ಬಿಗ್‌ ಬಾಸ್‌ಗೆ ಬಂದಿದ್ದು ನನ್ನ ತಪ್ಪು ನಿರ್ಧಾರ.. ಬಿಕ್ಕಿ ಬಿಕ್ಕಿ ಅತ್ತ ಸಂಗೀತಾ ಶೃಂಗೇರಿ!

Sangeetha Sringeri Emotional : ಬಿಗ್ ಬಾಸ್ ಕನ್ನಡ ಸೀಸನ್ 10 ಎರಡನೇ ವಾರಕ್ಕೆ ರಣರಂಗವಾಗಿದೆ. ಹಲವು ಸ್ಪರ್ಧಿಗಳ ಮಧ್ಯೆ ದ್ವೇಷದ ಕಿಡಿ ಹೊತ್ತಿಕೊಂಡಿದೆ. ಕೆಲವು ಸ್ಪರ್ಧಿಗಳು ಟಾಸ್ಕ್‌ ವಿಚಾರದಲ್ಲಿ ಸ್ಟ್ರಾಂಗ್‌ ಎನಿಸಿಕೊಂಡಿದ್ದಾರೆ. ಮತ್ತೆ ಕೆಲವರ ವರ್ತನೆ ಜನರ ಮನಗೆಲ್ಲುತ್ತಿದೆ. ಬಿಗ್‌ ಬಾಸ್‌ನಲ್ಲಿ ಎರಡನೇ ವಾರದಲ್ಲಿ ಎರಡು ತಂಡಗಳನ್ನು ಮಾಡಿ ಟಾಸ್ಕ್‌ ಆಡಿಸಲಾಗುತ್ತಿದೆ. ಸಂಗೀತಾ ಮತ್ತು ವಿನಯ್‌ ಮಧ್ಯೆ ಮೊದಲ ವಾರದ ನಾಮಿನೇಷನ್‌ನಿಂದಲೇ ಹೊತ್ತಿಕೊಂಡಿದ್ದ ಕಿಚ್ಚು ಇದೀಗ ದ್ವೇಷದ ಜ್ವಾಲೆಯಾಗಿದೆ. 

ಎರಡನೇ ವಾರಕ್ಕೆ ಬಿಗ್ ಬಾಸ್ ಸಾಕೆನ್ನುವಷ್ಟು ಸಂಗೀತಾ ಶೃಂಗೇರಿ ರೋಸಿ ಹೋದಂತಿದೆ. ವಿನಯ್ ಹಾಗೂ ಸಂಗೀತಾ ಮಧ್ಯೆಯ ಜಗಳ ತಾರಕಕ್ಕೇರುತ್ತಿದೆ. ಒಬ್ಬರ ಧ್ವನಿ ಕೇಳಿದರೆ ಇನ್ನೊಬ್ಬರು ಸಹಿಸಿಕೊಳ್ಳದಷ್ಟು ಸಿಟ್ಟು ಅವರನ್ನ ಕಾಡುತ್ತಿದೆ. ಇವರಿಬ್ಬರ ಜಗಳದ ಮಧ್ಯೆ ಸಿಲುಕಿರುವ ಕಾರ್ತಿಕ್‌ ಪಾಡು ಅಯ್ಯೋ ದೇವರೇ ಎಂಬಂತಿದೆ. 

ಇದನ್ನೂ ಓದಿ: BBK10: ನಾನಾ-ಅವಳಾ? ವಿನಯ್‌ ಪ್ರಶ್ನೆಗೆ ಉತ್ತರ ಕೊಡ್ತಾರಾ ಕಾರ್ತೀಕ್?