ನಟ ಪ್ರಭಾಸ್‌ ಕೆನ್ನೆಗೆ ಹೊಡೆದ ಯುವತಿ..! ವಿಡಿಯೋ ವೈರಲ್‌

Prabhas fans: ಪ್ಯಾನ್ ಇಂಡಿಯಾ ಸ್ಟಾರ್ ನಟ ಪ್ರಭಾಸ್‌ಗೆ ನಮ್ಮ ದೇಶದಲ್ಲಿ ಮಾತ್ರವಲ್ಲದೆ ಪ್ರಪಂಚದಾದ್ಯಂತ ಸಾಕಷ್ಟು ಅಭಿಮಾನಿಗಳಿದ್ದಾರೆ. 'ಬಾಹುಬಲಿ' ಸರಣಿಯ ಮೂಲಕ ಪ್ರಭಾಸ್ ವಿಶ್ವ ಮಟ್ಟದಲ್ಲಿ ಫ್ಯಾನ್ಸ್‌ ಫಾಲೋಯಿಂಗ್‌ ಹೊಂದಿದ್ದಾರೆ. ಅದರಲ್ಲೂ ಜಪಾನ್‌ನಲ್ಲಿ 'ಬಾಹುಬಲಿ' ಸಿನಿಮಾ ಸಖತ್‌ ಕ್ರೇಜ್‌ ಪಡೆದುಕೊಂಡಿತ್ತು. ಸಧ್ಯ ಪ್ರಭಾಸ್‌ಗೆ ಯುವತಿಯೊಬ್ಬಳು ಕೆನ್ನೆಗೆ ಹೊಡೆದಿರುವ ವಿಡಿಯೋ ಒಂದು ಇಂಟರ್‌ನೆಟ್‌ನಲ್ಲಿ ಸದ್ದು ಮಾಡುತ್ತಿದೆ.

ಹೌದು.. ಪ್ರಭಾಸ್‌ಗೆ ಸಾಕಷ್ಟು ಡೈ ಹಾರ್ಡ್ ಫ್ಯಾನ್ಸ್‌ಗಳಿದ್ದಾರೆ. ಪ್ರಭಾಸ್‌ ಕೂಡ ತಮ್ಮ ಅಭಿಮಾನಿಗಳನ್ನ ಡಾರ್ಲಿಂಗ್ಸ್‌ ಅಂತ ಪ್ರೀತಿಯಿಂದ ಕರಿತಾರೆ. ಅಷ್ಟೆ ಅಲ್ಲದೆ, ಕಷ್ಟ ಅಂತ ಬಂದವರಿಗೆ ಸಹಾಯ ಮಾಡುತ್ತಾರೆ. ಹಾಗಾಗಿಯೇ ಪ್ರಭಾಸ್ ಮತ್ತು ಅವರ ಅಭಿಮಾನಿಗಳ ಮಧ್ಯ ಅಪಾರ ಪ್ರೀತಿ ಇದೆ. ಇತ್ತೀಚಿಗೆ ಪ್ಯಾನ್ಸ್‌ ಜೊತೆ ಪ್ರಭಾಸ್‌ ಫೋಟೋಗೆ ಪೋಸ್‌ ನೀಡುತ್ತಿದ್ದಾಗ ತಮಾಷೆಯ ಘಟನೆ ನಡೆದಿದೆ. 

ವಿಮಾನ ನಿಲ್ದಾಣದಲ್ಲಿ ಪ್ರಭಾಸ್‌ ನೋಡಿ ಹುಚ್ಚೆದ್ದು ಕುಣಿದ ಯುವತಿ ಅವರ ಜೊತೆ ಫೋಟೊ ತೆಗೆಸಿಕೊಳ್ಳುತ್ತಾಳೆ. ಇದರಿಂದ ಫುಲ್‌ ಖುಷಿಯಾಗಿ ಡಾರ್ಲಿಂಗ್‌ ಕೆನ್ನೆ ಮುಟ್ಟಿ ಕುಣಿದಾಡುತ್ತಾಳೆ. ಈ ಕುರಿತ ವಿಡಿಯೋವನ್ನು ಸ್ಥಳೀಯರು ತಮ್ಮ ಮೊಬೈಲ್‌ನಲ್ಲಿ ಸೆರೆ ಹಿಡಿದ್ದಾರೆ. ಯುವತಿಯ ಪ್ರೀತಿ ನೋಡಿ ಪ್ರಭಾಸ್ ನಕ್ಕಿರುವುದು ಅವರ ಫ್ಯಾನ್ಸ್‌ಗೆ ತುಂಬಾ ಇಷ್ಟವಾಗಿದೆ.

ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ಸದ್ಯ ಮೂರು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಮೊದಲನೆಯದು ಸಲಾರ್.. ಈ ವರ್ಷ ಡಿಸೆಂಬರ್ 22 ರಂದು ಬಿಡುಗಡೆಗೆ ಸಿದ್ಧವಾಗಿದೆ. ನಿರ್ದೇಶಕ ನಾಗ್ ಅಶ್ವಿನ್ ಜೊತೆಯಲ್ಲಿ ತಯಾರಾಗುತ್ತಿರುವ ‘ಕಲ್ಕಿ’ ಸಿನಿಮಾದ ಶೂಟಿಂಗ್ ಅಂತಿಮ ಹಂತದಲ್ಲಿದೆ. ಈ ಸಿನಿಮಾ ಮುಂದಿನ ವರ್ಷ ಅಂದರೆ 2024ಕ್ಕೆ ಬಿಡುಗಡೆಯಾಗುವ ಸಾಧ್ಯತೆ ಇದೆ. ಇನ್ನೊಂದೆಡೆ ಸಂದೀಪ್ ರೆಡ್ಡಿ ವಂಗ ನಿರ್ದೇಶನದಲ್ಲಿ ‘ಸ್ಪಿರಿಟ್’ ಸಿನಿಮಾ ಕೂಡ ತಯಾರಾಗಲಿದೆ.