ಬಿಗ್‌ಬಾಸ್‌ ಮನೆಯ ವಾರದ ಕಳಪೆ ಪಟ್ಟಕ್ಕೇರಿದ ಪವಿ ಪೂವಪ್ಪ: ಉತ್ತಮ ಸ್ಥಾನಗಳಿಸಿದ ತುಕಾಲಿ ಸಂತು!

Bigg Boss Best And Worst Performer: ಬಿಗ್‌ಬಾಸ್‌ ಮನೆಯಲ್ಲಿ 10ನೇ ವಾರ ಬಿಗ್‌ಬಾಸ್‌ ಪ್ರಾಥಮಿಕ ಶಾಲೆ ಆಟ ನಡೆದಿದ್ದು, ಈ ಸ್ಕೂಲ್‌ ಟಾಸ್ಕ್‌ನಲ್ಲಿ ವಿದ್ಯಾರ್ಥಿಯಾಗಿ ತುಕಾಲಿ ಸಂತು ಎಲ್ಲರನ್ನೂ ನಕ್ಕಿ ನಲಿಸಿದ್ದರು. ತುಂಟ ವಿದ್ಯಾರ್ಥಿಯಾಗಿ ಬೇಜಾನ್ ಕ್ವಾಟ್ಲೆ ಕೊಟ್ಟಿದ್ದರು. ಆಂಗ್ಲ ಭಾಷೆಯ ಶಿಕ್ಷಕರಾಗಿ ತುಕಾಲಿ ಸಂತು ಎಲ್ಲರನ್ನೂ ಎಂಟರ್‌ಟೇನ್‌ ಮಾಡಿದ್ದರು. ಈ ಎಲ್ಲಾ ಪಾಯಿಂಟ್‌ಗಳನ್ನ ಕನ್ಸಿಡರ್‌ ಮಾಡಿ ಸಿರಿ, ಸಂಗೀತಾ, ಕಾರ್ತಿಕ್, ಪವಿ ಪೂವಪ್ಪ ಮುಂತಾದವರು ತುಕಾಲಿ ಸಂತುಗೆ ‘ಉತ್ತಮ’ ಎಂದರು.

ಟಾಸ್ಕ್ ಮುಗಿದ್ಮೇಲೆ ‘ಮನರಂಜನಾತ್ಮಕ ವಿದ್ಯಾರ್ಥಿ’ ಎಂದೆನಿಸಿಕೊಂಡಿದ್ದ ತುಕಾಲಿ ಸಂತು ಈ ವಾರ ಬೆಸ್ಟ್ ಪರ್ಫಾಮೆನ್ಸ್ ಮೆಡಲ್‌ ಅನ್ನೂ ತಮ್ಮದಾಗಿಸಿಕೊಂಡರು. ತಮ್ಮ 'ಬೆಸ್ಟ್ ಪರ್ಫಾಮೆನ್ಸ್' ಮೆಡಲ್‌ ಅನ್ನು ಇತರೆ ಸ್ಪರ್ಧಿಗಳಿಗೆ ತುಕಾಲಿ ಸಂತು ಡೆಡಿಕೇಟ್ ಮಾಡಿದರು. ಇತ್ತ ಪವಿ ಪೂವಪ್ಪ ಈ ವಾರ ಅಷ್ಟಾಗಿ ಒಳ್ಳೆಯ  ಪರ್ಫಾಮೆನ್ಸ್‌ ನೀಡಲಿಲ್ಲ.

ಇದನ್ನೂ ಓದಿ: BBK 10: ಬಿಗ್‌ಬಾಸ್‌ ಮನೆಯ ವಾರದ ಲಕ್ಷುರಿ ಬಜೆಟ್ ಹೊಗೆ! ದೊಡ್ಮನೆಯ ಸದಸ್ಯರ ಮಧ್ಯೆ ಮನಸ್ತಾಪ!

ಸ್ಕೂಲ್‌ ಟಾಸ್ಕ್‌ನಲ್ಲಿ ಪವಿ ಪೂವಪ್ಪ ಕೊಂಚ ಡಲ್ ಆಗಿದ್ದರು ಎಂಬ ಕಾರಣಕ್ಕೆ ಸಿರಿ, ಸಂಗೀತಾ, ಕಾರ್ತಿಕ್, ತನಿಷಾ ‘ಕಳಪೆ ಪಟ್ಟ ಕೊಟ್ಟರು. ಇತ್ತ ತನಿಷಾ ‘ಕಳಪೆ’ ಎಂದರು ಪವಿ ಪೂವಪ್ಪ. 50 ದಿನಗಳಾದ್ಮೇಲೆ ಬಿಗ್‌ಬಾಸ್‌ ಮನೆಗೆ ವೈಲ್ಡ್ ಕಾರ್ಡ್ ಎಂಟ್ರಿ ಮೂಲಕ ಕಾಲಿಟ್ಟವರು ಪವಿ ಪೂವಪ್ಪ ಹಾಗೂ ಅವಿನಾಶ್ ಶೆಟ್ಟಿ, ಕಳೆದ ವಾರ ರಾಕ್ಷಸರು ವರ್ಸಸ್ ಗಂಧರ್ವರು ಟಾಸ್ಕ್‌ನಲ್ಲಿ ಇವರಿಬ್ಬರೂ ‘ಬೆಸ್ಟ್ ಪರ್ಫಾಮೆನ್ಸ್’ ಮೆಡಲ್ ಪಡೆದಿದ್ದರು. ಆದರೆ ಈ ವಾರ ಕಳಪೆ ಪಟ್ಟ ಪಡೆದು ಪವಿ ಪೂವಪ್ಪ ಜೈಲಿಗೆ ತೆರಳಿದ್ದಾರೆ.