ಫ್ಯಾನ್ಸ್‌ ಈಗಲೇ ಖುಷಿಪಡಬೇಡಿ.. ದರ್ಶನ್‌ಗೆ ಸಿಕ್ಕಿದ್ದು ʼಮಧ್ಯಂತರ ಬೇಲ್‌ʼ ಅಷ್ಟೇ..! 6 ವಾರಗಳ ನಂತರ ಮತ್ತೆ...

Darshan Bail : ಚಿತ್ರದುರ್ಗ ಮೂಲಕ ರೇಣುಕಾಸ್ವಾಮಿ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿ ನಟ ದರ್ಶನ್‌ ಮತ್ತು ಪವಿತ್ರಗೌಡ ಬಂಧನವಾಗಿತ್ತು.. ಸುದೀರ್ಘ ಸಮಯದ ನಂತರ ದರ್ಶನ್‌ ಅವರಿಗೆ ಮಧ್ಯಂತರ ಬೇಲ್‌ ಸಿಕ್ಕಿದೆ.. ಈ ವಿಚಾರ ಅವರ ಕುಟುಂಬಸ್ಥರು ಹಾಗೂ ಅಭಿಮಾನಿಗಳಿಗೆ ಖುಷಿ ನೀಡಿದೆ. ಇಂದೇ ನಟ ಬಳ್ಳಾರಿ ಜೈಲಿನಿಂದ ಬಿಡುಗಡೆ ಆಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.. 

ನಟ ದರ್ಶನ್ ಅವರಿಗೆ 6 ವಾರಗಳ ಮಧ್ಯಂತರ ಜಾಮೀನು ಮಂಜೂರಾಗಿದೆ. ಆದರೆ ಕೋರ್ಟ್ ಆದೇಶ ಬಳ್ಳಾರಿ ಜೈಲಿಗೆ ತಲುಪಿ, ಕಾನೂನು ಪ್ರಕ್ರಿಯೆ ಸಂಜೆ 5 ಗಂಟೆ ವೇಳೆಗೆ ಮುಕ್ತಾಯವಾದರೆ ಮಾತ್ರ ದರ್ಶನ್ ಇಂದೇ ಜೈಲಿನಿಂದ ಬಿಡುಗಡೆಯಾಗಲಿದ್ದಾರೆ ಎನ್ನಲಾಗಿದೆ. ಇಲ್ಲವೇ ನಾಳೆ ಬಿಡುಗಡೆ ಆಗುವ ಸಾಧ್ಯತೆ ಇದೆ.

ಇದನ್ನೂ ಓದಿ:ಬಿಷ್ಣೋಯಿ ಜೊತೆ ನಿಶ್ಚಿತಾರ್ಥ ಬ್ರೇಕ್‌, ಅನುಷ್ಕಾ ಶರ್ಮಾ ಜೊತೆ ಸಿನಿರಂಗಕ್ಕೆ ಎಂಟ್ರಿ..! ಪಡ್ಡೆ ಹುಡುಗರ ಕ್ರಶ್‌ ಈಕೆ..

ಈ ಕುರಿತು ಪ್ರತಿಕ್ರಿಯೆ ನೀಡಿರುವ ದರ್ಶನ್‌ ಪರ ವಕೀಲ ಸುನೀಲ್ ಕುಮಾರ್, ನಟ ದರ್ಶನ್‌ ಅವರಿಗೆ ಹೈಕೋರ್ಟ್​ ಮಧ್ಯಂತರ ಜಾಮೀನು ಮಂಜೂರು ಮಾಡಿದೆ. ಸಧ್ಯ ನಾವು ನ್ಯಾಯಾಲಯದ ದೃಢಿಕೃತ ಪ್ರತಿ ಪಡೆದುಕೊಳ್ಳುತ್ತೇವೆ. ಆ ಬಳಿಕ ಸೆಕ್ಷನ್ ಕೋರ್ಟ್‌ಗೆ ಅಡ್ವಾನ್ಸ್ ಮೆಂಟ್ ಅರ್ಜಿಯನ್ನು ಸಲ್ಲಿಕೆ ಮಾಡಬೇಕು, ನಂತರ ಸೂಕ್ತ ಶ್ಯೂರಿಟಿ ದಾಖಲಾತಿ ಪತ್ರಗಳನ್ನು ಸಲ್ಲಿಸಬೇಕಾಗುತ್ತದೆ ಎಂದರು.. 

ಅಲ್ಲದೆ, ಕೋರ್ಟ್‌ ದರ್ಶನ್‌ ಅವರ ಪಾಸ್​ಪೋರ್ಟ್​ ಸಲ್ಲಿಕೆ ಮಾಡಲು ಹೇಳಿದೆ, ಅದನ್ನು ನಾವು ಕೂಡಲೇ ಮಾಡ್ತೇವೆ. ಈ ಎಲ್ಲಾ ಪ್ರಕ್ರಿಯೆಗಳನ್ನು ಮುಕ್ತಾಯವಾದ ಬಳಿಕ ಅವರು ಬಿಡುಗಡೆ ಆಗಲಿದ್ದಾರೆ. ನಾವು ಕೊಟ್ಟ ಶ್ಯೂರಿಟಿಗಳನ್ನು ಕೆಳ ಹಂತದ ನ್ಯಾಯಾಲಯ ಅಂಗೀಕೃತ ಮಾಡಬೇಕು. ಆ ನಂತರವೇ ಬಿಡುಗಡೆ ಆಗಲು ಸಾಧ್ಯ ಎಂದು ತಿಳಿಸಿದ್ದಾರೆ. ದರ್ಶನ್‌ ಅವರಿಗೆ ಸಿಕ್ಕಿರುವುದು ಮಧ್ಯಂತರ ಜಾಮೀನು ಅಷ್ಟೇ, ರೆಗ್ಯುಲರ್ ಬೇಲ್ ಪಡೆದುಕೊಳ್ಳುವ ಕಾನೂನು ಹೋರಾಟ ಮುಂದುವರೆಯುತ್ತದೆ ಎಂದು ವಕೀಲ್ ಸಂತೋಷ್ ಅವರು ತಿಳಿಸಿದ್ದಾರೆ..

ಇದನ್ನೂ ಓದಿ:ತಾತ ಪ್ರಧಾನಿ.. ಪತಿ ಸ್ಟಾರ್ ಹೀರೋ.. ಈಕೆ ಬ್ಯಾಗ್ರೌಂಡ್‌ ಕೇಳಿದ್ರೆ ನಿಮ್ಮ ತಲೆ ಗಿರ್‌.. ಅನ್ನುತ್ತೆ...!

ಒಟ್ಟಾರೆಯಾಗಿ ಹೇಳುವುದಾದರೆ, ಇದು ಆರೋಗ್ಯದ ಸಲುವಾಗಿ ನೀಡಲಾದ ಮಧ್ಯಂತರ ಜಾಮೀನು, ವೈದ್ಯರ ತಪಾಸಣೆ ಮತ್ತು ಚಿಕಿತ್ಸೆಯ ಎಲ್ಲಾ ವಿವರಗಳನ್ನು ಕೋರ್ಟ್‌ಗೆ ನೀಡಬೇಕಾಗುತ್ತದೆ.. ಹಾಗಾದ್ರೆ 6 ವಾರಗಳ ನಂತರ ದರ್ಶನ್‌ ಮತ್ತೇ ಜೈಲಿಗೆ ಹೋಗ್ತಾರಾ.. ಅಥವಾ ರೆಗ್ಯೂಲರ್‌ ಬೇಲ್‌ ಪಡೆಯುತ್ತಾರಾ ಅಂತ ಕಾಯ್ದು ನೋಡಬೇಕಿದೆ..