`ಬೇಬಿ` ವೈಷ್ಣವಿಗೆ ಬಿಗ್‌ ಆಫರ್‌..! ಪ್ರಸಿದ್ಧ ಸಿನಿ ನಿರ್ಮಾಣ ಕಂಪನಿಯೊಂದಿಗೆ ಒಪ್ಪಂದ..?

Vaishnavi Chaitanya Baby movie : ಸಾಯಿ ರಾಜೇಶ್ ನಿರ್ದೇಶನದ ‘ಬೇಬಿ’ ಚಿತ್ರ ಭರ್ಜರಿ ಯಶಸ್ಸು ಕಾಣುತ್ತಿದೆ. ಯುವ ಪಡೆಗೆ ಈ ಸಿನಿಮಾ ಬಹಳಷ್ಟು ಇಷ್ಟವಾಗುತ್ತಿದೆ. ಆನಂದ್ ದೇವರಕೊಂಡ, ವೈಷ್ಣವಿ ಚೈತನ್ಯ ಮತ್ತು ವಿರಾಜ್ ಅಶ್ವಿನ್ ಈ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಹೌದು.. ಸದ್ಯ ಬೇಬಿ ಚಿತ್ರ ಥಿಯೇಟರ್‌ಗಳಲ್ಲಿ ಯಶಸ್ವಿಯಾಗಿ ಓಡುತ್ತಿದೆ. ಅದರಲ್ಲೂ ಈ ಸಿನಿಮಾದಲ್ಲಿ ನಟಿಸಿದ ನಟರಿಗೆ ಒಳ್ಳೆಯ ಕ್ರೇಜ್ ಸಿಗುತ್ತಿದೆ. ನಾಯಕಿ ವೈಷ್ಣವಿ ಚೈತನ್ಯ ಅಭಿನಯಕ್ಕೆ ಪ್ರೇಕ್ಷಕ ಫಿದಾ ಆಗಿದ್ದಾನೆ. ಇತ್ತೀಚೆಗಷ್ಟೇ ವೈಷ್ಣವಿ ಬಗ್ಗೆ ಮತ್ತೊಂದು ಸುದ್ದಿ ಇಂಡಸ್ಟ್ರಿಯಲ್ಲಿ ಹರಿದಾಡುತ್ತಿದ್ದು, ಸದ್ಯದಲ್ಲೇ ಪ್ರಮುಖ ನಿರ್ಮಾಣ ಸಂಸ್ಥೆಯೊಂದರಲ್ಲಿ ಸಿನಿಮಾ ಈ ಯುವನಟಿ ಕೆಲಸ ಮಾಡಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ಆಸ್ಪತ್ರೆಯ ಬೆಡ್‌ ಮೇಲೆ ಕದಲದ ಸ್ಥಿತಿಯಲ್ಲಿ ಮೌನಿ ರಾಯ್..! 'ಬ್ರಹ್ಮಾಸ್ತ್ರ' ಸುಂದರಿಗೆ ಏನಾಯ್ತು..?

ಸದ್ಯ 'ಬೀಬಿ' ಚಿತ್ರದ ಯಶಸ್ಸಿನಲ್ಲಿರುವ ವೈಷ್ಣವಿ ಗೀತಾ ಆರ್ಟ್ಸ್‌ನಲ್ಲಿ ಸಿನಿಮಾ ಮಾಡುವ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ಇದು ಇಂಡಸ್ಟ್ರಿಯಲ್ಲಿ ಹಾಟ್ ಟಾಪಿಕ್ ಆಗಿಬಿಟ್ಟಿದೆ. ಲೇಡಿ ಓರಿಯೆಂಟೆಡ್ ಕಥೆಯಲ್ಲಿ ವೈಷ್ಣವಿ ನಟನೆ ಮಾಡಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಇದೇ ವಿಷಯವನ್ನು ಅಲ್ಲು ಅರವಿಂದ್ ಕೂಡ 'ಬೇಬಿ' ಸಕ್ಸಸ್ ಮೀಟ್ ನಲ್ಲಿ ಲೀಕ್ ಮಾಡಿದ್ದಾರೆ.

ಅಲ್ಲು ಶಿರಿಶ್ ಜೊತೆ ವೈಷ್ಣವಿ ಮತ್ತೊಂದು ಸಿನಿಮಾ ಮಾಡಲಿದ್ದಾರೆ ಎಂಬ ಮಾತು ಕೂಡ ಇದೆ. ಅದಕ್ಕಾಗಿ ಈಗಾಗಲೇ ಯೋಜನೆಗಳು ನಡೆಯುತ್ತಿವೆಯಂತೆ. ಅಲ್ಲು ಅರ್ಜುನ್ ಕೂಡ 'ಬೇಬಿ' ಯಶಸ್ಸಿನ ನಂತರ ಸಿನಿಮಾದಲ್ಲಿ ವೈಷ್ಣವಿ ಅಭಿನಯಕ್ಕೆ ಫಿದಾ ಆಗಿದ್ದಾಗಿ, ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಈ ಹಿಂದೆ ಅಲ್ಲು ಅರ್ಜುನ್ ಅಭಿನಯದ 'ಅಲ ವೈಕುಂಠಪುರಮುಲೋ' ಚಿತ್ರದಲ್ಲಿ ವೈಷ್ಣವಿ ಅಲ್ಲು ಅರ್ಜುನ್ ಸಹೋದರಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.

ಇದನ್ನೂ ಓದಿ: ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗಲಿದೆ ವರ್ಲ್ಡ್ ಪ್ರೀಮಿಯರ್ ಮೂವಿ "ರಾಘವೇಂದ್ರ ಸ್ಟೋರ್ಸ್"..!

ವೈಷ್ಣವಿ ಮೊದಲಿಗೆ ಟಿಕ್ ಟಾಕ್, ಇನ್‌ಸ್ಟಾಗ್ರಾಮ್ ರೀಲ್‌ಗಳು ಮತ್ತು ಡಬ್ ಸ್ಮ್ಯಾಶ್ ವೀಡಿಯೊಗಳನ್ನು ಮಾಡುತ್ತಿದ್ದರು. ನಂತರ ಕಿರುಚಿತ್ರಗಳಲ್ಲಿ ನಟಿಸಿದರು. ಈಕೆಯ ನಟನೆಯ ಹಲವು ಕಿರುಚಿತ್ರಗಳಿಗೆ ಒಳ್ಳೆಯ ಮನ್ನಣೆ ಸಿಕ್ಕಿತು. ನಂತರ ಹಲವು ವೆಬ್ ಸಿರೀಸ್‌ಗಳಲ್ಲೂ ನಟಿಸಿದ್ದಾರೆ.