`ನಿಮ್ಮ ಕಾಲಿಗೆ ಬೀಳ್ತೇನೆ ನನಗೆ ಓಟ್‌ ಮಾಡ್ಬೇಡಿ...` ಬಿಗ್‌ ಬಾಸ್‌ ಮನೆಯಿಂದ ಹೋದ್ರೆ ಸಾಕು ಅಂತಾ ಕಣ್ಣೀರಿಟ್ಟ ಟಾಪ್‌ 4ರಲ್ಲಿದ್ದ ಪ್ರಮುಖ ಕಂಟೆಸ್ಟೆಂಟ್!‌ ಅಷ್ಟಕ್ಕೂ ಆಗಿದ್ದೇನು?

Bigg Boss Telugu: ಕನ್ನಡ ಬಿಗ್‌ ಬಾಸ್ ಹೊರತಾಗಿ ಇತರ ಭಾಷೆಗಳಲ್ಲೂ ಶೋ ನಡೆಯುತ್ತಿದೆ. ಅದರಲ್ಲಿ ಒಂದು ತೆಲುಗು ಬಿಗ್‌ ಬಾಸ್‌. ಇಲ್ಲಿ 12ನೇ ವಾರದ ನಾಮಿನೇಷನ್ ವಿಭಿನ್ನವಾಗಿ ನಡೆದಿರುವುದು ಗೊತ್ತೇ ಇದೆ. ಮಾಜಿ ಸ್ಪರ್ಧಿಗಳು ಮತ್ತೆ ಮನೆಯೊಳಗೆ ಬಂದು ನಾಮಿನೇಟ್ ಮಾಡಿದ್ದರು. ಆದರೆ ಈ ವಾರದ ನಾಮಿನೇಷನ್ ನಲ್ಲಿ ನಿಖಿಲ್ ಇಮೇಜ್ ಗೆ ಭಾರಿ ಧಕ್ಕೆಯಾಗಿದೆ.

ಇದನ್ನೂ ಓದಿ: ಈ ಒಣಹಣ್ಣನ್ನು ಜಜ್ಜಿ ಹಾಲಲ್ಲಿ ಬೆರೆಸಿ ಕುಡಿದರೆ 10 ನಿಮಿಷ ಸಾಕು ಬಿಳಿ ಕೂದಲು ಕಡುಕಪ್ಪಾಗಲು! 80ರ ಮುದುಕರಾದ್ರೂ ಸಹ ಮತ್ತೆ ಕೂದಲು ಬೆಳ್ಳಗಾಗಲ್ಲ

ಸೋನಿಯಾ ಮತ್ತು ಸೀತಾ ಅವರ ಕಾಮೆಂಟ್‌ಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಸೀತಾಳ ಆರೋಪಗಳಿಂದ ನಿಖಿಲ್‌ಗೆ ತುಂಬಾ ನೋವಾಗಿದೆ. "ನೀನು ಬಲಿಷ್ಠ ಮಹಿಳೆಯರನ್ನು ಬಳಸಿ.. ಆಟ ಆಡುವುದನ್ನು ಬಿಟ್ಟು ಗೆಲ್ಲುವಂತೆ ಮಾಡು" ಎಂದು ನಿಖಿಲ್ ಮೇಲೆ ಸೀತಾ ಕಾಮೆಂಟ್ ಮಾಡಿದ್ದಾರೆ. ಇದರಿಂದ ಶಾಕ್ ಆದ ನಿಖಿಲ್, ಆ ನಂತರ ಒಬ್ಬರೇ ಕುಳಿತು ಬೇಸರಪಟ್ಟಿದ್ದರು. ಇದೇ ವಿಚಾರವನ್ನು ಯಶ್ಮಿ ಜೊತೆ ನಿಖಿಲ್ ಬಹಳ ಹೊತ್ತು ಚರ್ಚಿಸಿದ್ದರು. ಇನ್ನು ನಿನ್ನೆಯ ಸಂಚಿಕೆಯಲ್ಲಿ, "ನನಗೆ ಹೊರಗೆ ಹೋದರೆ ಸಾಕು, ನನಗೆ ಮತ ಹಾಕಬೇಡಿ" ಎಂದು ಪ್ರೇಕ್ಷಕರನ್ನು ಕೇಳಿಕೊಂಡಿದ್ದಾರೆ.

ನಿಖಿಲ್ ಯಶ್ಮಿ ಜೊತೆ ಮಾತಾಡುತ್ತಾ "ಸೀತಾ ಹೇಳಿಕೆ ಕೊಟ್ಟಳು.. ನಾನು ನಿನ್ನನ್ನು ಆಟದ ವಿಷಯದಲ್ಲಿ ಬಳಸಿಕೊಳ್ಳುತ್ತಿದ್ದೇನೆ ಅಂತ.. ನಿನಗೆ ಯಾವತ್ತಾದರೂ ಹಾಗೆ ಅನಿಸಿದೆಯಾ?" ಎಂದಾಗ, ಇಲ್ಲ ಎಂದು ಯಶ್ಮಿ ಉತ್ತರಿಸಿದ್ದಾರೆ. "ಅದನ್ನು ಅಲ್ಲಿಯೂ ಹೇಳಬಹುದಿತ್ತಲ್ಲ" ಎಂದು ನಿಖಿಲ್ ಮತ್ತೆ ಪ್ರಶ್ನಿಸಿದಾಗ, "ನನಗೆ ಶಾಕ್‌ ಆಗಿತ್ತು" ಎಂದು ಯಶ್ಮಿ ಹೇಳಿದ್ದಾರೆ.

ಇದನ್ನೂ ಓದಿ: ದೇಗುಲ ದರ್ಶನ ಸರಣಿ: ಶ್ರೀರಾಮ-ಲಕ್ಷ್ಮಣರ ಬರುವಿಕೆಗಾಗಿ ಕರ್ನಾಟಕದಲ್ಲಿ ಕಾಯ್ದ ಶಬರಿ...!

ಯಶ್ಮಿ ಹೋದ ನಂತರ ಕ್ಯಾಮರಾ ಎದುರು ಮಾತನಾಡಿದ ನಿಖಿಲ್.. "ಇಲ್ಲಿಗೆ ಬಂದಾಗ ನನಗೊಂದು ವಿಷಯ ಗೊತ್ತಾಯಿತು. ನಾನು ಅವರೊಂದಿಗೆ ಆಟವಾಡಲು ಎಂದಿಗೂ ಬಯಸಲಿಲ್ಲ. ನಾಮಿನೇಷನ್‌ನಲ್ಲಿ ಸೀತಾ ಹೇಳಿದಂತೆ ಬಲಿಷ್ಠ ಮಹಿಳೆಯರನ್ನು ಬಳಸಿಕೊಂಡು ಪಂದ್ಯವನ್ನು ಗೆಲ್ಲಲು ನಾನು ಬಯಸಲಿಲ್ಲ. ನಾನು ಪ್ರೇಕ್ಷಕರಿಗೆ ಹೇಳಲು ಬಯಸುತ್ತೇನೆ. ಇರುವವರೆಗೂ ನಾನು ಅಂದುಕೊಂಡಂತೆ ಆಡಿದ್ದೇನೆ. ಯಾರನ್ನೋ ತುಳಿದು ಈ ಶೋ ಗೆಲ್ಲಲು ಬಂದಿಲ್ಲ. ಇಲ್ಲಿಯವರೆಗೆ ನನ್ನನ್ನು ಉಳಿಸಿದ ಎಲ್ಲಾ ಮತಗಳಿಗೆ ಧನ್ಯವಾದಗಳು. ನಾನು ಹೊರಡಲು ಬಯಸುತ್ತೇನೆ. ನನ್ನ ಪ್ರಯಾಣ ಮುಗಿದಿದೆ. ನನಗೆ ಮತ ಹಾಕಬೇಡಿ.. ಹೋಗಲಿ ಬಿಡಿ. ನಾನು ಹೋಗಬೇಕು" ಎಂದು ಕಣ್ಣೀರಾಗಿದ್ದಾರೆ. ಆ ನಂತರ ನಬೀಲ್ ಮತ್ತು ಪೃಥ್ವಿ ನಿಖಿಲ್ ಜೊತೆ ಮಾತನಾಡಿದ್ದಾರೆ. ಇದರೊಂದಿಗೆ ನಿಖಿಲ್ ಮನಸ್ಸು ಬದಲಿಸಿ ಮತ್ತೊಮ್ಮೆ ಕ್ಯಾಮರಾ ಎದುರು ಮಾತನಾಡಿದ್ದಾರೆ.