ʼಸಲಾರ್ʼ ಸಿನಿಮಾ ನೋಡೋಕೆ ಉಚಿತ ಟಿಕೆಟ್ ಬೇಕಾ..? ಬಂಪರ್ ಆಫರ್ ಇಲ್ಲಿದೆ

Nikhil Siddharth free ticket : ಡಾರ್ಲಿಂಗ್‌ ಪ್ರಭಾಸ್ ನಾಯಕನಾಗಿ ನಟಿಸಿರುವ ಸಲಾರ್‌ ಹಲವು ನಿರೀಕ್ಷೆಗಳನ್ನು ಹೊತ್ತು ಬಿಡುಗಡೆಗೆ ರೆಡಿಯಾಗಿದೆ. ಸಧ್ಯ ಈ ಸಿನಿಮಾ ನೋಡಲು 100 ಮಂದಿಗೆ ಉಚಿತ ಟಿಕೆಟ್ ನೀಡುವುದಾಗಿ ತೆಲುಗು ನಟ ನಿಖಿಲ್ ಸಿದ್ಧಾರ್ಥ್‌ ಘೋಷಣೆ ಮಾಡಿದ್ದಾರೆ. ಇದೀಗ ಸಂಬಂಧಿಸಿದ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಪ್ರಸ್ತುತ ಪ್ರಭಾಸ್ ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಈ ಮಧ್ಯ ಡಾರ್ಲಿಂಗ್‌ ಅಭಿಮಾನಿಗಳ ನಿರೀಕ್ಷೆಯು ಸಲಾರ್ ಚಿತ್ರದ ಮೇಲೆ ಹೆಚ್ಚಿದೆ. ಅದಕ್ಕೆ ಮುಖ್ಯ ಕಾರಣ ಈ ಸಿನಿಮಾಗೆ ಕೆಜಿಎಫ್ ನಂತಹ ಬ್ಲಾಕ್ ಬಸ್ಟರ್ ಕೊಟ್ಟ ಪ್ರಶಾಂತ್ ನೀಲ್ ನಿರ್ದೇಶನ ಮಾಡುತ್ತಿರುವುದು.

ಇದನ್ನೂ ಓದಿ: ಶತಕೋಟಿ ಆಸ್ತಿ ಒಡೆಯ ನಟ ಅಮಿತಾಬ್ ಬಚ್ಚನ್ ತನ್ನೆಲ್ಲಾ ಆಸ್ತಿ ಯಾರ ಹೆಸರಿಗೆ ಬರೆದಿದ್ದಾರೆ ಗೊತ್ತಾ?

ಹೌದು.. ಸಲಾರ್‌ ಎರಡು ಭಾಗಗಳಲ್ಲಿ ಬಿಡುಗಡೆಯಾಗಲಿದ್ದು, ಮೊದಲ ಭಾಗ ಸಾಲಾರ್ ಭಾಗ 1 ಸೀಜ್ ಫೈರ್ ಡಿಸೆಂಬರ್ 22 ರಂದು ತೆರೆಗೆ ಅಪ್ಪಳಿಸಲಿದೆ. ಬಾಹುಬಲಿ ನಂತರ ಡಾರ್ಲಿಂಗ್‌ ಆ ರೇಂಜ್‌ನಲ್ಲಿ ಹಿಟ್ ಸಿನಿಮಾ ನೀಡದ ಕಾರಣ ಅವರ ಅಭಿಮಾನಿಗಳು ಈ ಸಿನಿಮಾದ ಮೇಲೆ ಬೆಟ್ಟದಷ್ಟು ಆಸೆಯನ್ನು ಹೊತ್ತುಕೊಂಡಿದ್ದಾರೆ. ಆದರೆ ಈ ಸಿನಿಮಾದ ಪ್ರಚಾರಗಳು ಇನ್ನೂ ವೇಗ ಪಡೆದಿಲ್ಲ. ಸದ್ಯದಲ್ಲೇ ರಾಜಮೌಳಿ ಪ್ರಭಾಸ್ ಅವರ ಸಂದರ್ಶನ ನಡೆಸಿದರು ವಿಡಿಯೋ ಬಿಡುಗಡೆಯಾಗಲಿದೆ ಎಂಬ ಮಾಹಿತಿ ಇದೆ. ಅದರ ಹೊರತಾಗಿ, ಈ ಚಿತ್ರಕ್ಕೆ ಯಾವುದೇ ಪ್ರಿ-ರಿಲೀಸ್ ಈವೆಂಟ್ ಇದೂವರೆಗೂ ಆಯೋಜನೆ ಮಾಡಿಲ್ಲ.

ಹೈದರಾಬಾದಿನ ಶ್ರೀರಾಮುಲು ಥಿಯೇಟರ್‌ನಲ್ಲಿ ಡಿ.21ರ ಮಧ್ಯರಾತ್ರಿ ಒಂದು ಗಂಟೆಗೆ ಸಲಾರ್ ಶೋ ನಡೆಯಲಿದೆ ಎಂದು ಪ್ರಭಾಸ್ ಸ್ಪಷ್ಟಪಡಿಸಿದ್ದಾರೆ. ಈ ಶೋಗೆ 100 ಡೈ ಹಾರ್ಡ್ ಪ್ರಭಾಸ್ ಅಭಿಮಾನಿಗಳಿಗೆ ಉಚಿತ ಟಿಕೆಟ್ ನೀಡುವುದಾಗಿ ಮತ್ತು ಅವರ ಜೊತೆ ಸಿನಿಮಾ ನೋಡುವುದಾಗಿ ನಿಖಿಲ್‌ ಹೇಳಿಕೊಂಡಿದ್ದಾರೆ.

10 ವರ್ಷಗಳ ಹಿಂದೆ ಇದೇ ಥಿಯೇಟರ್ ನಲ್ಲಿ ರಾತ್ರಿ 1 ಗಂಟೆಗೆ ಪ್ರಭಾಸ್ ಅಭಿನಯದ ಸೂಪರ್ ಹಿಟ್ ಸಿನಿಮಾ ಮಿರ್ಚಿ ನೋಡಿದ್ದೆ, ಈಗ ಇತಿಹಾಸ ಮರುಕಳಿಸಲಿದೆ’ ಎಂದು ನಿಖಿಲ್ ಟ್ವೀಟ್ ಮಾಡಿದ್ದಾರೆ. ನಿಖಿಲ್ ಟ್ವೀಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈ ನೂರು ಅದೃಷ್ಟವಂತರು ಯಾರೆಂದು ನೋಡೋಣ.