ಧಂತೇರಸ್‌ನಲ್ಲಿ ಕುಬೇರನನ್ನು ಈ ರೀತಿ ಪೂಜಿಸಿದರೆ ವರ್ಷವಿಡೀ ಹಣಕ್ಕೆ ಕೊರತೆಯೇ ಇರಲ್ಲ

Dhanteras Upay: ಬೆಳಕಿನ ಹಬ್ಬ ದೀಪಾವಳಿ ಐದು ದಿನಗಳ ಹಬ್ಬ. ಇದರಲ್ಲಿ ಲಕ್ಷ್ಮಿ ಪೂಜೆ, ಧಂತೇರಸ್ ಪೂಜೆಗೆ ವಿಶೇಷವಾದ ಪ್ರಾಮುಖ್ಯತೆ ಇದೆ. ಧಂತೇರಸ್ ದಿನದಂದು ಕುಬೇರನನ್ನು ಪೂಜಿಸಲಾಗುತ್ತದೆ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಧಂತೇರಸ್‌ನಲ್ಲಿ ಕುಬೇರನನ್ನು ಪೂಜಿಸುವಾಗ ಕುಬೇರ ದೇವನಿಗೆ ಕೆಲವು ವಸ್ತುಗಳನ್ನು ಅರ್ಪಿಸುವುದರಿಂದ ವರ್ಷವಿಡೀ ಹಣಕಾಸಿಗೆ ಕೊರತೆ ಇರುವುದಿಲ್ಲ. ಮಾತ್ರವಲ್ಲ, ಅವರು ಶೀಘ್ರದಲ್ಲೇ ಶ್ರೀಮಂತರಾಗಬಹುದು ಎಂದು ಹೇಳಲಾಗುತ್ತದೆ. 

ಧಂತೇರಸ್‌ನಲ್ಲಿ ಕುಬೇರನಿಗೆ ಈ ವಸ್ತುಗಳನ್ನು ಅರ್ಪಿಸುವುದರಿಂದ ಶೀಘ್ರದಲ್ಲೇ ಶ್ರೀಮಂತರಾಗಬಹುದು:
ಹಳದಿ ಸ್ವಸ್ತಿಕ: 
ಹಿಂದೂ ಧರ್ಮದಲ್ಲಿ ಪೂಜೆಯ ವೇಳೆ ಸ್ವಸ್ತಿಕವನ್ನು ಬರೆಯುವುದು ಪ್ರತೀತಿ. ಧಂತೇರಸ್‌ನಲ್ಲಿ ಕುಬೇರನನ್ನು ಪೂಜಿಸುವಾಗ ಪೂಜಾ ಕೊಠಡಿ ಮುಂದೆ ಭಗವಾನ್ ಕುಬೇರನ ಹೆಸರಿನಲ್ಲಿ ಅರಿಶಿನವನ್ನು ತುಪ್ಪ ಅಥವಾ ನೀರಿನಲ್ಲಿ ಬೆರೆಸಿ ಸ್ವಸ್ತಿಕ  ಚಿಹ್ನೆಯನ್ನು ಬರೆಯುವುದು ತುಂಬಾ ಮಂಗಳಕರ ಎಂದು ನಂಬಲಾಗಿದೆ. 

ಇದನ್ನೂ ಓದಿ- ಧಂತೇರಸ್‌ನಲ್ಲಿ ಅಪಾರ ಧನ-ಸಂಪತ್ತಿನೊಂದಿಗೆ ಈ ರಾಶಿಯವರ ಮನೆ ಪ್ರವೇಶಿಸಲಿದ್ದಾಳೆ ಮಹಾಲಕ್ಷ್ಮೀ

ದರ್ಬೆ: 
ದರ್ಬೆ ಎಂದರೆ ವಿಘ್ನ ವಿನಾಶಕನಿಗೆ ತುಂಬಾ ಪ್ರಿಯ ಎಂದು ನಿಮಗೆ ತಿಳಿದೇ ಇದೆ. ಆದರೆ, ಗಣೇಶನಿಗೆ ಮಾತ್ರವಲ್ಲ, ಧಂತೇರಸ್‌ನಲ್ಲಿ ಕುಬೇರನನ್ನು ಪೂಜಿಸುವಾಗಲೂ ದರ್ಬೆಯನ್ನು ಅರ್ಪಿಸಬೇಕು. ಇದರಿಂದ ಭಗವಾನ್ ಕುಬೇರ ಕುಟುಂಬದಲ್ಲಿ ಸುಖ-ಸಂಪತ್ತನ್ನು ಹೆಚ್ಚಿಸುವ ಜೊತೆಗೆ ಮನೆಯಲ್ಲಿ ಎದುರಾಗಿರುವ ಆರ್ಥಿಕ ಬಿಕ್ಕಟ್ಟನ್ನು ಸಹ ಶಮನಗೊಳಿಸುತ್ತಾನೆ ಎಂದು ನಂಬಲಾಗಿದೆ. 

ತೆಂಗಿನಕಾಯಿ: 
ಧಂತೇರಸ್‌ ಪೂಜೆಯ ವೇಳೆ ಒಂದು ಕೆಂಪು ಬಟ್ಟೆಯಲ್ಲಿ ತೆಂಗಿನಕಾಯಿಯನ್ನು ಸುತ್ತಿ ಕಲಶದ ಮೇಲೆ ಪ್ರತಿಷ್ಠಾಪಿಸುವುದನ್ನು ಅದೃಷ್ಟವೆಂದು ಹೇಳಲಾಗುತ್ತದೆ. ಈ ರೀತಿ ಮಾಡುವುದರಿಂದ ವ್ಯಕ್ತಿಯ ಜೀವನದಲ್ಲಿ ಹಣದ ಮಲೆಯಾಗುತ್ತದೆ ಎಂದು ಹೇಳಲಾಗುತ್ತದೆ. 

ಇದನ್ನೂ ಓದಿ- ಧಂತೇರಸ್‌ನಲ್ಲಿ ಕೊತ್ತಂಬರಿ ಸೊಪ್ಪಿನ ಪರಿಹಾರದಿಂದ ಮನೆಯಲ್ಲಿ ವರ್ಷವಿಡೀ ತುಂಬಿರಲಿದೆ ಸುಖ-ಸಂಪತ್ತು

ಹಳದಿ ಆಹಾರ: 
ಸಂಪತ್ತಿನ ಒಡೆಯನಾದ ಕುಬೇರನು ಹಳದಿ ಬಣ್ಣದ ವಸ್ತುಗಳನ್ನು ಹೆಚ್ಚು ಇಷ್ಟಪಡುತ್ತಾನೆ. ಧಂತೇರಸ್ ಪೂಜೆಯಲ್ಲಿ ಕುಬೇರನಿಗೆ ಹಳದಿ ಬಣ್ಣದ ಖಾದ್ಯಗಳನ್ನು ಪ್ರಸಾದವಾಗಿ ಅರ್ಪಿಸುವುದರಿಂದ ಶೀಘ್ರವೇ ಭಕ್ತರಿಗೆ ಕುಬೇರ ದಯೆ ತೋರುತ್ತಾನೆ. ಇಂತಹವರ ಮನೆಯಲ್ಲಿ ವರ್ಷ ಪೂರ್ತಿ ಹಣಕಾಸಿನ ಸಮಸ್ಯೆ ಇರುವುದಿಲ್ಲ ಎನ್ನಲಾಗುತ್ತದೆ.