ಎಲೆಕ್ಷನ್ ಗೆ ಸ್ಪರ್ಧಿಸಲು ಟಿಕೆಟ್ ಕೊಡಿಸಿ ಎಂದ ಬಳಕೆದಾರ, Sonu Sood ಉತ್ತರ ಕೇಳಿ ಫಿದಾ ಆದ ಅಭಿಮಾನಿಗಳು

ನವದೆಹಲಿ: ಲಾಕ್ ಡೌನ್ (Lockdown)  ಅವಧಿಯಲ್ಲಿ ಖ್ಯಾತ ನಟ ಸೋನು ಸೂದ್ (Sonu Sood) ಯಾವ ರೀತಿ ಕಾರ್ಮಿಕರನ್ನು ಅವರವರ ಮನೆಗೆ ತಲುಪಿಸುವಲ್ಲಿ ಯಶಸ್ವಿಯಾದರೋ ಅದು ನಿಜಕ್ಕೂ ಮೆಚ್ಚುವಂತದ್ದೆ. ಆದರೆ, ಸೋನು ಇದುವರೆಗೂ ಕೂಡ ಜನರಿಗೆ ಸಹಾಯ ಹಸ್ತ ಚಾಚುತ್ತಿರುವುದು ನಿಜಕ್ಕೂ ಶ್ಲಾಘನೀಯ. ಸಾಮಾಜಿಕ ಮಾಧ್ಯಮದಲ್ಲಿ ಸೋನು ಸೂದ್ ಮಾಡಿರುವ ಪೋಸ್ಟ್ ವೊಂದು ಇದೀಗ ಭಾರಿ ವೈರಲ್ ಆಗುತ್ತಿದೆ. ಟ್ವೀಟ್ ವೊಂದರಲ್ಲಿ ಬಿಹಾರದಲ್ಲಿ ಚುನಾವಣೆಗೆ ಸ್ಪರ್ಧಿಸಲು ಸೋನು ಅವರಿಗೆ ಅಭಿಮಾನಿಯೊಬ್ಬ BJP ಟಿಕೆಟ್ ಕೊಡಿಸಿ ಎಂಬ ಬೇಡಿಕೆಯನ್ನಿಟ್ಟಿದ್ದಾನೆ. ಇದಕ್ಕೆ ಸೋನು ಉತ್ತರಿಸಿದ ಪರಿಗೆ ಭಾರಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಈ ಹಿಂದೆಯೂ ಕೂಡ ಬಳಕೆದಾರರೊಬ್ಬರು ಸೋನುಗೆ 'ಸರ್, ನನಗೆ ಆಪಲ್ ಐಫೋನ್ ಬೇಕು, ಇದಕ್ಕಾಗಿ ನಾನು 20 ಬಾರಿ ಟ್ವೀಟ್ ಮಾಡಿದ್ದೇನೆ' ಎಂದು ಟ್ವೀಟ್ ಮಾಡಿದ್ದರು. ಈ ಟ್ವೀಟ್‌ಗೆ ಉತ್ತರಿಸಿದ್ದ ಸೋನು ಸೂದ್, 'ನನಗೂ ಫೋನ್ ಬೇಕು, ಇದಕ್ಕಾಗಿ ನಾನು ನಿಮಗೆ 21 ಬಾರಿ ಟ್ವೀಟ್ ಮಾಡಬಹುದು' ಎಂದು ಹೇಳಿದ್ದರು.