ಯೋಗರಾಜ್ ಭಟ್ ಮುಂದಿನ ಸಿನಿಮಾದಲ್ಲಿ ‘ಪುಂಡಲೀಕ’ನಾಗಿ ಅನಂತ್ ನಾಗ್..!

ಬೆಂಗಳೂರು: ಸ್ಯಾಂಡಲ್ ವುಡ್ ನ ಹಿರಿಯ ನಟ ಅನಂತ್ ನಾಗ್ ಮತ್ತು ಖ್ಯಾತ ನಿರ್ದೇಶಕ ಯೋಗರಾಜ್ ಭಟ್ ಮತ್ತೆ ತೆರೆಮೇಲೆ ಒಂದಾಗಲಿದ್ದಾರೆ. ಇತ್ತೀಚೆಗಷ್ಟೇ ಅನಂತ್ ನಾಗ್ ಅವರಿಗೆ ಪದ್ಮಶ್ರೀ ಪ್ರಶಸ್ತಿ ನೀಡಬೇಕೆಂದು ಖ್ಯಾತ ನಟ-ನಟಿಯರು ಸೇರಿದಂತೆ ಅವರ ಅಸಂಖ್ಯಾತ ಅಭಿಮಾನಿಗಳು #AnantNagForPadma ಹ್ಯಾಷ್ ಟ್ಯಾಗ್ ಬಳಿಸಿ ಸೋಷಿಯಲ್ ಮೀಡಿಯಾದಲ್ಲಿ ಅಭಿಯಾನ ನಡೆಸಿದ್ದರು.

ಭಾರತೀಯ ಚಿತ್ರರಂಗಕ್ಕೆ ಹಿರಿಯ ನಟನ ಕೊಡುಗೆ ಪರಿಗಣಿಸಿ ಅವರಿಗೆ ಪದ್ಮಶ್ರೀ ಪ್ರಶಸ್ತಿ ನೀಡುವಂತೆ ಕೇಂದ್ರ ಸರ್ಕಾರಕ್ಕೆ ಮನವಿ ಮಾಡಲಾಗಿತ್ತು. ಎಲ್ಲ ಸೋಷಿಯಲ್ ಮೀಡಿಯಾ(Social Media)ಗಳಲ್ಲಿಯೂ #AnantNagForPadma ಹ್ಯಾಷ್ ಟ್ಯಾಗ್ ಸಖತ್ ಟ್ರೆಂಡಿಂಗ್ ಆಗಿತ್ತು. ತಮ್ಮ ವಿಶಿಷ್ಟ ಅಭಿನಯದ ಮೂಲಕ ಲಕ್ಷಾಂತರ ಅಭಿಮಾನಿಗಳನ್ನು ಸಂಪಾದಿಸಿರುವ ಅನಂತ್ ನಾಗ್(Anant Nag) ಭಾರತೀಯ ಚಿತ್ರರಂಗ, ಅದರಲ್ಲೂ ಕನ್ನಡ ಚಿತ್ರರಂಗಕ್ಕೆ ನೀಡಿದ ಕೊಡುಗೆ ಅಪಾರ. ಈಗಾಗಲೇ ಮುಂಗಾರುಮಳೆ, ಗಾಳಿಪಟ, ಪರಪಂಚ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಒಂದಾಗಿ ಕೆಲಸ ಮಾಡಿದ್ದ ಅನಂತ್ ನಾಗ್ ಮತ್ತು ಯೋಗರಾಜ್ ಭಟ್ ಜೋಡಿ ಮತ್ತೆ ಒಂದಾಗುತ್ತಿದೆ.

ಇದನ್ನೂ ಓದಿ: ಶಿಲ್ಪಾ ಶೆಟ್ಟಿ ಮತ್ತು ರಾಜ್ ಕುಂದ್ರಾ ಮೇಲೆ ಮೂರು ಲಕ್ಷ ದಂಡ ಹಾಕಿದ SEBI

ಮಾಹಿತಿಗಳ ಪ್ರಕಾರ ಯೋಗರಾಜ್ ಭಟ್(Yogaraj Bhat) ಮುಂದಿನ ಸಿನಿಮಾದಲ್ಲಿ ಅನಂತ್ ನಾಗ್ ಅವರು ಮುಖ್ಯಪಾತ್ರದಲ್ಲಿ ನಟಿಸಲಿದ್ದಾರಂತೆ. ಈ ಚಿತ್ರಕ್ಕೆ ‘ಪುಂಡಲೀಕ’ ಎಂದು ಟೈಟಲ್ ಇಡಲಾಗಿದ್ದು, ಅನೇಕ ಹೊಸಬರು ಇದರಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅನಂತ್ ನಾಗ್ ಅವರು ‘ಪುಂಡಲೀಕ’ ಪಾತ್ರಕ್ಕೆ ಜೀವ ತುಂಬಲಿದ್ದಾರೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಸದ್ಯ ‘ಗಾಳಿಪಟ 2’ ಸಿನಿಮಾ ಕೆಲಸಗಳಲ್ಲಿ ಯೋಗರಾಜ್ ಭಟ್ ಬ್ಯುಸಿಯಾಗಿದ್ದಾರೆ.

‘ಇದು ಒಂದು ಆಸಕ್ತಿದಾಯಕ ಚಿತ್ರವಾಗಿದ್ದು, ಅನಂತ್ ಸರ್ ಮಾತ್ರ ಇದರ ಮುಖ್ಯಪಾತ್ರಕ್ಕೆ ನ್ಯಾಯ ಒದಗಿಸಬಲ್ಲರು. ಈ ಸಿನಿಮಾ ನಿರ್ಮಾಣದ ಕೆಲಸಗಳನ್ನು ಶುರುಮಾಡಲು ಉತ್ಸುಕನಾಗಿದ್ದೇನೆ. ನಾಯಕ ಮತ್ತು ಇತರ ನಟರ ಹೆಸರುಗಳನ್ನು ಶೀಘ್ರದಲ್ಲಿಯೇ ಘೋಷಿಸಲಾಗುವುದು ಅಂತಾ ಯೋಗರಾಜ್ ಭಟ್(Yogaraj Bhat) ಹೇಳಿದ್ದಾರೆ. ಮತ್ತೆ ಈ ಜೋಡಿಯ ಸಿನಿಮಾವನ್ನು ಕಣ್ತುಂಬಿಕೊಳ್ಳಲು ಅಭಿಮಾನಿಗಳು ಕಾತುರರಾಗಿದ್ದಾರೆ.

ಇದನ್ನೂ ಓದಿ: GR in VR: ‘ವಿಕ್ರಾಂತ್ ರೋಣ’ದ ಜಾಕ್ವೆಲಿನ್ ಫರ್ನಾಂಡಿಸ್ ಫಸ್ಟ್ ಲುಕ್ ರಿಲೀಸ್..!

ಪದ್ಮಶ್ರೀ ಅಭಿಯಾನದ ಬಗ್ಗೆ ಮಾತನಾಡಿರುವ ಅನಂತ್ ನಾಗ್(Anant Nag),  ‘ಅಭಿಮಾನಿಗಳು ನನ್ನ ಬಗ್ಗೆ ಹೊಂದಿರುವ ಅಭಿಮಾನ, ವಾತ್ಸಲ್ಯ ಮತ್ತು ಗೌರವಕ್ಕೆ ಧನ್ಯವಾದ. ನಾನು ಈ ರೀತಿಯ ಪ್ರತಿಕ್ರಿಯೆಯನ್ನು ಜನರಿಂದ ನಿರೀಕ್ಷಿಸಿರಲಿಲ್ಲ. ಖಂಡಿತವಾಗಿಯೂ ಅವರು ನನ್ನ ಕೆಲಸವನ್ನು ಮೆಚ್ಚಿದ್ದಾರೆ. ಈ ರೀತಿ ಚರ್ಚೆಯಾಗುತ್ತಿರುವುದು ಇದೇ ಮೊದಲೇನಲ್ಲ. ಈ ಹಿಂದೆ ಪ್ರಶಸ್ತಿ ಘೋಷಿಸಿದಾಗಲೆಲ್ಲಾ ನನ್ನ ಹೆಸರು ಏಕೆ ಬಂದಿಲ್ಲವೆಂದು ಅಭಿಮಾನಿಗಳು ಬೇಸರಪಟ್ಟುಕೊಂಡಿದ್ದಾರೆ. ನಾನು ಸುಮ್ಮನೆ ಮುಗುಳ್ನಕ್ಕು ನನ್ನ ಕೆಲಸ ಮುಂದುವರಿಸಿದ್ದೇನೆ. ನಾನು ಆ ಪ್ರಶಸ್ತಿಗೆ ಅರ್ಹನೆಂದು ಜನರು ಭಾವಿಸಿರುವುದಕ್ಕೆ ಅಭಾರಿಯಾಗಿದ್ದೇನೆ’ ಅಂತಾ ಹೇಳಿದ್ದಾರೆ.