ʼಬಡೇ ಮಿಯಾ ಚೋಟೆ ಮಿಯಾʼ ರಿಲೀಸ್‌..! ಹೇಗಿದೆ ಗೊತ್ತಾ ಅಕ್ಷಯ್‌, ಟೈಗರ್‌ ಮೊದಲ ಸಿನಿಮಾ..?

Bade Miyan Chote Miyan release live updates :  ಬಿಟೌನ್‌ ಕಿಲಾಡಿ ಅಕ್ಷಯ್ ಕುಮಾರ್, ಟೈಗರ್ ಶ್ರಾಫ್ ಹಾಗೂ ಮಲಯಾಳಂ ನಟ ಪೃಥ್ವಿರಾಜ್ ಸುಕುಮಾರನ್ ಅಭಿನಯದ ‘ಬಡೇ ಮಿಯಾ ಚೋಟೆ ಮಿಯಾ’ ಸಿನಿಮಾ ಇಂದು ತೆರೆಕಂಡಿದೆ. ರಂಜಾನ್ ಪ್ರಯುಕ್ತ ಬಿಡುಗೆಯಾದ ಚಿತ್ರಕ್ಕೆ ಪ್ರೇಕ್ಷಕ ಫಿದಾ ಆಗಿದ್ದಾನೆ. ಸಿನಿಮಾದ ನೋಡಿದವರು ಏನ್‌ ಅಂದ್ರು ಅಂತ ತಿಳಿಯೋಣ.. ಬನ್ನಿ

ಸಿನಿಮಾ ನೋಡಿದವರು ತಮ್ಮ ಅಭಿಪ್ರಾಯವನ್ನು ಸೋಷಿಯಲ್‌ ಮೀಡಿಯಾ ಖಾತೆಯಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಕೆಲವರು ಟೈಗರ್‌ ಶ್ರಾಫ್‌ ಮತ್ತು ಅಕ್ಷಯ್‌ ಕುಮಾರ್‌ ಅವರ ನಟನೆಗಿಂತ ಖಳ ನಾಯಕನ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಪೃಥ್ವಿರಾಜ್ ಸುಕುಮಾರ್‌ ಹೆಚ್ಚು ಇಷ್ಟವಾಗ್ತಾರೆ ಅಂತ ಹೇಳಿಕೊಂಡಿದ್ದಾರೆ. 

ಇದನ್ನೂ ಓದಿ:ಬೇಸಿಗೆಯಲ್ಲೇ ಸಿಗುವ ಈ ಹಣ್ಣು ಮಧುಮೇಹಕ್ಕೆ ವರದಾನ: ಬ್ಲಡ್ ಶುಗರ್ ಕಂಟ್ರೋಲ್ ತಪ್ಪದಂತೆ ನೋಡಿಕೊಳ್ಳುತ್ತೆ!

ಅಲ್ಲದೆ, ಈ ಸಿನಿಮಾದಲ್ಲಿ ಪೃಥ್ವಿರಾಜ್ ಪಾತ್ರಕ್ಕೆ ತೂಕ ಇದ್ದು, ಆ್ಯಕ್ಷನ್ ಇಷ್ಟ ಪಡುವವರು ಈ ಚಿತ್ರವನ್ನು ತಪ್ಪದೇ ನೋಡಬಹುದು ಅಂತ ಕೆಲವರು ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಇನ್ನೂ ಕೆಲವರು ಸಿನಿಮಾ ಬಗ್ಗೆ ಅಸಮಾಧಾನ ಹೊರ ಹಾಕಿದ್ದು, ಚಿತ್ರದಲ್ಲಿ ಬರೀ ಆ್ಯಕ್ಷನ್ ಸೀನ್‌ಗಳಿವೆ ಅಂತ ಬೇಸರ ವ್ಯಕ್ತಪಡಿಸಿದ್ದಾರೆ. 

ಇನ್ನು ಸಿನಿಮಾದಲ್ಲಿ ಬರುವ ಟ್ಟಿಸ್ಟ್‌ಗಳು ಪ್ರೇಕ್ಷಕರ ಊಹೆಗೂ ಮೀರಿವೆ. ಹೊಸ ರೀತಿಯಲ್ಲಿ ಸಾಹಸ ದೃಶ್ಯಗಳನ್ನು ಶೂಟ್‌ ಮಾಡಲಾಗಿದೆ ಅಂತ ಪ್ರೇಕ್ಷಕರು ಹೊಗಳುತ್ತಿದ್ದಾರೆ. ಬಡೇ ಮಿಯಾ ಚೋಟೆ ಮಿಯಾ ಸಿನಿಮಾಗೆ ಅಬ್ಬಾಸ್ ಜಫರ್ ನಿರ್ದೇಶನವಿದೆ. ಮಾನುಷಿ ಚಿಲ್ಲರ್‌, ಸೊನಾಕ್ಷಿ ಸಿನ್ಹಾ, ಅಲ್ಯಾ ಸೇರಿದಂತೆ ಸ್ಟಾರ್‌ ಕಲಾವಿದ ದಂಡೆ ಈ ಚಿತ್ರದಲ್ಲಿದೆ.