BBK 10: ದರಿದ್ರ ಅನ್‌ಲಕ್ಕಿ ಬೇಬಿ.. ಮನೆಯವರ ಚುಚ್ಚು ಮಾತು ನೆನೆದು ಕಣ್ಣೀರಿಟ್ಟ ʻನಾಗಿಣಿʼ

Namratha Gowda Life Journey : ಕಿರುತೆರೆ ಲೋಕದ ಖ್ಯಾತ ನಟಿ ನಮ್ರತಾ ಗೌಡ. ಬಿಗ್‌ ಬಾಸ್‌ ಕನ್ನಡ 10 ರ ಮೊದಲ ಸ್ಪರ್ಧಿಯಾಗಿ ಮನೆಗೆ ಎಂಟ್ರಿ ಕೊಟ್ಟರು. ಬ್ಯಾಲೆನ್ಸ್‌ ಆಗಿ ಆಟವನ್ನು ಆಡುತ್ತಿರುವ ನಮ್ರತಾ ಗೌಡ ಅವರ ಬದುಕಿನ ಕತೆ ಕಲ್ಲು ಹೃದಯವನ್ನೂ ಕರಗಿಸುವಂತಿದೆ. ನಾಗಿಣಿ 2 ಧಾರಾವಾಹಿಯಲ್ಲಿ ನಾಗಿಣಿ ಪಾತ್ರದ  ಮೂಲಕ ಫೇಮಸ್‌ ಆದ ನಮ್ರತಾ ಜೀವನದ ದಾರಿ ಅಷ್ಟು ಸುಲಭವಾಗಿರಲಿಲ್ಲ. 

ಬಿಗ್ ಬಾಸ್ ಮನೆಗೆ ಬಲಗಾಲಿಟ್ಟು ಬಂದ ನಮ್ರತಾ ಗೌಡ ಅವರು ಬದುಕಿನುದ್ದಕ್ಕೂ ಹಲವು ಚುಚ್ಚು ಮಾತುಗಳನ್ನು ಸಹಿಸಿಕೊಂಡವರು. ಹೆಣ್ಣು ಮಗುವೆಂಬ ಕಾರಣಕ್ಕೆ ಫ್ಯಾಮಿಲಿ ಈಗಲೂ ನಮ್ರತಾ ಅವರನ್ನು ಸೇರಲ್ಲ. ಅನ್‌ಲಕ್ಕಿ ಬೇಬಿ ಎಂದೇ ಮನೆಯವರು ಹೀಯಾಳಿಸುತ್ತಾರೆ. ದರಿದ್ರ ಎಂದು ದೂರಿದ ಮಾತುಗಳನ್ನು ನೆನೆದು ಬಿಗ್‌ ಬಾಸ್‌ ಮನೆಯಲ್ಲಿ ನಮ್ರತಾ ಕಣ್ಣೀರು ಹಾಕಿದ್ದಾರೆ.

ಹೆಣ್ಣು ಮಗು, ದರಿದ್ರ, ದುರದೃಷ್ಟ ಅಂತ ಇವತ್ತಿಗೂ ಮನೆಯವರು ನನ್ನ ಒಪ್ಪಿಕೊಂಡಿಲ್ಲ ಎಂದು ನಮ್ರತಾ ಅಳುವ ದೃಶ್ಯ ಎಂಥವರ ಕಣ್ಣಲ್ಲೂ ನೀರು ತರಿಸುತ್ತೆ. ನಗುತ್ತಾ ಬೋಲ್ಡ್‌ ಆಗಿರುವ ನಮ್ರತಾ ಎದೆಯಲ್ಲಿ ಇಂಥದ್ದೊಂದು ನೋವಿಗೆ ಎಂಬುದನ್ನ ತಿಳಿದು ಅವರ ಫ್ಯಾನ್ಸ್‌ ಶಾಕ್‌ ಆಗಿದ್ದಾರೆ. ಬಿಗ್‌ ಬಾಸ್ ಮನೆಯಲ್ಲಿ ವಿಜಯದಶಮಿ ಸಂಭ್ರಮದ ಬಳಿಕ ಮನೆಮಂದಿ ತಮ್ಮ ವೈಯಕ್ತಿಕ ಜೀವನದ ಸಂಗತಿಗಳನ್ನು ಹಂಚಿಕೊಂಡು ಭಾವುಕರಾಗಿದ್ದಾರೆ. ಭಾಗ್ಯಶ್ರೀ, ನಮ್ರತಾ ಗೌಡ, ಸಿರಿ, ಕಾರ್ತಿಕ್ ಮಹೇಶ್, ಪ್ರತಾಪ್ ಎಲ್ಲರೂ ತಮ್ಮ ತಮ್ಮ ಜೀವನದ ಕಹಿ ಅಧ್ಯಾಯವನ್ನು ತೆರೆದಿಟ್ಟಿದ್ದಾರೆ. 

ಬಿಗ್‌ಬಾಸ್ ಕನ್ನಡ 24 ಗಂಟೆ ನೇರಪ್ರಸಾರವನ್ನು JioCinemaದಲ್ಲಿ ಉಚಿತವಾಗಿ ನೋಡಿ. ಪ್ರತಿದಿನದ ಎಪಿಸೋಡ್‌ಗಳನ್ನು Colors Kannada ದಲ್ಲಿ ಪ್ರತಿದಿನ ರಾತ್ರಿ 9.30ಗೆ ವೀಕ್ಷಿಸಿ.

ಇದನ್ನೂ ಓದಿ : 9 ಸ್ಪರ್ಧಿಗಳಲ್ಲಿ ಈ ವಾರ ಯಾರನ್ನ ರಕ್ಷಣೆ ಮಾಡ್ತೀರಾ.. ಯಾರನ್ನ ಹೊರಗೆ ಕಳಿಸ್ತೀರಾ..?