Bhagyalakshmi : ಅಕ್ಕ-ತಂಗಿ ಕತೆ `ಅಕ್ಕ-ಪಕ್ಕ`.. ಒಂದೇ ಧಾರಾವಾಹಿ ಅವಳಿ ಕತೆಗಳಾಗಿ ಎರಡಾದಾಗ!

Bhagyalakshmi Kannada Serial : ಎಲ್ಲರ ಮನಗೆದ್ದ ಧಾರವಾಹಿಗಳ ಸಾಲಿಗೆ ಸೇರುವ ಭಾಗ್ಯಲಕ್ಷ್ಮೀ ಸೀರಿಯಲ್‌ನಲ್ಲಿ ಸದ್ಯ ಲಕ್ಷ್ಮೀ ಮದುವೆಯ ಸಂಭ್ರಮ ಜೋರಾಗಿದೆ. ಟಿವಿ ಇತಿಹಾಸದಲ್ಲಿಯೇ ಕಲರ್ಸ್‌ ಕನ್ನಡ ಹೊಸ ಸಾಹಸಕ್ಕೆ ಕೈ ಹಾಕಿದೆ. ಭಾರತೀಯ ಧಾರಾವಾಹಿಗಳ ಇತಿಹಾಸದಲ್ಲೇ ಮೊಟ್ಟ ಮೊದಲ ಬಾರಿಗೆ ಇಂತಹದ್ದೊಂದು ಪ್ರಯತ್ನ ನಡೆಯುತ್ತಿದೆ. ಒಂದೇ ಕತೆಯನ್ನು ಎರಡು ಧಾರಾವಾಹಿಗಳಾಗಿ ಹೇಳುವ ಹೊಸ ಪ್ರಯತ್ನ ಮಾಡಲಿದೆ ಕಲರ್ಸ್‌ ಕನ್ನಡ ವಾಹಿನಿ. 

ಇದನ್ನೂ ಓದಿ : Satish Kaushik: ವಿವಾಹಿತನಿಂದ ಗರ್ಭಿಣಿಯಾಗಿದ್ದ ಸ್ಟಾರ್ ನಟಿ.. ಹೆದರಬೇಡ ನಾನು ಮದ್ವೆಯಾಗ್ತೀನಿ ಎಂದಿದ್ರಂತೆ!

ಭಾಗ್ಯಲಕ್ಷ್ಮೀ ಪ್ರಮುಖ ಘಟ್ಟ ತಲುಪಿರುವ ಹೊತ್ತಿನಲ್ಲಿ ನೋಡುಗರಿಗೆ ಬಿಗ್‌ ಟ್ವಿಸ್ಟ್‌ ಕಾದಿದೆ. ಒಂದೇ ಧಾರಾವಾಹಿಯನ್ನು ಎರಡು ಸೀರಿಯಲ್‌ಗಳಾಗಿ ಬೆಳೆಸಲು ನಿರ್ಧರಿಸಲಾಗಿದೆ. ಪ್ರತಿದಿ ಸಂಜೆ 7 ಗಂಟೆಗೆ ಪ್ರಸಾರವಾಗುತ್ತಿರುವ ಭಾಗ್ಯಲಕ್ಷ್ಮೀ ಸೀರಿಯಲ್‌ ಜೊತೆಗೆ 7.30 ರಿಂದ ಲಕ್ಷ್ಮೀ ಬಾರಮ್ಮ ಎಂಬ ಹೊಸ ಧಾರಾವಾಹಿ ಶುರುವಾಗಲಿದೆ. ಒಂದೇ ಕತೆ ಎರಡು ಧಾರಾವಹಿಗಳಾಗಿ ಇದೇ ಸೋಮವಾರದಿಂದ ಪ್ರಸಾರವಾಗಲಿವೆ.