ಶೂಟಿಂಗ್‌ ವೇಳೆ ಅಕ್ಷಯ್‌ಗೆ ಅಪಘಾತ..! ಕಣ್ಣಿಗೆ ಬಲವಾದ ಪೆಟ್ಟು, ಆಸ್ಪತ್ರೆಗೆ ದಾಖಲು, ಹೇಗಿದೆ ಆರೋಗ್ಯ..?

Akshay Kumar : ಶೂಟಿಂಗ್‌ ವೇಳೆ ನಡೆದ ಅವಘಡದಲ್ಲಿ ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಗಾಯಗೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ.. ವರದಿಗಳ ಪ್ರಕಾರ, 'ಹೌಸ್‌ಫುಲ್ 5' ಸೆಟ್‌ನಲ್ಲಿ ಅಕ್ಷಯ್ ಕಣ್ಣಿಗೆ ಗಾಯವಾಗಿದೆ ಎಂದು ತಿಳಿದು ಬಂದಿದೆ. ಆದರೆ, ಇದುವರೆಗೂ 'ಹೌಸ್‌ಫುಲ್ 5' ಮತ್ತು ಅಕ್ಷಯ್ ಕುಮಾರ್ ತಂಡದಿಂದ ಯಾವುದೇ ಹೇಳಿಕೆ ಹೊರಬಿದ್ದಿಲ್ಲ. 

'ಹಿಂದೂಸ್ತಾನ್ ಟೈಮ್ಸ್' ವರದಿ ಪ್ರಕಾರ, ಸಾಹಸ ಪ್ರದರ್ಶನ ಮಾಡುವಾಗ ವಸ್ತುವೊಂದು ಅಕ್ಷಯ್ ಕುಮಾರ್ ಕಣ್ಣಿಗೆ ಬಡಿದಿದೆ ಎನ್ನಲಾಗಿದೆ. ನೇತ್ರಶಾಸ್ತ್ರಜ್ಞರನ್ನು (ಕಣ್ಣಿನ ವೈದ್ಯರು) ತಕ್ಷಣವೇ ಸೆಟ್‌ನಲ್ಲಿ ಕರೆಯಲಾಯಿತು. ಸದ್ಯಕ್ಕೆ ವಿಶ್ರಾಂತಿ ಪಡೆಯುವಂತೆ ನಟನಿಗೆ ಹೇಳಿದ್ದಾಗಿ ತಿಳಿದು ಬಂದಿದೆ.  

ಇದನ್ನೂ ಓದಿ:'ಪುಷ್ಪಾ 2' ಪ್ರೀಮಿಯರ್‌ ಶೋ ವೇಳೆ ಕಾಲ್ತುಳಿತದಿಂದ ಮಹಿಳೆ ಸಾವು..! ₹25 ಲಕ್ಷ ನೆರವು ಘೋಷಿಸಿದ ಅಲ್ಲು ಅರ್ಜುನ್

ಮೂಲಗಳ ಪ್ರಕಾರ, ಅಕ್ಷಯ್ ಕುಮಾರ್ ಮತ್ತೆ ಶೂಟಿಂಗ್ ಆರಂಭಿಸಲು ಬಯಸಿದ್ದಾರೆ ಎನ್ನಲಾಗಿದೆ. ತಮ್ಮಿಂದ ಚಿತ್ರದ ಶೂಟಿಂಗ್ ಅಪೂರ್ಣವಾಗುವುದು ಅವರಿಗೆ ಇಷ್ಟವಿಲ್ಲ. ಸದ್ಯ ಹೌಸ್‌ಫುಲ್ 5 ಚಿತ್ರೀಕರಣ ಕೊನೆಯ ಹಂತದಲ್ಲಿದೆ. ಶೀಘ್ರದಲ್ಲೇ ಇಡೀ ತಂಡವು ಚಿತ್ರವನ್ನು ಪೂರ್ಣಗೊಳಿಸಲಿದ್ದು, ನಂತರ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳನ್ನು ಪ್ರಾರಂಭಿಸಲಿದೆ.

ತರುಣ್ ಮನ್ಸುಖಿಯಾ ನಿರ್ದೇಶನದ ಹೌಸ್‌ಫುಲ್ 5 ಜೂನ್ 2025 ರಲ್ಲಿ ಬಿಡುಗಡೆಯಾಗಲಿದೆ. ಚಿತ್ರದಲ್ಲಿ ರಿತೇಶ್ ದೇಶಮುಖ್, ಅಕ್ಷಯ್ ಕುಮಾರ್, ಅಭಿಷೇತ್ ಬಚ್ಚನ್. ಶ್ರೇಯಸ್ ತಲ್ಪಾಡೆ, ಜಾಕ್ವೆಲಿನ್ ಫೆರ್ನಾಂಡಿಸ್, ಚಂಕಿ ಪಾಂಡೆಯಿಂದ ನರ್ಗಿಸ್ ಫಕ್ರಿ ನಟಿಸಿದ್ದಾರೆ. ಇದಷ್ಟೇ ಅಲ್ಲ, ನಾನಾ ಪಾಟೇಕರ್, ಸೋನಂ ಬಾಜ್ವಾ, ಚಿತ್ರಾಂಗದಾ ಸಿಂಗ್‌ನಿಂದ ಹಿಡಿದು ಜಾಕಿ ಶ್ರಾಫ್‌ವರೆಗೆ ಸ್ಟಾರ್‌ ನಟ ನಟಿಯರು ಚಿತ್ರದಲ್ಲಿದ್ದಾರೆ.