ಬಿಗ್ ಬಾಸ್ vs ಸರೆಗಮಪ : ಉತ್ತಮ ಟಿಆರ್‌ಪಿ ಪಡೆದ ರಿಯಾಲಿಟಿ ಶೋ ಇದು..!

Bigg Boss Kannada Season 10 TRP : ವೀಕೆಂಡ್‌ನಲ್ಲಿ ರಿಯಾಲಿಟಿ ಶೋಗಳ ಅಬ್ಬರ ಜೋರಾಗಿದೆ. ವಾರದ ದಿನಗಳಲ್ಲಿ ಧಾರಾವಾಹಿಗಳ ನಡುವೆ ನಡೆಯುವ ಕಾಂಪಿಟೇಷನ್ ವಾರದ ಕೊನೆಯಲ್ಲಿ ರಿಯಾಲಿಟಿ ಶೋ ಗಳ ಮಧ್ಯೆ ನಡೆಯುತ್ತದೆ. ಜನಪ್ರಿಯ ರಿಯಾಲಿಟಿ ಶೋ ಎಂದೇ ಖ್ಯಾತಿ ಪಡೆದಿರುವ ಬಿಗ್ ಬಾಸ್ ಆರಂಭವಾಗಿದೆ. ಇದರ ಜೊತೆ ಜೀ ಕನ್ನಡದಲ್ಲಿ ‘ಸರೆಗಮಪ’ ರಿಯಾಲಿಟಿ ಶೋ ಸಹ ಪ್ರಸಾರವಾಗುತ್ತಿದೆ. ಎರಡೂ ರಿಯಾಲಿಟಿ ಶೋಗಳ ಖ್ಯಾತಿ ಜಗದಲವೂ ಹಬ್ಬಿದೆ. ಹೀಗಾಗಿ ಎರಡು ರಿಯಾಲಿಟಿ ಶೋಗಳ ನಡುವೆ ಟಫ್‌ ಕಾಂಪಿಟೇಷನ್‌ ನಡೆದಿದೆ. 

ಇದನ್ನೂ ಓದಿ: BBK 10 : ಬಿಗ್‌ಬಾಸ್‌ ಮೊದಲ ಕ್ಯಾಪ್ಟನ್‌ ಸ್ನೇಹಿತ್‌ಗೆ ಸ್ಪರ್ಧಿಗಳು ನೀಡಿ ಅಂಕ ಎಷ್ಟು ಗೊತ್ತಾ..? ಇಲ್ಲಿದೆ ನೋಡಿ..

ಜೀ ಕನ್ನಡ ವಾಹಿನಿಯಲ್ಲಿ ಸರೆಗಮಪ ಸೀಸನ್ 20 ಇತ್ತೀಚೆಗೆ ಆರಂಭಗೊಂಡಿದೆ. ಇದೀಗ ಟಿಆರ್‌ಪಿ ರೇಟಿಂಗ್‌ ಹೊರಬಿದ್ದಿದ್ದು, ಸರೆಗಮಪ 8.2 ಟಿಆರ್‌​ಪಿ ಪಡೆದಿದೆ. ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಫಿನಾಲೆ 5.1 ರೇಟಿಂಗ್ ಪಡೆದಿದೆ. 

ಕಲರ್ಸ್ ಕನ್ನಡದಲ್ಲಿ ಬಿಗ್ ಬಾಸ್ ವಾರದ ದಿನದಲ್ಲಿ 5.7 ರೇಟಿಂಗ್ ಪಡೆದಿದೆ. ಬಿಗ್‌ ಬಾಸ್‌ಗೆ ವೀಕೆಂಡ್‌ನಲ್ಲಿ 7.1 ರೇಟಿಂಗ್ ಸಿಕ್ಕಿದೆ. ವೀಕೆಂಡ್‌ನಲ್ಲಿ ಕಿಚ್ಚ ಸುದೀಪ್ ಬರುವ ಕಾರಣ ಇದರ ರೇಟಿಂಗ್‌ ಹೆಚ್ಚಿದೆ. ಈ ಕಾರಣಕ್ಕೆ ವೀಕೆಂಡ್‌ನಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಬಿಗ್‌ ಬಾಸ್‌ ರಿಯಾಲಿಟಿ ಶೋ ನೋಡುತ್ತಾರೆ. 

ಇದನ್ನೂ ಓದಿ: BBK 10 : ಈ 6 ಸ್ಪರ್ಧಿಗಳಲ್ಲಿ ಈ ಬಾರಿ ಎಲಿಮಿನೇಟ್‌ ಯಾರಾಗ್ತಾರೆ..? ನಿಮ್ಮ ಮತ ಯಾರಿಗೆ..?

ಇನ್ನೂ ಸೀರಿಯಲ್‌ಗಳಲ್ಲಿ ಪುಟ್ಟಕ್ಕನ ಮಕ್ಕಳು ಮೊದಲ ಸ್ಥಾನದಲ್ಲಿದೆ. ಸೀತಾ ರಾಮ ಎರಡನೇ ಸ್ಥಾನ, ಶ್ರೀರಸ್ತು ಶುಭಮಸ್ತು ಮೂರನೇ ಸ್ಥಾನ, ಸತ್ಯ ನಾಲ್ಕನೇ ಸ್ಥಾನ ಹಾಗೂ ಗಟ್ಟಿಮೇಳ ಐದನೇ ಸ್ಥಾನ, ಭಾಗ್ಯಲಕ್ಷ್ಮೀ ಆರನೇ ಸ್ಥಾನ, ಅಮೃತಧಾರೆ ಏಳನೇ ಸ್ಥಾನದಲ್ಲಿದೆ.