ ಸ್ನೇಹಿತರ ಕೈಗೆ ಮೊಬೈಲ್ ಕೊಡ್ತೀರಾ: ಹಾಗಿದ್ರೆ ಹುಷಾರ್ ನಿಮ್ಮ ಬೆ*ತ್ತಲೆ ವಿಡಿಯೋ ರೆಕಾರ್ಡ್ ಆಗಬಹುದು..!

ಬೆಂಗಳೂರು: ಕಷ್ಟ ಅಂದ್ರೆ ತಂದೆ- ತಾಯಿ ಬಿಟ್ರೆ ನೆನಪಾಗೋದು ಸ್ನೇಹಿತರು.‌ ಪ್ರಾಣಕ್ಕೆ ಪ್ರಾಣವಾಗಿರುವ ಅನೇಕರನ್ನು ನಾವು ನೋಡಿದ್ದೇವೆ. ಆದರೆ ಆದೇ ಸ್ನೇಹಿತ ಮಹಿಳೆಗೆ ನಂಬಿಕೆ ದ್ರೋಹ ಮಾಡಿದ್ದಾನೆ. ಮಹಿಳೆ  ನಂಬಿಕೆಯಿಟ್ಟು ಸ್ನೇಹಿತನ ಕೈಗೆ ಮೊಬೈಲ್ ಕೊಟ್ಟಿದ್ದಾಗ  ಗೊತ್ತಾಗದಂತೆ ಮೊಬೈಲ್ ನಲ್ಲಿ ಥರ್ಡ್ ಪಾರ್ಟಿ ಆ್ಯಪ್ ಡೌನ್ ಲೋಡ್ ಮಾಡಿದ್ದಾನೆ.

ಥರ್ಡ್ ಪಾರ್ಟಿ ಆ್ಯಪ್ ಮೂಲಕ ಮಹಿಳೆ ಫೋನನ್ನು ತನ್ನ ಮೊಬೈಲ್ ಮೂಲಕ ಆಪರೇಟ್ ಮಾಡಿ ಮಹಿಳೆ ಸ್ನಾನ ಮಾಡುವ ವಿಡಿಯೋ ರೆಕಾರ್ಡ್ ಮಾಡಿಕೊಂಡಿದ್ದಾನೆ. ಅಷ್ಟೇ ಅಲ್ಲದೇ ಬೆತ್ತಲೆ ವಿಡಿಯೋ  ಇಟ್ಟುಕೊಂಡು ಬ್ಲಾಕ್ ಮೇಲ್  ಮಾಡಿ ಮಹಿಳೆ ಮೇಲೆ ಅತ್ಯಾಚಾರ ಮಾಡಿದ ಹಣ ಕೂಡ ವಸೂಲಿ ಮಾಡಿದ್ದಾನೆ. ಮಹಿಳೆಗೆ ಸ್ನೇಹಿತನ ಮೂಲಕ ಪರಿಚಯವಾಗಿದ್ದ ಸಂಜಯ್ ಎಂಬಾತನಿಂದ ಕೃತ್ಯ ನಡೆದಿದ್ದು, ಆರ್.ಆರ್ ನಗರ ಪೊಲೀಸರು ಆರೋಪಿಯನ್ನು  ಅರೆಸ್ಟ್ ಆಗಿ ಜೈಲಿಗಟ್ಟಿದ್ದಾರೆ. ಸಂಜಯ್ ಮೊಬೈಲ್ ಪರಿಶೀಲಿಸಿದಾಗ 20ಕ್ಕೂ ಹೆಚ್ಚು ಹುಡುಗಿಯರ ವಿಡಿಯೋ ಇಟ್ಟುಕೊಂಡಿದ್ದ ಎಂಬುದನ್ನು ದೂರಿನಲ್ಲಿ  ಮಹಿಳೆ ಉಲ್ಲೇಖಿಸಿದ್ದಾರೆ‌.

ಪ್ರಕರಣದ ಹಿನ್ನೆಲೆ ಪಟ್ಟಗೇರೆ ಪಾಳ್ಯದಲ್ಲಿರುವ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ಮಹಿಳೆಗೆ 2023ರಲ್ಲಿ ತನ್ನ ಕಂಪನಿ ಸ್ನೇಹಿತನ ಮೂಲಕ  ಸಂಜಯ್ ಪರಿಚಯವಾಗಿದ್ದ. ಮಹಿಳೆ, ಕಂಪನಿ ಸ್ನೇಹಿತ ಮತ್ತು ಆರೋಪಿ ಸಂಜಯ್ ಮೂವರು ಔಟಿಂಗ್ ಹೋಗುತ್ತಿದ್ದರು. ಆಗ ಸಲುಗೆ ಬೆಳಸಿಕೊಂಡು ಸಂಜಯ್ ಸಂತ್ರಸ್ಥೆಯ ಮೊಬೈಲ್ ಉಪಯೋಗಿಸುತ್ತಿದ್ದ.

ಇದನ್ನೂ ಓದಿ- ರಾಜಧಾನಿಯಲ್ಲಿ ಪುಂಡರ ಅಟ್ಟಹಾಸ : ಇವರಿಗೆ ಪೊಲೀಸರ ಭಯಾನೇ ಇಲ್ಲ

ಮಹಿಳೆಗೆ ತಿಳಿಯದ ಹಾಗೆ ಮೊಬೈಲ್ ನಲ್ಲಿ ಥರ್ಡ್ ಪಾರ್ಟಿ ಆ್ಯಪ್ ಡೌನ್ ಲೋಡ್ ಮಾಡಿ ಇಟ್ಟಿದ್ದ. ಮಹಿಳೆ ಮನೆಯಲ್ಲಿ ಕರೆ ಬರುತ್ತೆ ಎಂದು ಮೊಬೈಲ್ ತೆಗೆದುಕೊಂಡು ಸ್ನಾನಕ್ಕೆ ಹೋಗಿದ್ದರು. ಆಗ ಥರ್ಡ್ ಪಾರ್ಟಿ ಆ್ಯಪ್ ಮೂಲಕ ತನ್ನ ಮೊಬೈಲ್ ನಲ್ಲಿ ಅಪರೇಟ್ ಮಾಡಿ ಆಕೆ ಮೊಬೈಲ್ ನಲ್ಲಿ ವಿಡಿಯೋ ರೆಕಾರ್ಡ್ ಮಾಡಿ ತನ್ನ ಮೊಬೈಲ್ ನಲ್ಲಿ ಸೇವ್ ಮಾಡಿಕೊಂಡಿದ್ದನಂತೆ.

ಮಹಿಳೆಗೆ ಆ ವಿಡಿಯೋ ಕಳುಹಿಸಿ ನಿನ್ನ ಕಂಪನಿಯ ಗೆಳೆಯ ನನಗೆ ಕಳುಹಿಸಿದ್ದು ಎಂದು ಹೇಳಿದ್ದನಂತೆ. ನಾನು ಡಿಲೀಟ್ ಮಾಡುತ್ತೇನೆ ಆತನನ್ನು ನಂಬಬೇಡ ಅಂತ ನಾಟಕವಾಡಿ ಮಹಿಳೆ ಬೆತ್ತಲೆ ವಿಡಿಯೋ ಇಟ್ಟುಕೊಂಡು ಮದುವೆ ಆಗುವಂತೆ ಬ್ಲಾಕ್ ಮೇಲೆ ಮಾಡಿ 15 ಸಾವಿರ‌ ಹಣವನ್ನ ಫೋನ್ ಪೇ ಮಾಡಿಸಿಕೊಂಡಿದ್ದನಂತೆ ಆರೋಪಿ. ಮಹಿಳೆಯನ್ನ ತನ್ನ ಮನೆಗೆ ಕರೆಸಿಕೊಂಡು ಬ್ಲಾಕ್ ಮೇಲ್ ಮಾಡಿ ಅತ್ಯಾಚಾರವೆಸಗಿರುವ ಆರೋಪ ಸಹ ಇದೆ.

ಇದನ್ನೂ ಓದಿ- ಸ್ಕೂಟಿಗೆ ಮಣ್ಣು ತುಂಬಿದ ಲಾರಿ ಡಿಕ್ಕಿ ಹೊಡೆದು ಪಲ್ಟಿ- ಮಣ್ಣಿನಡಿಯಲ್ಲಿ ಸಿಲುಕಿದ ಮಹಿಳೆಯ ರಕ್ಷಣೆ

ಮಹಿಳೆ ವಿಡಿಯೋ ಇದ್ದ ಆರೋಪಿಯ ಮೊಬೈಲ್ ಚೆಕ್ ಮಾಡಿದಾಗ ಹಲವು ಹುಡುಗಿಯರ ಬೆತ್ತಲೆ ವಿಡಿಯೋ ಪತ್ತೆಯಾಗಿವೆ. ಆಗ ಆ ಯುವತಿಯರಿಗೆ ಮಹಿಳೆ ಕಾಲ್ ಮಾಡಿ ಸಂಜಯ್ ಬಗ್ಗೆ ಹೇಳಿದ್ದಾಳೆ. ಆದರೆ ಕೆಲವು ದಿನ ಬಿಟ್ಟು ಮಹಿಳೆ ಅಡ್ಡಗಟ್ಟಿ ಮತ್ತೆ ಹಣಕ್ಕಾಗಿ ಬೇಡಿಕೆಯಿಟ್ಟು, ಜೊತೆಗೆ ಅವಾಚ್ಯ ಶಬ್ದಗಳಿಂದ‌ ನಿಂದಸಿ ಮಹಿಳೆಗೆ ಪ್ರಾಣ ಬೆದರಿಕೆ ಹಾಕಿದ್ದಾನೆಂದು  ದೂರು ದಾಖಲಾಗಿದೆ‌.