ಮದುವೆ ಪ್ರಿಪರೇಷನ್‌ ಮಧ್ಯೆ ಬ್ಯಾಚುಲರ್‌ ಟ್ರಿಪ್‌ನಲ್ಲಿ ನಟ ವರುಣ್‌ ತೇಜ್

Varun Tej: ಇತ್ತೀಚೆಗಷ್ಟೇ ಟಾಲಿವುಡ್‌ನ ಖ್ಯಾತ ನಟ ವರುಣ್‌ ತೇಜ್‌ ತಮ್ಮ ಕುಟಂಬದವರ ಜೊತೆ ಪ್ರೀವೆಡ್ಡಿಂಗ್‌ ಪಾರ್ಟಿ ಸೆಲೆಬ್ರೇಟ್‌ ಮಾಡಿದರು. ಇನ್ನೇನು ಅವರ ಮದುವೆಗೆ ದಿನಗಳಿಗೆ ಈಗಾಗಲೇ ಕೌಂಟ್‌ಡೌನ್‌ ಶುರುವಾಗಿದೆ. ಈ ಗ್ಯಾಪಲ್ಲಿ ಈತ ಟ್ರಿಪ್‌ ಎಂಜಾಯ್‌ ಮಾಡಲು ವಿದೇಶಕ್ಕೆ ಹಾರಿದ್ದಾನೆ. ಇದರ ಕಂಪ್ಲೀಟ್‌ ಸ್ಟೋರಿ ಇಲ್ಲಿದೆ... 

ಟಾಲಿವುಡ್‌ ನಟ ವರುಣ್‌ ತೇಜ್‌ ಚಿರಂಜೀವಿ ಕೊಣಿಡೆಲಾ ಅವರ ಕುಟುಂಬದ ಕುಡಿ. ಈತ ಒಂದು ದಶಕದಿಂದ ಟಾಲಿವುಡ್‌ನ ಹಲವಾರು ಸಿನಿಮಾಗಳಲ್ಲಿ ನಟಿಸಿದಾರೆ. ಜೂನ್‌ ತಿಂಗಳಲ್ಲಿ ವರುಣ್‌ ತೇಜ್‌ ಹಾಗೂ ನಟಿ ಲಾವಣ್ಯ ತ್ರಿಪದಿ  ಇಬ್ಬರು ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಈ ಜೋಡಿಯ ಮದುವೆಗೆ ಇನ್ನೇನು ಕೆಲವೇ ದಿನಗಳು ಬಾಕಿ ಉಳಿದಿದೆ. 

ಕಳೆದ ವಾರ ಮೆಗಾಸ್ಟಾರ್‌ ಚಿರಂಜೀವಿ ಕೊಣಿಡೆಲಾ ತಮ್ಮ ಮನೆಯಲ್ಲಿ ವರುಣ್‌ ತೇಜ್‌ ಹಾಗೂ ಲಾವಣ್ಯ ತ್ರಿಪದಿ ಅವರು ಪ್ರೀವೆಡ್ಡಿಂಗ್‌ ಪಾರ್ಟಿಯ್ನು ಹಮ್ಮಿಕೊಂಡಿದ್ದರು. ಆ ಔತಣದಲ್ಲಿ ಎರಡು ಕುಟುಂಬದ ಸದಸ್ಯರು ಸೇರಿ ವಿಜೃಂಭಣೆಯಿಂದ ಆಚರಿಸಿದರು. ಆ ಪಾರ್ಟಿಯ ಫೋಟೋಸ್‌ನ್ನು ಸೋಷಿಯಲ್‌ ಮಿಡಿಯಾದಲ್ಲಿ ಹಂಚಿಕೊಂಡಿದ್ದರು. ಈ ಜೋಡಿ ನವೆಂಬರ್‌ 1ರಂದು ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಜ್ಜಾಗುತ್ತಿದ್ದಾರೆ.

ಇದನ್ನೂ ಓದಿ- ಕಾಸ್ಟಿಂಗ್ ಕೌಚ್ ರೀತಿಯ ವಿಚಾರಗಳಿಗೆ ಮೊಬೈಲ್ ಫೋನ್ ಕಾರಣ: ಕರಾಳ ಸತ್ಯ ಬಿಚ್ಚಿಟ್ಟ ಹಿರಿಯ ನಟಿ

ಇಬ್ಬರ ಮದುವೆಯನ್ನು ಗ್ರಾಂಡ್‌ ಆಗಿ ಇಟಾಲಿಯ, ಟಸ್ಕಾನಿಯಲ್ಲಿ ನಡೆಯಲಿದೆ. ಈ ಜೋಡಿಯ ಮದುವೆಯ ಕಾರ್ಯಕ್ರವನ್ನು ಬಾರ್ಗೋ ಸಾನ್‌  ಫಿಲೀಸ್‌  ರೆಸಾರ್ಟ್‌ನಲ್ಲಿ ಹಮ್ಮಿಕೊಂಡಿದ್ದಾರೆ. ಅರಿಶಿಣ ಶಾಸ್ತ್ರ, ಮೆಹೆಂದಿ, ಸಂಗೀತ್‌ ಹಾಗೂ ಮದುವೆ ಕಾರ್ಯಕ್ರಮ ನಾಲ್ಕು ದಿನಗಳ ಕಾಲ ನಡೆಯಲಿದೆ. ಇದೇ ತಿಂಗಳ ಕೊನೆಯ ವಾರ ಇವರ ಇಡೀ ಕುಟುಂಬ ಇಟಲಿಗೆ ಹಾರಲಿದೆ. 

ವರುಣ್-ಲಾವಣ್ಯ ಮದುವೆ ರಿಸೆಪ್ಷನ್‌ ಹೈದ್ರಬಾದ್‌ನಲ್ಲಿ ನಡೆಯಲಿದೆ. ಐದು ವರ್ಷಗಳಿಂದ ಪ್ರೀತಿಯಲ್ಲಿರುವ ಲವ್‌ ಬರ್ಡ್ಸ್‌ ಕೆಲವೇ ದಿನಗಳಲ್ಲಿ ಒಂದಾಗುತ್ತಿದ್ದಾರೆ. ವರುಣ್‌ ತೇಜ್‌ ಹಾಗೂ ಲಾವಣ್ಯ ಇಬ್ಬರು ತಮ್ಮ ಮದುವೆ ಕಾರ್ಯಕ್ರಮದ ನಂತರ ಒಂದು ತಿಂಗಳ ಕಾಲ ವರ್ಲ್ಡ್‌ ಟೂರ್‌ ಮಾಡಲಿದ್ದಾರೆ.   

ಈ ಎಲ್ಲಾ ಮದುವೆಯ ಬಿಸಿ ಶೆಡ್ಯೂಲ್‌ನ ಮದ್ಯೆ ವರುಣ್‌ ವಿದೇಶಕ್ಕೆ ಟ್ರಿಪ್‌ಗಾಗಿ ತೆರಳಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ವರುಣ್‌ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಇಬ್ಜಿಯಾದಲ್ಲಿರುವ ಫೋಟೋವನ್ನು ಶೇರ್‌ ಮಾಡಿದ್ದಾರೆ. ವರುಣ್‌ ಬ್ಯಾಚುಲರ್‌ ಟ್ರಿಪ್‌ ಮಾಡುತ್ತಿದಾರೆಂದು ಸುದ್ದಿ ಹರಿದಾಡಿದೆ. ಅವರು ಕಡಲ ತೀರದಲ್ಲಿ ನಿಂತು ತೆಗೆಸಿಕೊಂಡಿರುವ ಫೋಟೋ ಬಗ್ಗೆ ಚರ್ಚೆ ಶುರುವಾಗಿದೆ. ಆ ಫೋಟೋದಲ್ಲಿ ವೈಟ್‌ ಶರ್ಟ್‌ ಹಾಗು ವೈಟ್‌ ಪ್ಯಾಂಟ್‌ ಧರಿಸಿದ್ದಾರೆ.

ಇದನ್ನೂ ಓದಿ- ಮಹೇಶ್ ಬಾಬು ಬೈಸೆಪ್ಸ್ ನೋಡಿ ಶಾಕ್‌ ಆದ ಪತ್ನಿ ನಮ್ರತಾ..! 'ಮಾತೆ ಬರ್ತಿಲ್ಲವಂತೆ'

ಮದುವೆ ಹತ್ತಿರ ಇಟ್ಟುಕೊಂಡು ನಿಜಕ್ಕೂ ವರುಣ್ ಬ್ಯಾಚುಲರ್‌ ಟ್ರಿಪ್‌ ಮಾಡ್ತಿದ್ದಾರಾ? ಇಲ್ಲವೇ, ಇದೊಂದು ವದಂತಿಯೇ ಎಂಬ ಬಗ್ಗೆ ಯಾವುದೇ ಖಾತರಿಯಿಲ್ಲ. ಆದರೆ ಈ ಜೋಡಿಗೆ ನೂರು ಕಾಲ ಸುಖವಾಗಿ ಬಾಳಲಿ ಎಂದು ಆಶಿಸೋಣ.