ತಮ್ಮ ಅಸಿಸ್ಟೆಂಟ್ ಮದುವೆಗೆ ಸರ್ಪ್ರೈಸ್ ಆಗಿ ಭೆಟಿ ನೀಡಿದ ಧನುಷ್..! ನಟನ ಸರಳತೆಗೆ ಫ್ಯಾನ್ಸ್‌ ಫಿದಾ

Dhanush at his assistants marriage : ಸೌತ್ ಸೆನ್ಸೇಶನ್ ನಟ ಧನುಷ್ ತಮ್ಮ ಸಹಾಯಕನ ಮದುವೆ ಬಂದು ಸರ್ಪ್ರೈಸ್‌ ನೀಡಿದ್ದಾರೆ. ಶರ್ಟ್, ಡೆನಿಮ್ ಪ್ಯಾಂಟ್ ಮತ್ತು ಬೇಸ್ ಬಾಲ್ ಕ್ಯಾಪ್ ಧರಿಸಿದ್ದ ಧನುಷ್‌ ದಂಪತಿ ಜೊತೆ ಫೋಟೋಗೆ ಪೋಸ್‌ ನೀಡಿರುವ ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿವೆ.. ನಟನ ಸರಳತೆ ಕಂಡು ಫ್ಯಾನ್ಸ್‌ ಫಿದಾ ಆಗಿದ್ದಾರೆ..

ಹೌದು.. ಧನುಷ್‌ ತುಂಬಾ ಸರಳ ವ್ಯಕ್ತಿತ್ವ ಹೊಂದಿರುವ ನಟರಲ್ಲಿ ಒಬ್ಬರು. ಅವರು ತಮ್ಮ ಅಭಿಮಾನಿಗಳ ಅಭಿಮಾನವನ್ನು ತುಂಬು ಹೃದಯದಿಂದ ಗೌರವಿಸುತ್ತಾರೆ. ಈ ಕುರಿತು ಹಲವಾರು ವಿಡಿಯೋಗಳಲ್ಲಿ ನೋಡಿದ್ದೇವೆ. ಇದೀಗ ತಮ್ಮ ಸಹಾಯಕ ಆನಂದ್‌ ಮದುವೆ ಬಂದು ಸರ್ಪ್ರೈಸ್‌ ನೀಡಿದ್ದು, ಈ ಕುರಿತು ಫೊಟೋಸ್‌ ಅಂತರ್ಜಾಲದಲ್ಲಿ ಹರಿದಾಡುತ್ತಿವೆ.

ಈ ವೈರಲ್ ಫೋಟೋಗಳಿಗೆ ಅಭಿಮಾನಿಗಳು ಪ್ರತಿಕ್ರಿಯೆ ನೀಡುತ್ತಿದ್ದಾರೆ, "ಹೃದಯಸ್ಪರ್ಶಿ" ಎಂದು ಕಾಮೆಂಟ್‌ ಮಾಡುವ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ʼಧನುಷ್ ಅವರು ತಮ್ಮ ಸಹಾಯಕನ ಮದುವೆಗೆ ಅನಿರೀಕ್ಷಿತ ಭೇಟಿ ನೀಡಿದ್ದು, ಹೃದಯಸ್ಪರ್ಶಿಯಾಗಿದೆ. ಇದು ಅಭಿಮಾನಿಗಳು ಅವರನ್ನು ಇನ್ನಷ್ಟು ಪ್ರೀತಿಸುವಂತೆ ಮಾಡುತ್ತದೆʼ ಅಂತ ಬರೆದುಕೊಂಡು ಟ್ಟಿಟರ್‌ನಲ್ಲಿ ಫೋಟೋಸ್‌ ಹಂಚಿಕೊಳ್ಳಲಾಗಿದೆ.

ಸಧ್ಯ ಧನುಷ್‌ ಕ್ಯಾಪ್ಟನ್ ಮಿಲ್ಲರ್‌ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರವನ್ನು ಅರುಣ್ ಮಾಥೇಶ್ವರನ್ ನಿರ್ದೇಶಿಸಿದ್ದಾರೆ. ಪ್ರಿಯಾಂಕಾ ಅರುಲ್ ಮೋಹನ್, ಶಿವ ರಾಜ್‌ಕುಮಾರ್, ನಿವೇದಿತಾ ಸತೀಶ್ ಮತ್ತು ಸಂದೀಪ್ ಕಿಶನ್ ಈ ಚಿತ್ರದಲ್ಲಿ ನಟಿಸಿದ್ದಾರೆ. ಸದ್ಯದಲ್ಲೇ ಚಿತ್ರ ತೆರೆಕಾಣಲಿದೆ.

ಇದನ್ನೂ ಓದಿ: ಗೌರಿ ಗಣೇಶ ಹಬ್ಬಕ್ಕೆ 'ಕೆಂದಾವರೆ' ಟೈಟಲ್ ಹಾಗೂ ಫಸ್ಟ್ ಲುಕ್ ರಿಲೀಸ್..!

ಅಲ್ಲದೆ, ʼತೇರೆ ಇಷ್ಕ್ ಮೇʼ ಎಂಬ ಹಿಂದಿ ಸಿನಿಮಾದಲ್ಲಿ ಆನಂದ್ ಎಲ್. ರೈ ಅವರೊಂದಿಗೆ ಧನುಷ್ ಮತ್ತೆ ಕೆಲಸ ಮಾಡಲು ಸಿದ್ಧರಾಗಿದ್ದಾರೆ. ಇವರಿಬ್ಬರು ಈ ಹಿಂದೆ ಸೋನಮ್ ಕಪೂರ್ ನಾಯಕಿಯಾಗಿದ್ದ ರಾಂಝಾನಾದಲ್ಲಿ ಹಾಗೂ ಸಾರಾ ಅಲಿ ಖಾನ್ ಮತ್ತು ಅಕ್ಷಯ್ ಕುಮಾರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದ ಅತ್ರಾಂಗಿ ರೇ ಚಿತ್ರದಲ್ಲಿ ಒಂದಾಗಿದ್ದರು.