Selfiee collecion : ಕೇವಲ 1 ಕೋಟಿ ಹಣ ಗಳಿಸಿದ ಅಕ್ಷಯ್‌ ಕುಮಾರ್‌ ʼಸೆಲ್ಫಿ ಸಿನಿಮಾʼ..! ʼಪಠಾಣ್‌ʼ ದಾಖಲೆ ಮುರಿದಂತೆ ಬಿಡಿ..

Selfiee box office collection Day 1 : ಬಾಲಿವುಡ್‌ ಸ್ಟಾರ್‌ ನಟ ಅಕ್ಷಯ್ ಕುಮಾರ್ ಮತ್ತು ಇಮ್ರಾನ್ ಹಶ್ಮಿ ಅಭಿನಯದ ಸೆಲ್ಫಿ ಒಂದು ದಿನದ ಹಿಂದೆ ಬಿಡುಗಡೆಯಾಗಿದೆ. ಪ್ರೇಕ್ಷಕರು ಮತ್ತು ವಿಮರ್ಶಕರಿಂದ ಉತ್ತಮ ವಿಮರ್ಶೆಗಳನ್ನು ಪಡೆಯುತ್ತಿದೆ. ಆದರೆ ಬಿಡುಗಡೆಯಾದ ಮೊದಲ ದಿನವೇ ಚಿತ್ರ ಕಲೆಹಾಕಿದ ಅಂಕಿಅಂಶಗಳು ಅತ್ಯಂತ ಆಘಾತಕಾರಿಯಾಗಿದ್ದು, ಸೂಪರ್‌ಸ್ಟಾರ್‌ ನಟನ ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ಕೇವಲ 1. 30 ಕೋಟಿಗಳನ್ನು ಗಳಿಸಿದೆ.

ಈ ಹಿಂದೆ ಕಾರ್ತಿಕ್ ಆರ್ಯನ್ ಅವರ ಶೆಹಜಾದಾ ಒಂದು ದಿನದ ಮೊತ್ತವನ್ನೂ ಸಹ ದಾಟಲು ಅಕ್ಷಯ್‌ ಕುಮಾರ್‌ ಸೆಲ್ಫಿಗೆ ಸಾಧ್ಯವಾಗಿಲ್ಲ. ಶೆಹಜಾದಾ ಒಂದು ದಿನದಲ್ಲಿ 2.92 ಕೋಟಿ ಗಳಿಸಿತು. ಇನ್ನು ಈ ಕುರಿತು ತರಣ್ ಆದರ್ಶ್ ಟ್ವೀಟ್‌ ಮಾಡಿದ್ದು, ಅಕ್ಷಯ್ ಕುಮಾರ್ ನಟನೆಯ ಸೆಲ್ಫಿಯ ಬಾಕ್ಸ್ ಆಫೀಸ್‌ ಮೊತ್ತದ ಕುರಿತು ದಾಖಲೆ ನೀಡಿದ್ದಾರೆ. ಒಬ್ಬ ಸೂಪರ್‌ ಸ್ಟಾರ್‌ ಸಿನಿಮಾ ಬಿಡುಗಡೆಯಾದ ಮೊದಲ ದಿನವೇ ಕೇವಲ 1.30 ಕೋಟಿಗಳಿಸಿರುವುದು ಆಘಾತ ಉಂಟುಮಾಡಿದೆ.

ಯಾವಾಗ್ಲೂ ಅಕ್ಷಯ್ ಕುಮಾರ್ ತಮ್ಮ ವಿಶಿಷ್ಟ ಸ್ಕ್ರಿಪ್ಟ್‌ ಮೂಲಕ  ತೆರೆ ಮೇಲೆ ಬಂದು ಮೋಡಿ ಮಾಡುತ್ತಿದ್ದರು. ಆದ್ರೆ, ಸೆಲ್ಫಿ ಸಿನಿಮಾ ಹೆಚ್ಚಾಗಿ ಪ್ರೇಕ್ಷಕರ ಗಮನಸೆಳೆಯುತ್ತಿಲ್ಲ. ಬಾಕ್ಸ್ ಆಫೀಸ್ ನಿಜಕ್ಕೂ ಅಘಾತ ದಾಖಲೆಯನ್ನು ಅಕ್ಷಯ್‌ ಸಿನಿಮಾ ಮಾಡಿದೆ. ಸೆಲ್ಫಿ ಈಗಾಗಲೇ ಬಾಕ್ಸ್ ಆಫೀಸ್‌ನಲ್ಲಿ ವಿಫಲವಾಗಿದೆ ಎಂದು ಘೋಷಿಸಲಾಗಿದೆ. ಇದು ಅಕ್ಷಯ್ ಕುಮಾರ್ ಅವರ ಸತತ ಆರನೇ ಚಿತ್ರವಾಗಿದ್ದು, ಒಂದು ಗಲ್ಲಾ ಪಟ್ಟಿಯಲ್ಲಿ ವಿಫಲವಾಗಿದೆ. ಇನ್ನು ಅಕ್ಷಯ್‌ ಕುಮಾರ್‌ ಸೆಲ್ಫಿ ಸಿನಿಮಾ ಬಾಕ್ಸ್‌ ಆಫೀಸ್‌ನಲ್ಲಿ ವಿಫಲವಾದ ಹಿನ್ನೆಲೆ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ಟ್ರೋಲ್‌ ಮಾಡಲಾಗುತ್ತಿದೆ. ಅಲ್ಲದೆ, ಪಠಾಣ್‌ ದಾಖಲೆ ಮುರಿಯೋದು ಯಾವಾಗ ಅಂತ ನೆಟ್ಟಿಗರು ಹಾಸ್ಯ ಮಾಡುತ್ತಿದ್ದಾರೆ.