ಬಿಗ್‌ಬಾಸ್‌ ಮನೆ ಮಂದಿಗೆ ಬಿಗ್‌ಶಾಕ್..‌ ಟೈಟಲ್ ವಿನ್ನರ್ ಕನಸು ಕಂಡಿದ್ದ ಇಬ್ಬರು ಸ್ಪರ್ಧಿಗಳೇ ಏಕಾಏಕಿ ಎಲಿಮಿನೇಟ್!‌

Bigg Boss: ತಮಿಳಿನಲ್ಲಿ ಬಿಗ್ ಬಾಸ್ ಶೋ 2017 ರಲ್ಲಿ ಪ್ರಾರಂಭವಾಗಿ ಸದ್ಯ 7 ಯಶಸ್ವಿ ಸೀಸನ್‌ಗಳನ್ನು ಪೂರ್ಣಗೊಳಿಸಿದೆ. ಕಾರ್ಯಕ್ರಮದ ಮೊದಲ 7 ಸೀಸನ್‌ಗಳನ್ನು ಗ್ಲೋಬಲ್‌ ಸ್ಟಾರ್ ಕಮಲ್ ಹಾಸನ್ ನಡೆಸಿಕೊಟ್ಟರು.‌ ಬಳಿಕ 8 ನೇ ಸೀಸನ್‌ನ ನಿರೂಪಕರಾಗಿ ವಿಜಯ್ ಸೇತುಪತಿ ಕಮಲ್ ಹಾಸನ್ ಬದಲಿಗೆ ಹೆಜ್ಜೆ ಹಾಕಿದ್ದಾರೆ. ಇದೀಗ ಈ ಕಾರ್ಯಕ್ರಮ ಯಶಸ್ವಿಯಾಗಿ 90 ದಿನ ಪ್ರಸಾರವಾಗಿದೆ.

100 ದಿನಗಳ ಬಿಗ್ ಬಾಸ್ ನಂತರ ಫೈನಲ್ ಪ್ರವೇಶಿಸುವ ಸ್ಪರ್ಧಿಗೆ 50 ಲಕ್ಷ ಬಹುಮಾನ ಮತ್ತು ಬಿಗ್ ಬಾಸ್ ಪ್ರಶಸ್ತಿಯನ್ನು ನೀಡಲಾಗುತ್ತದೆ. ಪ್ರಸ್ತುತ 10 ಸ್ಪರ್ಧಿಗಳು ಈ ಸೀಸನ್ ಫೈನಲ್‌ಗೆ ತೆರಳುತ್ತಿದ್ದಾರೆ. ಈ ವಾರ ನಡೆದ ಟಿಕೇಟ್ ಟು ಫಿನಾಲೆ ಟಾಸ್ಕ್ ಅನ್ನು ಗೆದ್ದ ನಂತರ ಫಿನಾಲೆಗೆ ಪ್ರವೇಶಿಸಿದ ಮೊದಲ ವ್ಯಕ್ತಿ ರಾಯನ್. ಅವರ ನಂತರ ಆ ಕಾರ್ಯದಲ್ಲಿ ಮುತ್ತುಕುಮಾರನ್ ಎರಡನೇ ಸ್ಥಾನದಲ್ಲಿದ್ದಾರೆ.

ಇದನ್ನೂ ಓದಿ-ಖ್ಯಾತ ನಟಿ ಜೊತೆ ಫ್ಲಾಟ್‌ನಲ್ಲಿ ರೆಡ್‌ ಹ್ಯಾಂಡ್‌ ಆಗಿ ಸಿಕ್ಕಿಬಿದ್ರಾ ಸಲ್ಮಾನ್‌ ಖಾನ್‌.!

ಬಿಗ್ ಬಾಸ್ ಸೀಸನ್ 8 ಕಳೆದ ಕೆಲವು ವಾರಗಳಿಂದ ಡಬಲ್ ಎವಿಕ್ಷನ್‌ ನಡೆಸುತ್ತಿದೆ... ಕಳೆದ ಮೂರು ವಾರಗಳಲ್ಲಿ ಸತ್ಯ - ಆರ್ ಜೆ ಆನಂದಿ, ದರ್ಶಿಕಾ - ರಂಜಿತ್, ಜೆಫ್ರಿ - ಅಂಶಿತಾ ಎಲಿಮಿನೇಟ್ ಆಗಿದ್ದರೆ, ಮಂಜರಿ, ರಣವ್, ರಾಯನ್, ಅರುಣ್, ವಿಶಾಲ್, ಜಾಕ್ವೆಲಿನ್, ಪವಿತ್ರ ಮತ್ತು ದೀಪಕ್ ಈ ವಾರ ನಾಮಿನೇಟ್ ಆಗಿದ್ದಾರೆ. ಅವರಲ್ಲಿ ದೀಪಕ್, ಅರುಣ್, ವಿಶಾಲ್ ಮತ್ತು ರಾಯನ್ ಅವರು ಹೆಚ್ಚು ಮತಗಳನ್ನು ಪಡೆದ ಕಾರಣ ಎಲಿಮಿನೇಷನ್‌ನಲ್ಲಿ ಬದುಕುಳಿದರು.

ಅದೇ ರೀತಿ ಮಂಜರಿ, ಪವಿತ್ರಾ, ಜಾಕ್ವೆಲಿನ್ ಅತಿ ಹೆಚ್ಚು ಮತ ಪಡೆದಿದ್ದರಿಂದ ಇಬ್ಬರೇ ಎಲಿಮಿನೇಟ್ ಆಗುತ್ತಾರೆ ಎಂದು ಎಲ್ಲರೂ ನಿರೀಕ್ಷಿಸಿದ್ದರು. ಆದರೆ ರಣವ್ ಮತ್ತು ಮಂಜರಿಯನ್ನು ಅನಿರೀಕ್ಷಿತವಾಗಿ ಎಲಿಮಿನೇಟ್ ಮಾಡುವ ಮೂಲಕ ಬಿಗ್ ಬಾಸ್ ಟ್ವಿಸ್ಟ್ ನೀಡಿದ್ದಾರೆ. ಈ ಸೀಸನ್ ನಲ್ಲಿ ಒಟ್ಟು 6 ವೈಲ್ಡ್ ಕಾರ್ಡ್ ಸ್ಪರ್ಧಿಗಳು ಬಂದಿದ್ದರು. ಅವರಲ್ಲಿ 5 ಮಂದಿ ಎಲಿಮಿನೇಟ್ ಆಗಿದ್ದಾರೆ. ರಾಯನ್ ಒಬ್ಬನೇ ಉಳಿದಿದ್ದಾನೆ.

ಬಿಗ್ ಬಾಸ್ ಸೀಸನ್ 8ರ ಟೈಟಲ್ ಗೆಲ್ಲುವ ಕನಸು ಹೊತ್ತಿದ್ದ ಮಂಜರಿ ಹಾಗೂ ರಣವ್ ಒಂದೇ ವಾರದಲ್ಲಿ ಎಲಿಮಿನೇಟ್ ಆಗಿದ್ದು, ಇಬ್ಬರಿಗೂ ಶಾಕ್ ಆಗಿದೆ. ಅದರಲ್ಲೂ ರಣವ್ ಅವರು ಕಪ್ಪು ಗೆಲ್ಲುವ ಕನಸು ಕಂಡಿದ್ದರು. ಈಗ ಅದು ಹುಸಿಯಾಗಿದೆ..