ನಟಿ ಕಸ್ತೂರಿ ಶಂಕರ್ ಯಾರು? ಬಂಧನಕ್ಕೆ ಕಾರಣವೇನು.. ಕನ್ನಡದಲ್ಲಿ ಮಿಂಚಿರುವ ಇವರು ಕೋಟಿ ಕೋಟಿ ಆಸ್ತಿ ಸಂಪಾದಿಸಿರುವುದು ಹೇಗೆ?

Kasthuri Shankar: ತೊಂಬತ್ತರ ದಶಕದಲ್ಲಿ ಸೌತ್‌ ಸಿನಿಮಾಗಳಲ್ಲಿ ಸ್ಟಾರ್ ಹೀರೋಯಿನ್ ಆಗಿದ್ದ ನಟಿ ಕಸ್ತೂರಿ ಶಂಕರ್ ಇತ್ತೀಚೆಗೆ ತೆಲುಗು ಜನರ ಬಗ್ಗೆ ಕಾಮೆಂಟ್ ಮಾಡಿದ್ದಕ್ಕಾಗಿ ಬಂಧನಕ್ಕೊಳಗಾದದ್ದು ಗೊತ್ತೇ ಇದೆ. ನಟಿ ಕಸ್ತೂರಿ ಶಂಕರ್ ಕುಟುಂಬದ ಹಿನ್ನೆಲೆ ಮತ್ತು ಆಸ್ತಿ ವಿವರಗಳು ವೈರಲ್ ಆಗುತ್ತಿವೆ.

ನಟಿ ಕಸ್ತೂರಿ ಶಂಕರ್ ಕಾಲೇಜು ದಿನಗಳಲ್ಲಿ ಮಾಡೆಲಿಂಗ್‌ನಲ್ಲಿ ಮಿಂಚಿದರು. 1992 ರಲ್ಲಿ ಮಿಸ್ ಚೆನ್ನೈ ಸ್ಪರ್ಧೆಯನ್ನು ಗೆದ್ದರು. ನಂತರ ಫೆಮಿನಾ ಮಿಸ್ ಮದ್ರಾಸ್ ಸ್ಪರ್ಧೆಯಲ್ಲೂ ಗೆದ್ದರು. ಆ ನಂತರ ಸಿನಿಮಾದತ್ತ ಮುಖ ಮಾಡಿದರು. 

ಬ್ರಾಹ್ಮಣ ಕುಟುಂಬದಲ್ಲಿ ಜನಿಸಿದ ಕಸ್ತೂರಿ ಅವರ ತಾಯಿ ಸುಮತಿ ವಕೀಲರು ಮತ್ತು ತಂದೆ ಶಂಕರ್ ಇಂಜಿನಿಯರ್. ಕಸ್ತೂರಿಯವರು ಬಾಲ್ಯದಿಂದಲೇ ಐಷಾರಾಮಿ ಜೀವನ ನಡೆಸಿದರು. ವಿದ್ಯಾಭ್ಯಾಸದಲ್ಲಿ ಮುಂದಿದ್ದರೂ ಮಾಡೆಲಿಂಗ್ ನಲ್ಲಿ ಆಸಕ್ತಿ ಹೆಚ್ಚಿತ್ತು. ತಾಯಿ ವಕೀಲೆ ಆಗಿರುವುದರಿಂದ ಬಾಲ್ಯದಿಂದಲೂ ಸಮಾಜದ ಹಲವು ಸಮಸ್ಯೆಗಳ ಬಗ್ಗೆ ದನಿ ಎತ್ತುತ್ತಿದ್ದರು.  

ಇದನ್ನೂ ಓದಿ: ಬಹುಕಾಲದ ಗೆಳೆಯನೊಂದಿಗೆ ಹಸೆಮಣೆ ಏರಲಿದ್ದಾರೆ ಕೀರ್ತಿ ಸುರೇಶ್‌! ಆತ ಬೇರಾರೂ ಅಲ್ಲ..   

ತೆಲುಗು ಭಾಷಿಕ ಮಹಿಳೆಯರ ಬಗ್ಗೆ ಕಸ್ತೂರಿ ಅವರು ಹೇಳಿದ ಮಾತುಗಳು ಇದೀಗ ಸಂಚಲನ ಸೃಷ್ಟಿಸಿವೆ. ಕೆಲವು ದಿನಗಳ ಹಿಂದೆ ತೆಲುಗು ಭಾಷಿಕ ಮಹಿಳೆಯರ ಬಗ್ಗೆ ಕಸ್ತೂರಿ ಅವರ ಹೇಳಿಕೆಗಳು ದೇಶಾದ್ಯಂತ ಸಂಚಲನ ಮೂಡಿಸಿತ್ತು. ಇದೇ ಕಾರಣಕ್ಕೆ ನಟಿ ಕಸ್ತೂರಿ ಶಂಕರ್ ವಿರುದ್ಧ ಪ್ರಕರಣ ದಾಖಲಾಗಿತ್ತು. ಎರಡು ದಿನಗಳ ಹಿಂದೆ ನಟಿ ಕಸ್ತೂರಿ ಶಂಕರ್ ಬಂಧಿಸಲಾಗಿದೆ. 

ಚೆನ್ನೈ ಎಗ್ಮೂರ್ ಪೊಲೀಸ್ ಠಾಣೆಯಲ್ಲಿ ಕಸ್ತೂರಿ ವಿರುದ್ಧ ದೂರು ದಾಖಲಿಸಿದ ನಂತರ ನವೆಂಬರ್ 16 ರಂದು ಹೈದರಾಬಾದ್‌ನಲ್ಲಿ ಬಂಧಿಸಲಾಯಿತು. ನಿರ್ಮಾಪಕರ ಮನೆಯಲ್ಲಿ ತಲೆಮರೆಸಿಕೊಂಡಿದ್ದ ಕಸ್ತೂರಿ ಅವರನ್ನು ಪೊಲೀಸರು ಬಂಧಿಸಿದ್ದಾರೆ ಎಂಬ ವರದಿಗಳು ಬಂದಿವೆ. 

48 ವರ್ಷದ ಕಸ್ತೂರಿ ಅವರ ಪತಿ ರವಿಕುಮಾರ್ ವೈದ್ಯರಾಗಿದ್ದಾರೆ. ಅವರಿಗೆ ಸಂಕಲ್ಪ್ ಎಂಬ ಮಗ ಮತ್ತು ಸೋಭಿನಿ ಎಂಬ ಮಗಳು ಇದ್ದಾರೆ. ಮದುವೆಯ ನಂತರವೂ ನಟನೆಯನ್ನು ಮುಂದುವರಿಸಿದ ಕಸ್ತೂರಿಯವರ ಪತಿ ಕೂಡ ಶ್ರೀಮಂತ ಮನೆತನದವರು. ಚೆನ್ನೈನಲ್ಲಿ ಎರಡು ಮತ್ತು ಹೈದರಾಬಾದ್‌ನಲ್ಲಿ ಒಂದು ಮನೆ ಇದೆ. ಅಮೆರಿಕದಲ್ಲೂ ಮನೆ ಇದೆ ಎಂದು ವರದಿಯಾಗಿದೆ. 

ಜಾಣ, ಇಬ್ಬರ ನಡುವೆ ಮುದ್ದಿನ ಆಟ, ತುತ್ತಾ ಮುತ್ತಾ, ಹಬ್ಬ, ಪ್ರೇಮಕ್ಕೆ ಸೈ ಸೇರಿದಂತೆ ಕನ್ನಡದ  ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. 2024ರಲ್ಲಿ ಲೋಕಸಭಾ ಚುನಾವಣೆಯಲ್ಲಿ ಮದುರೈ ಕ್ಷೇತ್ರದಲ್ಲಿ ಬಿಜೆಪಿ ಪರ ಪ್ರಚಾರ ಮಾಡಿದ್ದರು. 

ಪ್ರತಿ ಸಿನಿಮಾಗೆ 15 ರಿಂದ 20 ಲಕ್ಷ ಸಂಭಾವನೆ ಪಡೆಯುವ ನಟಿ ಕಸ್ತೂರಿ ಶಂಕರ್‌ ಒಟ್ಟು ಆಸ್ತಿ 15 ರಿಂದ 20 ಕೋಟಿ ಇರಬಹುದು ಎಂದು ಅಂದಾಜಿಸಲಾಗಿದೆ. ಆದರೆ ಇದಕ್ಕೆ ಯಾವುದೇ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. 

ಇದನ್ನೂ ಓದಿ: ‘ಲಕ್ಷ್ಮೀ ನಿವಾಸ’ದ ಜಾಹ್ನವಿಗೆ ಕೂಡಿಬಂತು ಕಂಕಣಭಾಗ್ಯ; ಚಂದನಾ ಮತ್ತು ಭಾವಿ ಪತಿಯ ಕ್ವಾಲಿಫಿಕೇಷನ್ ಏನು?

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.