ಸ್ಯಾಂಡಲ್‌ವುಡ್‌ಗೆ ಗೋಲ್ಡನ್‌ ಕ್ವೀನ್‌ ಕಂಬ್ಯಾಕ್‌: ಗುಡ್‌ ನ್ಯೂಸ್‌ ನೀಡಿದ ಅಮೂಲ್ಯ!

Sandalwood Actress Amulya Come Back: ಚಂದನವನದಲ್ಲಿ ಗೋಲ್ಡನ್‌ ಕ್ವೀನ್‌ಯೆಂದೇ ಖ್ಯಾತಿ ಪಡೆದ ನಟಿ ಅಮೂಲ್ಯ, ಚಿಕ್ಕ ವಯಸ್ಸಿನಿಂದಲೇ ಹಲವಾರು ಸಿನಿಮಾಗಳಲ್ಲಿ ನಟಿಸಿ ಅಭಿಮಾನಿಗಳ ಮನಸ್ಸು ಗೆದ್ದದರು. ಆದರೆ ಅಮೂಲ್ಯ ಚೆಲುವಿನ ಚಿತ್ತಾರದ ಸಿನಿಮಾ ಮೂಲಕ ಮೊದಲ ಬಾರಿ ನಾಯಕಿ ನಟಿಯಾಗಿ ಅಭಿನಯಿಸಿ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿದ್ದಾರೆ.  ನಟಿ ಅಮೂಲ್ಯ 2017 ರಲ್ಲಿ ತೆರೆಕಂಡ ಮಾಸ್ತಿ ಗುಡಿ ಹಾಗೂ ಮುಗುಳುನಗೆ ಚಿತ್ರಗಳಲ್ಲಿ ಕೊನೆಯದಾಗಿ ಕಾಣಿಸಿಕೊಂಡು, ಮದುವೆ ನಂತರ ಸಿನಿಮಾ ರಂಗದಿಂದ ದೂರ ಉಳಿದಿದ್ದರು. 

ಸದಾ ಸೋಷಿಯಲ್‌ ಮಿಡಿಯಾದಲಲ್ಲಿ ಆಕ್ಟೀವ್‌ ಆಗಿರುವ ಅಮೂಲ್ಯ ಆಗಾಗ ತಾವು ಪ್ರವಾಸಕ್ಕೆ ತೆರೆಳಿರುವ ಹಾಗೂ ತಮ್ಮ ಮಕ್ಕಳ ಫೋಟೋಗಳನ್ನು ಅಭಿಮಾನಿಗಳ ಜೊತೆಗೆ ಹಂಚಿಕೊಳ್ಳುತ್ತಿದ್ದರು. ಹಾಗೆಯೇ ಚುನಾವಣೆ ಸಮಯದಲ್ಲಿ ಪ್ರಚಾರದಲ್ಲಿ ಭಾಗವಹಿಸಿತ್ತಿದ್ದರು. ಇದೀಗ ಅಮೂಲ್ಯ ಮತ್ತೆ  ಚಿತ್ರರಂಗಕ್ಕೆ ಬರುವ ಕುರಿತು ಸುಳಿವು ನೀಡಿದ್ದಾರೆ. ಸಿನಿಮಾ ರಂಗಕ್ಕೆ ಅಮೂಲ್ಯ ಮತ್ತೆ ಮರು ಪ್ರವೇಶ ಮಾಡುತ್ತಾರೆ ಎನ್ನುವ ಸುದ್ದಿ ಹಲವು ದಿನಗಳಿಂದ ಹರಿದಾಡುತ್ತಲೇ ಇದ್ದರೂ, ಇಲ್ಲಿಯವರೆಗೂ ಅಧಿಕೃತ ಮಾಹಿತಿ ಇರಲಿಲ್ಲ.

ಇದನ್ನೂ ಓದಿ: ಪಸಂದಾಗವ್ನೇ.. ಹಾಡಿಗೆ ಡ್ಯಾನ್ಸ್‌ ಮಾಡಿದ ಪುಟ್ಟಕ್ಕನ ಮಗಳು: ಸಂಜನಾ ವೈರಲ್‌ ವಿಡಿಯೋ!

ಹೌದು.. ನಟಿ ಅಮೂಲ್ಯ ಚಂದನವನ ಫಿಲ್ಮ್ ಕ್ರಿಟಿಕ್ಸ್ ಅಕಾಡೆಮಿ ಅವಾರ್ಡ್ 2024ರ ಟ್ರೋಫಿ ಅನಾವರಣ ಕಾರ್ಯಕ್ರಮದಲ್ಲಿ ಈ ಕುರಿತು ಮಾತನಾಡುತ್ತಿರುವಾಗ, ಆಗಲೇ ಎರಡು ಸ್ಕ್ರಿಪ್ಟ್ ಕೇಳಿದ್ದೇನೆ. ಸ್ಕ್ರಿಪ್ಟ್ ಇಷ್ಟವಾದ ತಕ್ಷಣವೇ ತಿಳಿಸುತ್ತೇನೆ ಎಂದಿದ್ದಾರೆ. ಸದ್ಯ  ಸ್ವತಃ ಅಮೂಲ್ಯ  ಅವರೇ ಸಿನಿಮಾ ರಂಗಕ್ಕೆ ಕಂಬ್ಯಾಕ್‌ ಕುರಿತು ಮಾತನಾಡಿದ್ದು, ಮತ್ತೆ ಅಭಿಮಾನಿಗಳಿಗೆ ಈ ಮೂಲಕ ಖುಷಿ ಸುದ್ದಿ ಕೊಟ್ಟಿದ್ದಾರೆ. ಸುಮಾರು ಎಂಟು ವರ್ಷದಿಂದ ಬಳಿಕ ಈ ಸುದ್ದಿ ಕೇಳಿ ಅಮೂಲ್ಯ ಫಾನ್ಸ್‌ಗೆ ಸಿಹಿ ಉಣಿಸಿದಂತಾಗಿದೆ.