Aishwarya Rai: 1992ರಲ್ಲಿ ಐಶ್ವರ್ಯಾ ರೈ ಪಡೆದ ಸಂಭಾವನೆ ಕೇಳಿದ್ರೆ ಅಚ್ಚರಿಯಾಗುತ್ತೆ!!

ಮುಂಬೈ: ನಟಿ ಮತ್ತು ಮಾಜಿ ವಿಶ್ವ ಸುಂದರಿ ಐಶ್ವರ್ಯಾ ರೈ ಬಚ್ಚನ್ ಅವರ ವೃತ್ತಿಜೀವನದ ಆರಂಭಿಕ ಹಂತದ ಮಾಡೆಲಿಂಗ್ ಇನ್‌ವಾಯ್ಸ್‌ನ ಪ್ರತಿಯು ಅಂತರ್ಜಾಲದಲ್ಲಿ ವೈರಲ್‌ ಆಗುತ್ತಿದೆ. ಈ ಬಿಲ್‌ ಮೇ 23, 1992 ರ ಹಿಂದಿನದು, ಅವರು 1994 ರಲ್ಲಿ ಅಸ್ಕರ್ ವಿಶ್ವ ಸುಂದರಿ ಪ್ರಶಸ್ತಿಯನ್ನು ಗೆಲ್ಲುವ ಸುಮಾರು ಎರಡು ವರ್ಷಗಳ ಮೊದಲು ಪಡೆದಿದ್ದ ಸಂಭಾವನೆ ಇದಾಗಿದೆ. ಇದು ನಿಯತಕಾಲಿಕದ ಚಿತ್ರೀಕರಣಕ್ಕಾಗಿ ನಟಿ ಐಶ್ವರ್ಯಾ ರೈ 1,500 ರೂ. ಗಳನ್ನು ಪಡೆದಿದ್ದರು. 

ಇದನ್ನೂ ಓದಿ: "ಮಸೀದಿ ಜಾಗದಲ್ಲಿ ದೈವ ಸಾನಿಧ್ಯ ಇರೋದು ಸ್ಪಷ್ಟ"

ಆ ಸಮಯದಲ್ಲಿ ಸುಮಾರು 18 ವರ್ಷ ವಯಸ್ಸಿನವರಾಗಿದ್ದ ಐಶ್ವರ್ಯಾ ರೈ, ಮ್ಯಾಗಜೀನ್ ಕ್ಯಾಟಲಾಗ್ ಶೂಟ್‌ಗಾಗಿ ಕೃಪಾ ಕ್ರಿಯೇಷನ್ಸ್ ಎಂಬ ಸಂಸ್ಥೆಗೆ ಮಾಡೆಲ್ ಆಗಿ ಕೆಲಸ ಮಾಡಲು ಒಪ್ಪಿಕೊಂಡಿದ್ದರು. ಬಿಲ್‌ನ ಕೆಳಭಾಗದಲ್ಲಿ ಅವರ ಸಹಿ ಇದೆ ಮತ್ತು ಒಪ್ಪಂದವನ್ನು ಮುಂಬೈನಲ್ಲಿ ಸಹಿ ಮಾಡಲಾಗಿದೆ ಎಂದು ಹೇಳಲಾಗಿದೆ.

ವಿಮಲ್ ಉಪಾಧ್ಯಾಯ ಎಂಬ ಟ್ವಿಟರ್ ಬಳಕೆದಾರರು ಮ್ಯಾಗಜೀನ್ ಶೂಟ್‌ನ ಚಿತ್ರಗಳನ್ನು ಟ್ವಿಟ್ಟರ್‌ನಲ್ಲಿ ಸರಣಿ ಟ್ವೀಟ್‌ಗಳಲ್ಲಿ ಹಂಚಿಕೊಂಡಿದ್ದಾರೆ, ಇದು ಕ್ಯಾಟಲಾಗ್ ಫೋಟೋಗಳು ಮತ್ತು ಮ್ಯಾಗಜೀನ್ ಕವರ್‌ ಅನ್ನು ಹೊಂದಿದೆ.

ಇತ್ತೀಚೆಗೆ ಐಶ್ವರ್ಯಾ ರೈ 75 ನೇ ಆವೃತ್ತಿಯ ಕೇನ್ಸ್ ಚಲನಚಿತ್ರೋತ್ಸವದಲ್ಲಿ ಭಾಗಿಯಾಗಿದ್ದರು.