ಬೆಂಗಳೂರಿನಲ್ಲಿ ವಾಕಿಂಗ್ ಹೋಗುವ ಮಹಿಳೆಯರೇ ಎಚ್ಚರ: ಹಗ್, ಕಿಸ್ ಮಾಡಿ ಎಸ್ಕೇಪ್ ಆಗ್ತಾರೆ ಕಾಮುಕರು..!

ಬೆಂಗಳೂರು: ಸಿಲಿಕಾನ್ ಸಿಟಿಯಲ್ಲಿ ಮಹಿಳೆಯರಿಗೆ ಇಲ್ವಾ ಭದ್ರತೆ ಇಲ್ವಾ ಎಂಬ ಅನುಮಾನ ಈ ಸಿಸಿಟಿವಿ ದೃಶ್ಯಾವಳಿ ನೋಡಿದ್ರೆ ಮೂಡುತ್ತೆ. ಹೆಣ್ಣು ಯಾವಾದ ಮಧ್ಯರಾತ್ರಿ ಧೈರ್ಯವಾಗಿ ಓಡಾಡುತ್ತಾಳೋ ಅಂದೇ ದೇಶಕ್ಕೆ ಸ್ವಾತಂತ್ರ್ಯ ಬಂದಹಾಗೇ ಎಂಬ ಮಾತಿದೆ. ಆದರೆ ಇದೇ ಶುಕ್ರವಾರ ನಡೆದಿರುವ ಘಟನೆ ಎಂತವರನ್ನು ಬೆಚ್ಚಿಬೀಳಿಸುತ್ತೆ.‌ 

ಸಿಲಿಕಾನ್ ಸಿಟಿಯಲ್ಲಿ ಮುಂಜಾನೆ ವಾಕಿಂಗ್ ಮಾಡುವ ಮಹಿಳೆಯರನ್ನು ಕಾಮುಕರು ಬಿಡುತ್ತಿಲ್ಲ. ಈ ವಿಡಿಯೋ ನೋಡಿದರೆ ಹೊರಗಡೆ ಓಡಾಡುವ ಮಹಿಳೆಯರು ಬೆಚ್ಚಿ ಬೀಳೋದು ಪಕ್ಕಾ. ಮುಂಜಾನೆ ವಾಕಿಂಗ್ ಹೋಗಲು ತನ್ನ ಗೆಳತಿಯರಿಗಾಗಿ ಕಾಯುತ್ತಿದ್ದ ಮಹಿಳೆ ಮೇಲೆ ಕಾಮುಕನೊಬ್ಬ ಅಟ್ಟಹಾಸ ಮೆರೆದಿದ್ದಾನೆ. ಹಿಂದಿನಿಂದ ಮಹಿಳೆಯನ್ನು ಬಲವಂತವಾಗಿ ತಬ್ಬಿಕೊಂಡು  ಮುತ್ತಿಕ್ಕಿ ವಿಕೃತಿ ತೋರಿದ್ದಾನೆ.

ಇದನ್ನೂ ಓದಿ: 'ಶೀಘ್ರದಲ್ಲೇ ಲವ್ ಜಿಹಾದ್' ಪ್ರಕರಣಗಳಿಗೆ ಅಸ್ಸಾಂನಲ್ಲಿ ಜೀವಾವಧಿ ಶಿಕ್ಷೆ-ಅಸ್ಸಾಂ ಸಿಎಂ ಘೋಷಣೆ 

ಕೋಣನಕುಂಟೆ ಬಳಿಯ ಕೃಷ್ಣಾ ನಗರದಲ್ಲಿ ಘಟನೆ ನಡೆದಿದ್ದ ಎನ್ನಲಾಗಿದ್ದು, ಸದ್ಯ ಸಾಮಾಜಿಕ ಜಾಲ ತಾಣದಲ್ಲಿ ವಿಡಿಯೋ ವೈರಲ್ ಆಗಿದೆ. ಉತ್ತರ ಭಾರತ ಮೂಲದ ಮಹಿಳೆಯನ್ನು ಬೀದಿ ಕಾಮಣ್ಣ  ಹಿಂಬದಿಯಿಂದ ಬಂದು  ಹಿಡಿದುಕೊಂಡು ಒಂದು ಕೈ ನಿಂದ ಬಾಯಿ ಮುಚ್ಚಿದ್ದಾನೆ.