BBK 10 : ನನಗೆ ಕೊಡಬಾರದ ಹಿಂಸೆ ಕೊಟ್ಟರು, ಅಲ್ಲದೆ ನನ್ನ ತಂಗಿಯನ್ನ...! ಶಾಕಿಂಗ್‌ ವಿಚಾರ ಬಿಚ್ಚಿಟ್ಟ ಪ್ರತಾಪ್‌

Drone Pratap : ಸಂಬಂಧಗಳ ಬೆಸುಗೆ ಜೊತೆಗೆ ಬಿಗ್ ಬಾಸ್ ಮನೆಯಲ್ಲಿ ಟಾಸ್ಕ್‌ಗಳ ಅಬ್ಬರ ಜೋರಾಗಿದೆ. ಗೆಲುವೆಂಬ ಕುದುರೆಯ ಬೆನ್ನತ್ತಿರುವ ಸ್ಪರ್ಧಿಗಳು ಗೇಮ್‌ ಗೆಲ್ಲೋಕೆ ಇರಲಾರದ ಹರಸಾಹಸ ಪಡುತ್ತಿದ್ದಾರೆ. ದೊಡ್ಮನೆಯಲ್ಲಿ ಜಗಳದ ಜೊತೆಗೆ ಮನೆಯ ಮಂದಿಯ ಅಳುವಿನ ಶಬ್ಧವು ಸಹ ಕೇಳಿ ಬರುತ್ತಿದೆ. ಸಧ್ಯ ಡ್ರೋನ್‌ ಪ್ರತಾಪ್ ಮನೆ ಸದಸ್ಯರ ಮುಂದೆ ತಮ್ಮ ನೋವನ್ನು ತೋಡಿಕೊಂಡು ಕಣ್ಣೀರು ಹಾಕಿದ್ದಾರೆ.

ಹೌದು.. ಬಿಗ್‌ ಬಾಸ್‌ ಟಾಸ್ಕ್‌ಗಳಿಗೆ ಸ್ಪರ್ಧಿಗಳು ತಂಡಾ ಹೊಡೆದಿದ್ದಾರೆ. ಟಾಸ್ಕ್‌ ಗೆಲ್ಲಲು ಹೋರಾಟ ನಡೆಸುತ್ತಿದ್ದಾರೆ. ಜಗಳದ ನಡುವೆ ತಮ್ಮ ತಮ್ಮ ಅನುಭವಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಸಧ್ಯ ಡ್ರೋನ್ ಪ್ರತಾಪ್‌ ಈ ಹಿಂದೆ ತಾವು ಅನುಭವಿಸಿದ ನೋವಿನ ಕಥೆಯನ್ನು ಸ್ಪರ್ಧಿಗಳ ಎದುರು ಬಿಚ್ಚಿಟ್ಟರು.

ಇದನ್ನೂ ಓದಿ:ಹೇಗಿದೆ ರಣಬೀರ್‌, ರಶ್ಮಿಕಾ ʼಅನಿಮಲ್‌ʼ ಸಿನಿಮಾ..! ಬಹುನಿರೀಕ್ಷಿತ ಚಿತ್ರದ ಪಕ್ಕಾ ವಿಮರ್ಶೆ ಇಲ್ಲಿದೆ

ಪ್ರತಾಪ್‌ ಇತಿಹಾಸ ಎಲ್ಲರಿಗೂ ಗೊತ್ತು. ಡ್ರೋನ್‌ ಕಂಡು ಹಿಡಿದಿದ್ದಾಗಿ ಹೇಳಿಕೊಂಡು ಎಲ್ಲರಿಗೂ ಮೋಸ ಮಾಡಿದ್ದರು, ಹಣ ತೆಗೆದುಕೊಂಡಿದ್ದ ಎಂಬ ಆರೋಪ ಹೊತ್ತಿದ್ದರು. ಇದರಿಂದಾಗಿ ಅವರು ಸಾಕಷ್ಟು ನೋವನ್ನು ಅನುಭವಿಸಿದ್ದು, ಇದೀಗ ಆ ನೋವನ್ನು ಸಹ ಸ್ಪರ್ಧಿಗಳ ಮುಂದೆ ಬಿಚ್ಚಿಟ್ಟಿದ್ದಾರೆ. 

ಜೀವನದಲ್ಲಿ ನಾನು ಒಂದೇರಡು ಮಾತುಗಳನ್ನು ಹೇಳಿದ್ದೇನೆ.. ಆದ್ರೆ ನಾನು ಎಲ್ಲಿಯೂ ಯಾರ ಹತ್ರಾನೂ ಹಣ ತೆಗೆದುಕೊಂಡಿಲ್ಲ. ನಾನು ಎಲ್ಲಿ ಹೋದರು ಜನರ ಬೈಗುಳಗಳು, ಬೆದರಿಕೆ, ನಾನು ಕಳ್ಳ, ಸುಳ್ಳ ಅಂತ ಹೇಳುತ್ತಿದ್ದರು. ಊರಿನವರೆಲ್ಲ ನನ್ನ ಮೇಲೆ ಸುಳ್ಳು ಸುದ್ದಿ ಹಬ್ಬಿಸುತ್ತಿದ್ದರು ಅಂತ ಪ್ರತಾಪ್‌ ಭಾವುಕರಾದರು.

ಇದನ್ನೂ ಓದಿ:ಮುಂಬೈ ವಿಮಾನ ನಿಲ್ದಾಣದಲ್ಲಿ ಶಾರುಖ್ ಖಾನ್ ತಪಾಸಣೆ ನಡೆಸಿದ ಭದ್ರತಾ ಪಡೆ..! ವಿಡಿಯೋ ವೈರಲ್

ನನಗೆ ಕೊಡಬಾರದ ಹಿಂಸೆ ಕೊಟ್ಟಿದ್ದಾರೆ. ನಿನ್ನ ತಂಗಿಯನ್ನ ಯಾರ್ ಮದ್ವೆಯಾಗ್ತಾರೆ? ಮಾದುವೆಯಾಗದಂತೆ ಮಾಡ್ತೀವಿ.. ನಿನ್ನ ಅಮ್ಮ ಹುಚ್ಚಿಯಾಗಿ ರೋಡ್ ರೋಡಲ್ಲಿ ಅಲೆಯುತ್ತಾರೆ ನೋಡು ಅಂತ ಹೆದರಿಸಿದ್ದ. ಅಲ್ಲದೆ ಹೋಟೆಲ್‌ನಲ್ಲಿ ಕುರಿಸಿ ಸುತ್ತ ಪೊಲೀಸ್‌ ಇದ್ರು, ಒಳಗೆ ನನಗೆ ಮಂಟಲಿ ಅನ್ ಸ್ಟೇಬಲ್ ಅಂತ ಬರೆದುಕೊಡು ಅಂತ ತಲೆ ಮೇಲೆ ಹೊಡೆಯುತ್ತಿದ್ರು ಅಂತ ಪ್ರತಾಪ್ ಹೇಳಿಕೊಂಡು ಕಣ್ಣೀರಿಟ್ಟಿದ್ದಾರೆ.

ಅಲ್ಲದೆ, ಆ ನ್ಯೂಸ್ ಜೊತೆ ಮಾತಾಡು, ಈ ನ್ಯೂಸ್ ಜೊತೆ ಮಾತಾಡು. ಎಲ್ಲವನ್ನೂ ಒಪ್ಕೋ ಅಂತ ಹಿಂಸೆ ನೀಡುತ್ತಿದ್ದರು ಅಂತ ತಮ್ಮ ಹಳೆಯ ನೋವಿನ ದಿನಗಳ ಕುರಿತು ಮನೆ ಮಂದಿ ಮುಂದೆ ಪ್ರತಾಪ್ ಹೇಳಿಕೊಂಡು ಬಿಕ್ಕಿ ಬಿಕ್ಕಿ ಅತ್ತರು. ಸ್ಪರ್ಧಿಗಳು ಪ್ರತಾಪ್ ಮಾತು ಕೇಳಿ ಮನೆ ಮಂದಿ ಅಚ್ಚರಿ ವ್ಯಕ್ತಪಡಿಸಿದರು.