Bigg Boss Kannada 10 : ʼಡ್ರೋನ್‌ ಪ್ರತಾಪ್‌ ಹೆಣ್ಣು ಮಕ್ಕಳನ್ನು ಕೆಟ್ಟ ದೃಷ್ಠಿಯಿಂದ ನೋಡ್ತಾನೇʼ : ವಿನಯ್‌ ಗೌಡ ಆರೋಪ !

Bigg Boss Kannada Season 10: ಬಿಗ್‌ಬಾಸ್‌ ಸೀಸನ್‌ 10 ಪ್ರಾರಂಭವಾಗಿ ಹತ್ರತ್ರಾ ಒಂದುನ ತಿಂಗಳು ಕಳಿಯುತ್ತಾ ಬಂದು, ಸದ್ಯ ನಾಲ್ಕನೇ ವಾರ ಚಾಲ್ತಿಯಲ್ಲಿದೆ. ಡ್ರೋನ್‌ ಪ್ರತಾಪ್‌ ಇಲ್ಲಿಯವರೆಗೂ ಎಲ್ಲಾ ಮಹಿಳಾ ಸ್ಪರ್ಧಿಗಳನ್ನ ‘ದೀದಿ’ ಅಂತಲೇ ಕರೆದಿದ್ದಾರೆ. ಎಲ್ಲರನ್ನು ಗೌರವದಿಂದಲೇ ಮಾತನಾಡಿಸಿದ್ದು, ಪುರುಷ ಸ್ಪರ್ಧಿಗಳನ್ನ ‘ಆಣ್ಣ’ ಎಂದೇ ಕರೆದಿದ್ದಾರೆ. 

ಬಿಗ್‌ಬಾಸ್‌ ಮನೆಯಲ್ಲಿ ತುಕಾಲಿ ಸಂತು, ಸ್ನೇಹಿತ್ ಗೌಡ, ಇಶಾನಿ ಹಾಗೂ ನಮ್ರತಾ ಜೊತೆಗೆ ವಿನಯ್ ಗೌಡ ಮಾತನಾಡುತ್ತಿದ್ದರು. ಈ ವೇಳೆ ಡ್ರೋನ್ ಪ್ರತಾಪ್ ಬಗ್ಗೆ ಮಾತಾಗಿದ್ದು ಸದಸ್ಯರ ವಿನಯ್‌ ಗೌಡ ಬಿಗ್‌ಬಾಸ್‌ ಮನೆಯಲ್ಲಿ ಇತ್ತೀಚೆಗೆ  ಡ್ರೋನ್ ಪ್ರತಾಪ್ ಮಹಿಳಾ ಸ್ಪರ್ಧಿಗಳನ್ನು ಕೆಟ್ಟ ದೃಷ್ಟಿಯಲ್ಲಿ ನೋಡಿದ್ದಾನೆಂದು ಹೇಳಿದ್ದು, "ಕೆಟ್ಟ ಲುಕ್‌ನಲ್ಲಿ ನೋಡ್ತಾನೆ" ಅಂತ ಡ್ರೋನ್ ಪ್ರತಾಪ್ ಬಗ್ಗೆ ವಿನಯ್ ಗೌಡ ಗಂಭೀರ ಆರೋಪ ಮಾಡಿದ್ದಾರೆ.

ಇದನ್ನು ಓದಿ: Bigg Boss: ಹಳ್ಳಿಮನೆಯಲ್ಲಿ ಹೊತ್ಕೊಂಡಿದೆ ಮಾತಿನ ಬೆಂಕಿ!

ವಿನಯ್‌ ಡ್ರೋನ್‌ ಬಗ್ಗೆ ಮಾತನಾಡುತ್ತಾ "ಅವನು ಹೆಂಗ್ ನೋಡ್ತಾನೆ ಅಂದ್ರೆ.. ಕೆಟ್ಟದಾಗಿ ನೋಡ್ತಾನೆ. ಅವನು ಯಾವತ್ತಾದರೂ ನೋಡುವಾಗ ನಾನು ತೋರಿಸ್ತೀನಿ ನೋಡಿ... ತುಂಬಾ ಕೆಟ್ಟದಾಗಿ ನೋಡ್ತಾನೆ ಅವನು. ಆ ರಿಯಾಕ್ಷನ್ ಇದ್ದದ್ದು ನೀವು ಡ್ಯಾನ್ಸ್ ಆಡುವಾಗ.. ಅದೊಂದು ಕೆಟ್ಟ ಲುಕ್ ಇದೆ. ಒಬ್ಬ ಮನುಷ್ಯನ ಲುಕ್ ಮೇಲೆ ಗೊತ್ತಾಗುತ್ತೆ ಅಲ್ವಾ..? ಮೊನ್ನೆ ಇಲ್ಲೇ ಒಂದ್ ಸೀನ್ ಆಯ್ತು. ನನ್ನ ಮುಂದೆ ಯಾರೋ ಏನೋ ಸರಿ ಮಾಡಿಕೊಳ್ಳುತ್ತಿದ್ದರು. ನಾನು ನೋಡಿ ತಿರುಗಿದೆ. ಪಕ್ಕದಲ್ಲಿ ನೋಡ್ತಿದ್ದ.." ಅಂತ ಮಾತನಾಡಿದ್ದಾರೆ.

ವಿನಯ್ ಗೌಡ ಮಾಡಿರುವ ಆರೋಪ ಗಂಭೀರವಾಗಿದ್ದು, ಮಹಿಳಾ ಸ್ಪರ್ಧಿಗಳನ್ನ ಡ್ರೋನ್ ಪ್ರತಾಪ್ ಕೆಟ್ಟ ದೃಷ್ಟಿಯಲ್ಲಿ ನೋಡಿದ್ದರೆ, ‘ಬಿಗ್ ಬಾಸ್’ ಮನೆಯ ಮೂಲೆ ಮೂಲೆಯಲ್ಲೂ ಇರುವ ಕ್ಯಾಮರಾಗಳು ಸೆರೆಹಿಡಿದಿರಲೇಬೇಕು. ಈ ಬಗ್ಗೆ ಕಿಚ್ಚ ಸುದೀಪ್ ವಾರಾಂತ್ಯದ ಸಂಚಿಕೆಯಲ್ಲಿ ಕ್ಲಾರಿಟಿ ಕೊಡ್ತಾರಾ ಅಂತ ಕಾದು ನೋಡಬೇಕು.