ಉಪಾಧ್ಯಕ್ಷಗೆ ಆಕ್ಷನ್‌ ಪ್ರಿನ್ಸ್‌ನ ಫುಲ್‌ ಸಪೋರ್ಟ್: ವಿಡಿಯೋ ಹಂಚಿಕೊಂಡ ಧ್ರುವ!

Dhruva Sarja Plans To Watch Upadhyakha Movie: ಚಂದನವನದಲ್ಲಿ ನಟ ಚಿಕ್ಕಣ್ಣ ಹಾಸ್ಯ ಕಲಾವಿದನಾಗಿ ಈಗಾಗಲೇ ಸಾಕಷ್ಟು ಸಿನಿಮಾಗಳನ್ನ ಮಾಡಿದ್ದಾರೆ. ಮೊದಲ ಬಾರಿ ಚಿಕ್ಕಣ್ಣ ಉಪಾಧ್ಯಕ್ಷ  ಚಿತ್ರದ ಮೂಲಕ ಚಿಕ್ಕಣ್ಣ ಹೀರೋ ಆಗಿದ್ದಾರೆ. ಈ ಒಂದು ಚಿತ್ರಕ್ಕೆ ಎಲ್ಲರೂ ಸಪೋರ್ಟ್ ಮಾಡುತ್ತಿದ್ದು, ನಟ ದರ್ಶನ್  ಸೇರಿದಂತೆ ಇಂಡಸ್ಟ್ರಿಯ ಚಿಕ್ಕಣ್ಣನ ಎಲ್ಲ ಸ್ಟಾರ್ ಸ್ನೇಹಿತರು ಸಾಥ್ ಕೊಡುವುದರ ಜೊತೆಗೆ ಮೊದಲ ದಿನ ಸಿನಿಮಾವನ್ನ ಕೂಡ ನೋಡಲಿದ್ದಾರೆ. 

ಇದೀಗ ಆ್ಯಕ್ಷನ ಪ್ರಿನ್ಸ್ ಧ್ರುವ ಸರ್ಜಾ ಉಪಾಧ್ಯಕ್ಷ  ನೋಡೊಕೆ ಪ್ಲಾನ್ ಮಾಡಿದ್ದು,ಹೀರೋ ಆಗಿ ಚಿಕ್ಕಣ್ಣ ಬರ್ತಿರೋ ಈ ಚಿತ್ರವನ್ನ ರಿಲೀಸ್ ಆದ ಮರು ದಿನ ನೋಡಲಿದ್ದಾರೆ. ಅಂದ್ರೆ ಜನವರಿ-27 ರಂದು ಉಪಾಧ್ಯಕ್ಷ ಸಿನಿಮಾವನ್ನು ವೀಕ್ಷಿಸಲಿದ್ದಾರೆ. ಈ ಮೂಲಕ ಗೆಳೆಯ ಚಿಕ್ಕಣ್ಣಿಗೆ ಧ್ರುವ ಸರ್ಜಾ ಸಪೋರ್ಟ್ ಮಾಡುತ್ತಿದ್ದಾರೆ.

ನಟ ಧ್ರುವ ಸರ್ಜಾ ಸಿನಿಮಾ ನೋಡ್ತಿರೋ ವಿಚಾರವನ್ನ ಧ್ರುವ ಸರ್ಜಾ ವಿಡಿಯೋ ಮೂಲಕ ತಿಳಿಸಿದ್ದು, "ಚಿಕ್ಕಣ್ಣನ ಸಿನಿಮಾ ಜನವರಿ-26ಕ್ಕೆ ಬರುತ್ತಿದೆ. ಈ ಚಿತ್ರವನ್ನ ನೋಡಲು ನಾನು ಬರುತ್ತಿದ್ದೇನೆ. ಎಲ್ಲರೂ ಸಿನಿಮಾ ನೋಡಿ, ಕನ್ನಡ ಸಿನಿಮಾಗಳನ್ನ ಬೆಳೆಸಿ" ಅಂತ ಕೇಳಿಕೊಂಡಿದ್ದಾರೆ.

ಉಪಾಧ್ಯಕ್ಷ ಸಿನಿಮಾದಲ್ಲಿ ಹೊಸತನ ಇದೆ ಅನಿಸುತ್ತಿದ್ದು, ಚಿತ್ರದ ಟ್ರೈಲರ್ ಆ ಒಂದು ವಿಷಯವನ್ನ ರಿವೀಲ್ ಮಾಡುತ್ತಿದೆ. ಹಾಸ್ಯ ನಾಯಕ ನಟ ಶರಣ್ ಅಭಿನಯದ ಅಧ್ಯಕ್ಷ ಚಿತ್ರದ ಸೇಮ್ ಫ್ಲೇವರದ್ದು, ಆದರೆ ಡೈರೆಕ್ಟರ್ ಅನಿಲ್ ಕುಮಾರ್ ಬೇರೆ ಕಥೆ ಮಾಡಿಕೊಂಡಿದ್ದಾರೆ. ಅಧ್ಯಕ್ಷ ಸಿನಿಮಾದಲ್ಲಿ ಹೇಗೆ ಶರಣ್ ಅಬ್ಬರಿಸಿದ್ದರೋ ಅದೇ ರೀತಿಯಲ್ಲಿಯೇ ಚಿಕ್ಕಣ್ಣ ಇಲ್ಲೂ ಕಂಗೊಳಿಸುತ್ತಿದ್ದಾರೆ.