ಅಯಲಾನ್ ಚಿತ್ರದ ಹೊಸ ಪೋಸ್ಟರ್‌ ರಿಲೀಸ್‌; ದೀಪಾವಳಿಯಂದು ಸೆಟ್ಟೆರಲಿರುವ ಲೈವ್ ಆಕ್ಷನ್ ಸಿನಿಮಾ

Sivakarthikeyan : ವೈಜ್ಞಾನಿಕ ಕಾದಂಬರಿಯನ್ನು ಆಧರಿಸಿದ ಶಿವಕಾರ್ತಿಕೇಯನ್ ನಟನೆಯ ಬಹುನಿರೀಕ್ಷಿತ ಸಿನಿಮಾ ʼಅಯಲಾನ್‌ʼ ಈ ಚಿತ್ರಕ್ಕೆ ಆರ್.ರವಿಕುಮಾರ್ ಆಕ್ಷನ್ ಕಟ್ ಹೇಳಿದ್ದಾರೆ. ಒಂದು ವರ್ಷದಿಂದ ಚಿತ್ರ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದೆ. ಈ ಚಿತ್ರವನ್ನು ಅತೀ ಹೆಚ್ಚು ವಿಜ್ಯೂವಲ್ ಎಫೆಕ್ಟ್ಸ್‌ ಬಳಸಿ ನಿರ್ಮಾಣ ಮಾಡಲಾಗುತ್ತಿದ್ದು, ಅಭಿಮಾನಿಗಳಲ್ಲಿ ಕುತೂಹಲವನ್ನು ಕೆರಳಿಸುತ್ತಿದೆ. 

ಈ ಸಿನಿಮಾದ ಮತ್ತೊಂದು ವಿಶೇಷ ಸಂಗತಿಯೆಂದರೆ ನಾಲ್ಕು ವರ್ಷಗಳ ಬಳಿಕ ರಾಕುಲ್‌ ಪ್ರೀತ್‌ಸಿಂಗ್‌ ಈ ಸಿನಿಮಾದ ಮೂಲಕ ತಮಿಳು ಸಿನಿರಂಗಕ್ಕೆ ಮತ್ತೇ ಮರಳಿದ್ದಾರೆ. ಅಭಿಮಾನಿಗಳಿಗೆ ಯಾವಾಗಲೂ ವಿಶಿಷ್ಟವಾದ ಸಿನಿಮಾಗಳನ್ನು ನೀಡುತ್ತಾ ಬಂದ ತಮಿಳಿನ ನಟ ಶಿವಕಾರ್ತಿಕೇಯನ್ ರಿಯಾಲಿಟಿ ಶೋಗಳಿಂದ ಆರಂಭವಾದ ಇವರ ಜರ್ನಿ ಹಾಸ್ಯ ನಟನಾಗಿ, ಬರಹಗಾರನಾಗಿ ,ನಿರ್ಮಾಪಕನಾಗಿ ಗುರುತಿಸಿಕೊಂಡಿದ್ದಾರೆ.

ಇದೀಗ ನಟ ಶಿವಕಾರ್ತಿಕೇಯನ್ ಅವರು ಮಾಸ್‌ ಅವತಾರದೊಂದಿಗೆ ಅಯಲಾನ್‌ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾ ಈ ನಟನ ಮೊದಲ ಫ್ಯಾನ್‌ ಇಂಡಿಯಾ ಸಿನಿಮಾ. ಇದು ಏಲಿಯನ್ಸ್‌ ಕಾದಂಬರಿ ಆಧಾರಿತವಾಗಿದ್ದರಿಂದ ದಕ್ಷಿಣಭಾರತದಲ್ಲಿ ಇನ್ನಷ್ಟು ಕುತೂಹಲವನ್ನು ಹೆಚ್ಚಿಸಿದೆ. ವೈಜ್ಞಾನಿಕ ಹಿನ್ನೆಲೆಯನ್ನು ಒಳಗೊಂಡ ಈ ಸಿನಿಮಾ ದಕ್ಷಿಣಭಾರತದ ಸಿನಿರಂಗದಲ್ಲಿ ಸೆಟ್ಟೆರುತ್ತಿರುವುದು ವಿಶಿಷ್ಟವೇ ಸರಿ.

ಈ ಸಿನಿಮಾ ಬಿಡುಗಡೆಗೆ ಮೂಹೂರ್ತ ಫಿಕ್ಸ್‌ ಆಗಿದ್ದು, 2023ರ ದೀಪಾವಳಿಯಂದು ಅಲಯಾನ್‌ ಸಿನಿಮಾ ವಿಶ್ವದಾದ್ಯಂತ ತೆರೆಕಾಣಲಿದೆ ಎಂದು ಚಿತ್ರತಂಡ ತಿಳಿಸಿದೆ.