BBK 10 : ಡ್ರೋನ್‌ ಪ್ರತಾಪ್ ಮೆಡಿಕಲ್ ರಿಪೋರ್ಟ್ ರಿಲೀಸ್‌..! ಬಿಗ್‌ಬಾಸ್ ಮನೆಗೆ ಬಿಗಿ ಭದ್ರತೆ

Drone Prathap Medical report : ಕಳೆದ ಎರಡು ದಿನಗಳಿಂದ ಸೋಷಿಯಲ್‌ ಮಿಡಿಯಾದಲ್ಲಿ ಡ್ರೋನ್‌ ಪ್ರತಾಪ್‌ ಆರೋಗ್ಯ ವಿಚಾರವಾಗಿ ಚರ್ಚೆ ನಡೆಯುತ್ತಿದೆ. ಅಲ್ಲದೆ, ಪ್ರತಾಪ್‌ ಮನೆಯಲ್ಲಿಯೂ ಸಹ ಕಾಣುತ್ತಿಲ್ಲ, ಇದರಿಂದಾಗಿ ಎಲ್ಲಿಗೆ ಹೋದ್ರು, ಅವರಿಗೆ ಏನಾಯ್ತು ಅಂತ ಅವರ ಅಭಿಮಾನಿಗಳು ಆತಂಕ ವ್ಯಕ್ತ ಪಡಿಸುತ್ತಿದ್ದಾರೆ. ಸಧ್ಯ ಪ್ರತಾಪ್‌ ಆರೋಗ್ಯ ಸಮಸ್ಯೆಯಿಂದ ಆಸ್ಪತ್ರೆಗೆ ದಾಖಲಾಗಿದ್ದು, ಮೆಡಿಕಲ್‌ ರಿಪೋರ್ಟ್‌ ಹೊರಬಿದ್ದಿದೆ.

ಹೌದು.. ಏಕಾಎಕಿ ಡ್ರೋನ್‌ ಪ್ರತಾಪ್‌ ದೊಡ್ಮನೆಯಿಂದ ನಾಪತ್ತೆಯಾಗಿದ್ದು, ಹಲವು ಅನುಮಾನಕ್ಕೆ ಗುರಿಯಾಗಿದೆ. ಸೋಷಿಯಲ್‌ ಮೀಡಿಯಾದಲ್ಲಿ ಹಲವಾರು ವಂದತಿಗಳು ಹಬ್ಬಲು ಕಾರಣವಾಯಿತು. ಕೆಲವರು ಪ್ರತಾಪ್‌ಗೆ ಕೋವಿಡ್‌ ಸೋಂಕು ತಗುಲಿದೆ ಎಂದು ಸುಳ್ಳು ಸುದ್ದಿ ಹಬ್ಬಿಸಿದ್ದರು, ಅಲ್ಲದೆ, ಇನ್ನೂ ಕೆಲವರು, ಅವರಿಗೆ ಗಂಭೀರ ಆರೋಗ್ಯ ಸಮಸ್ಯೆ ಇದೆ ಎಂದು ಹೇಳಿದ್ದರು.

ಇದನ್ನೂ ಓದಿ: Drone Prathap : ಬಿಗ್‌ಬಾಸ್‌ ಮನೆಯಲ್ಲಿ ಆತ್ಮಹತ್ಯೆಗೆ ಯತ್ನಿಸಿದ್ರಾ ಡ್ರೋನ್‌ ಪ್ರತಾಪ್‌..!? ನಿಜವಾಗಿ ರಾತ್ರಿ ಆಗಿದ್ದೇನು..?

ಅಲ್ಲದೆ, ಕೆಲವರಂತೂ ಬಿಗ್‌ಬಾಸ್‌ ಮನೆಯಲ್ಲಿಯೇ ಪ್ರತಾಪ್‌ ಆತ್ಮಹತ್ಯೆಗೆ ಯತ್ನಿಸಿದ್ದಾಗಿ ರೂಮರ್ಸ್‌ ಹಬ್ಬಿಸಿದ್ದರು. ಸಧ್ಯ ಈ ಕುರಿತು ಸ್ಪಷ್ಟ ಮಾಹಿತಿ ಲಭ್ಯವಾಗಿದ್ದು, ಡ್ರೋನ್‌ ಪ್ರತಾಪ್‌ ಆಸ್ಪತ್ರೆಗೆ ಸೇರಿದ ವಿಚಾರ ಬಹಿರಂಗವಾಗಿದೆ. ಅಲ್ಲದೆ, ಈ ಕುರಿತು ಸ್ವತಃ ವೈದ್ಯರು ಮಾಹಿತಿ ನೀಡಿದ್ದಾರೆ. ಅನಾರೋಗ್ಯ ಹಿನ್ನೆಲೆ ಪ್ರತಾಪ್‌ ನಗರದ ಸಂಜೀವಿನಿ ಹಾಸ್ಪತ್ರೆಗೆ ದಾಖಲಾಗಿದ್ದರು. 

ಪ್ರತಾಪ್‌ ಆರೋಗ್ಯದ ಕುರಿತು ಮಾತನಾಡಿರುವ ವೈದ್ಯರು, ನಮ್ಮ ಆಸ್ಪತ್ರೆಗೆ ಪ್ರತಾಪ್ ಅಡ್ಮಿಟ್ ಆಗಿದ್ರು, ಅವರು 3ನೇ ತಾರೀಖು ಲೂಸ್ ಮೋಶನ್ ವಾಮಿಟಿಂಗ್ ನಿಂದಾಗಿ ದಾಖಲಾಗಿದ್ದರು. ಇಂದು 1 ಘಂಟೆಗೆ ಡಿಸ್ಚಾರ್ಜ ಆಗಿದಾರೆ. ಫುಡ್ ಇನ್ ಫೆಕ್ಷನ್ ನಿಂದ ಬಳಲುತ್ತಿದ್ದರು ಎಂದು ಮಾಹಿತಿ ನೀಡಿದ್ದಾರೆ. ಅಲ್ಲದೆ, ಪ್ರತಾಪ್ ಆಗ್ಲಿ ಬಿಗ್ ಬಾಸ್ ಆಗ್ಲಿ ವಿಟಮಿನ್ ಟ್ಯಾಬಲೇಟ್ ತಗೊಂಡಿರೋ ಬಗ್ಗೆ ಮಾಹಿತಿ ನೀಡಿಲ್ಲ. ಊಟ ಮಾಡದೇ ಇರೋದು ಇದಕ್ಕೆ ಕಾರಣ ಆಗಿರುತ್ತೆ ವೈದ್ಯರು ಸ್ಪಷ್ಟಪಡಿಸಿದ್ದಾರೆ.

ಇದನ್ನೂ ಓದಿ:ಯಶ್‌ ʼಟಾಕ್ಸಿಕ್‌ʼ ಮೂಲಕ ಸ್ಯಾಂಡಲ್‌ವುಡ್‌ಗೆ ಬಿಟೌನ್‌ ಬೇಬಿ ಕರೀನಾ ಎಂಟ್ರಿ..! 

ಇನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಪ್ರತಾಪ್‌ ಆತ್ಮಹತ್ಯೆಗೆ ಯತ್ನಿಸಿದ್ದಾಗಿ ಸುಳ್ಳು ಸುದ್ದಿ ಹಬ್ಬಿದ ಹಿನ್ನೆಲೆ ಕುಂಬಳಗೋಡು ಇನ್ಸ್ ಪೆಕ್ಟರ್ ಶಿವಾರೆಡ್ಡಿ ಆಸ್ಪತ್ರೆ ಭೇಟಿ ನೀಡಿ ವಿಚಾರಿಸಿದರು. ಅಲ್ಲದೆ, ಬಿಗ ಬಾಸ್ ಮನೆಗೂ ಬೇಟಿ ನೀಡಿ ಪರಿಶೀಲನೆ ನಡೆಸಿದರು. ಘಟನೆ ಹಿನ್ನೆಲೆ ಬಿಗ್ ಬಾಸ್ ಮನೆಯ ಬಿಗಿ ಭದ್ರತೆ ಒದಗಿಸಲಾಗಿದೆ. ಡ್ರೋನ್ ಪ್ರತಾಪ್ ಆರೋಗ್ಯದ ಬಗ್ಗೆ ಪೊಲೀಸರು ಹೆಚ್ಚಿನ ಮಾಹಿತಿ ಪಡೆಯುತ್ತಿದ್ದಾರೆ.