ಎನ್‌ಐಎ ಸಮನ್ಸ್‌ ಕಳುಹಿಸಿಲ್ಲ : ʻಮಾಣಿಕ್ಯʼ ಬೆಡಗಿ ವರಲಕ್ಷ್ಮಿ ಸ್ಪಷ್ಟನೆ

NIA summon To Varalakshmi Sarathkumar : ತಮಿಳುನಾಡಿನ ತಿರುಚ್ಚಿ ವಿಶೇಷ ಶಿಬಿರದಲ್ಲಿ ಈಳಂ ತಮಿಳರು ಮತ್ತು ವಿದೇಶಿಯರನ್ನು ಬಂಧಿಸಲಾಗಿದೆ ಎಂದು ಕೆಲವು ವರದಿಗಳು ಹಬ್ಬಿದ್ದವು. ಅವರು ಮಾದಕವಸ್ತು ಮತ್ತು ಶಸ್ತ್ರಾಸ್ತ್ರಗಳ ಕಳ್ಳಸಾಗಣೆಯಲ್ಲಿ ತೊಡಗಿಸಿಕೊಂಡಿದ್ದಾರೆ ಎಂದು ಹೇಳಲಾಗಿತ್ತು. ಇದರಿಂದ ಬಂದ ಹಣದಲ್ಲಿ ಭಾರತ ಮತ್ತು ಶ್ರೀಲಂಕಾದಲ್ಲಿ ಎಲ್ ಟಿಟಿಇ ಆಂದೋಲನಕ್ಕೆ ಮರುಜೀವ ನೀಡುತ್ತಿದೆ ಎಂಬ ಮಾಹಿತಿ ಎನ್ ಐಎಗೆ ಸಿಕ್ಕಿದೆ ಎಂದು ವರದಿಯಾಗಿತ್ತು.

ಈ ಪ್ರಕರಣದಲ್ಲಿ ಕೇರಳದ ವಿಳಿಂಜಮ್ ಬಂದರಿನಲ್ಲಿ 300 ಕೆಜಿ ಡ್ರಗ್ಸ್ ಮತ್ತು ಶಸ್ತ್ರಾಸ್ತ್ರಗಳನ್ನು ಹಿಡಿದಿರುವ ಘಟನೆಯಲ್ಲೂ ಅವರು ಭಾಗಿಯಾಗಿದ್ದಾರೆ ಎಂದು ತನಿಖೆಯಿಂದ ತಿಳಿದುಬಂದಿದೆ ಎಂದು ವರದಿಯಾಗಿತ್ತು. ಈ ಪ್ರಕರಣದಲ್ಲಿ ಈಳಂ ಮೂಲದ ಗುಣ, ಪುಷ್ಪರಾಜ್, ಅಜ್ಮಿನ್ ಸೇರಿದಂತೆ 13 ಮಂದಿಯನ್ನು ಎನ್‌ಐಎ ಬಂಧಿಸಿತ್ತು ಎಂದು ವರದಿಯಾಗಿತ್ತು. ಅವರನ್ನು ಅಧಿಕಾರಿಗಳು ಬಂಧಿಸಿದ್ದಾರೆ ಎಂದು ವರದಿಯಾಗಿತ್ತು. ಶ್ರೀಲಂಕಾ ತಮಿಳರು ಸೇರಿದಂತೆ 13 ಮಂದಿಯನ್ನು ಈಗಾಗಲೇ ಬಂಧಿಸಲಾಗಿದ್ದು, 14ನೇ ವ್ಯಕ್ತಿಯಾಗಿ ಆದಿಲಿಂಗಂ ಅವರನ್ನು ಬಂಧಿಸಲಾಗಿದೆ ಎಂದು ವರದಿಯಾಗಿತ್ತು.

ಇದನ್ನೂ ಓದಿ: ಕೇರಳದಲ್ಲಿ ಮೊದಲ ದಿನವೇ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದ 10 ಚಿತ್ರಗಳಿವು..!

ಮಾದಕ ವಸ್ತು ಕಳ್ಳಸಾಗಣೆ ಗ್ಯಾಂಗ್ ನ ಪ್ರಮುಖ ವ್ಯಕ್ತಿ ಗುಣಶೇಖರನ್ ನೊಂದಿಗೆ ಆದಿಲಿಂಗಂ ಸಂಪರ್ಕ ಹೊಂದಿದ್ದು, ಮಾದಕ ವಸ್ತು ಕಳ್ಳಸಾಗಣೆಯಿಂದ ಪಡೆದ ಹಣವನ್ನು ಆದಿಲಿಂಗಂ ಚಿತ್ರರಂಗದಲ್ಲಿ ಹೂಡಿಕೆ ಮಾಡಿರುವುದು ತನಿಖೆಯಿಂದ ತಿಳಿದುಬಂದಿದೆ ಎಂದು ವರದಿಯಾಗಿತ್ತು. ನಟಿ ವರಲಕ್ಷ್ಮಿ ಅವರಿಗೆ ಆದಿಲಿಂಗಂ ಸಹಾಯಕನಾಗಿದ್ದ ಎಂಬುದೂ ತನಿಖೆಯಲ್ಲಿ ಬಯಲಾಗಿದೆ ಎಂದು ವರದಿಯಾಗಿತ್ತು.

ಹೀಗಾಗಿ ಆದಿಲಿಂಗಂ ಹೂಡಿಕೆ ಹಾಗೂ ಕಾರ್ಯಾಚರಣೆ ಕುರಿತು ಮಾಹಿತಿ ಕಲೆಹಾಕುವಂತೆ ನಟಿ ವರಲಕ್ಷ್ಮಿಗೆ ಎನ್ ಐಎ ತಿಳಿಸಿದೆ ಎಂದು ವರದಿಯಾಗಿತ್ತು. ವಿಚಾರಣೆಗೆ ಖುದ್ದು ಹಾಜರಾಗುವಂತೆ ಸಮನ್ಸ್ ನೀಡಲಾಗಿದೆ ಎಂದು ವರದಿಯಾಗಿದೆ. ಆದರೆ ನಟಿ ವರಲಕ್ಷ್ಮಿ ಶರತ್‌ಕುಮಾರ್ ಅವರಿಗೆ ಅಂತಹ ಯಾವುದೇ ಸಮನ್ಸ್ ನೀಡಿಲ್ಲ ಎಂದು ಹೇಳಿಕೆಯ ಮೂಲಕ ಸ್ಪಷ್ಟಪಡಿಸಿದ್ದಾರೆ. ಈ ಕುರಿತು ಹೇಳಿಕೆ ನೀಡಿರುವ ಅವರು ಆದಿಲಿಂಗಂ ಪ್ರಕರಣಕ್ಕೆ ಸಂಬಂಧಿಸಿದಂತೆ ನನಗೆ ಎನ್‌ಐಎ ಸಮನ್ಸ್ ನೀಡಿದೆ ಎಂದು ಹರಿದಾಡುತ್ತಿರುವ ವರದಿಗಳೆಲ್ಲವೂ ಸುಳ್ಳು ಮತ್ತು ಕೇವಲ ವದಂತಿಗಳಾಗಿದ್ದು, ಅಂತಹ ಯಾವುದೇ ಸಮನ್ಸ್ ಜಾರಿಯಾಗಿಲ್ಲ ಎಂದಿದ್ದಾರೆ.

ಆದಿಲಿಂಗಂ ಅವರು 3 ವರ್ಷಗಳ ಹಿಂದೆ ಸ್ವತಂತ್ರ ವ್ಯವಸ್ಥಾಪಕರಾಗಿ ಸ್ವಲ್ಪ ಸಮಯ ಮಾತ್ರ ನನ್ನೊಂದಿಗೆ ಕೆಲಸ ಮಾಡಿದರು. ಈ ಅವಧಿಯಲ್ಲಿ ನಾನು ಹಲವಾರು ಸ್ವತಂತ್ರ ವ್ಯವಸ್ಥಾಪಕರೊಂದಿಗೆ ಏಕಕಾಲದಲ್ಲಿ ಕೆಲಸ ಮಾಡಿದ್ದೇನೆ. ಅವರ ಅಧಿಕಾರಾವಧಿಯ ನಂತರ ಇಲ್ಲಿಯವರೆಗೆ ನಾವು ಯಾವುದೇ ಸಂಪರ್ಕ ಅಥವಾ ಸಂವಹನವನ್ನು ಹೊಂದಿಲ್ಲ. ವಾಸ್ತವಾಂಶಗಳ ಆಧಾರದ ಮೇಲೆ ಮಾಹಿತಿ ಪ್ರಕಟಿಸಲು ಮಾಧ್ಯಮಗಳಿಗೆ ನಾನು ವಿನಂತಿಸುತ್ತೇನೆ ಎಂದು ವರದಿಯಾಗಿತ್ತು.

ಇದನ್ನೂ ಓದಿ: ಯಶ್‌ ರನ್ನು ಭಾವ ಎನ್ನುವ ಶ್ರೀಲೀಲಾ.. ಈ ಸಂಬಂಧದ ಹಿಂದಿದೆ ಇಂಟರೆಸ್ಟಿಂಗ್ ಸ್ಟೋರಿ