Biopic Film On Ratan Tata’s Life: ರತನ್ ಟಾಟಾ ಕುರಿತು ಬಯೋಪಿಕ್ ನಿರ್ಮಿಸುವುದಾಗಿ ಘೋಷಿಸಿದ ZEEL

Biopic Film On Ratan Tata’s Life: ಜೀ ಎಂಟರ್‌ಟೈನ್‌ಮೆಂಟ್ ಎಂಟರ್‌ಪ್ರೈಸಸ್ ಲಿಮಿಟೆಡ್ ಕಂಪನಿಯ ಎಂಡಿ ಪುನಿತ್ ಗೋಯೆಂಕಾ ಅವರು ಕೈಗಾರಿಕೋದ್ಯಮಿ ರತನ್ ಟಾಟಾ ಅವರ ನಿಧನಕ್ಕೆ ಸಂತಾಪ ಸೂಚಿಸಿದ್ದು, ರತನ್ ಟಾಟಾ ಕುರಿತಾದ ಬಯೋಪಿಕ್ ನಿರ್ಮಿಸುವುದಾಗಿ ಘೋಷಿಸಿದ್ದಾರೆ.

ಈ ಕುರಿತಾಗಿ ಹೇಳಿಕೆ ನೀಡಿರುವ ಅವರು 'ನಾವು ಜೀ ಎಂಟರ್‌ಟೈನ್‌ಮೆಂಟ್ ಎಂಟರ್‌ಪ್ರೈಸಸ್ ಲಿಮಿಟೆಡ್‌ನಲ್ಲಿ ಭಾರವಾದ ಹೃದಯದಿಂದ ಪದ್ಮವಿಭೂಷಣ ರತನ್ ಟಾಟಾ ಅವರ ನಿಧನಕ್ಕೆ ಸಂತಾಪ ಸೂಚಿಸುತ್ತೇವೆ.ಅವರ ನಾಯಕತ್ವ, ದೂರದೃಷ್ಟಿ, ಸಹಾನುಭೂತಿ ಮತ್ತು ಅನೇಕ ತಲೆಮಾರುಗಳ ಭಾರತೀಯರಿಗೆ ಒಂದು ರೀತಿ ನೈತಿಕ ದಾರಿ ದೀಪವಾಗಿದೆ ಎಂದು ಅವರು ಸ್ಮರಿಸಿದರು.

ರತನ್ ಟಾಟಾ ಅವರಿಗೆ ಗೌರವ ಸಲ್ಲಿಸಲು ಮತ್ತು ಅವರ ಸಾಮಾಜಿಕ ಹಾಗೂ ವಾಣಿಜ್ಯೋದ್ಯಮ ಉಪಕ್ರಮಗಳಿಂದಾಗಿ ಜಗತ್ತಿನಾದ್ಯಂತ ಅವರು ಬೀರಿರುವ ಪರಿಣಾಮ ದೊಡ್ಡದು, ಈ ಹಿನ್ನೆಲೆಯಲ್ಲಿ ಅವರ ಕುರಿತಾಗಿ ಬಯೋಪಿಕ್ ಮಾಡುವುದರ ಮೂಲಕ ಅವರಿಗೆ ಗೌರವ ಸಲ್ಲಿಸಲಾಗುವುದು ಎಂದು ಜೀ ಎಂಟರ್‌ಟೈನ್‌ಮೆಂಟ್ ಎಂಟರ್‌ಪ್ರೈಸಸ್ ಲಿಮಿಟೆಡ್‌ನ ಎಂಡಿ ಮತ್ತು ಸಿಇಓ ಪುನಿತ್ ಗೋಯೆಂಕಾ ಅವರು ತಿಳಿಸಿದ್ದಾರೆ.

ಇನ್ನೂ ಮುಂದುವರೆದು 'ರತನ್ ಟಾಟಾ ಅವರು ಮಾಡಿದ ಮಹತ್ತರವಾದ ಕೆಲಸವನ್ನು ರಾಷ್ಟ್ರ ಮತ್ತು ವಿಶ್ವಕ್ಕೆ ವಿಶೇಷವಾಗಿ ಯುವಕರಿಗೆ ಪ್ರಸ್ತುತಪಡಿಸಬೇಕು, ಹಾಗಾಗಿ ಜೀ ಆ ನಿಟ್ಟಿನಲ್ಲಿ ಒಂದು ಹೆಜ್ಜೆ ಇಡಲಿದೆ ಎಂದು ಗೋಯೆಂಕಾ ಅವರು ಹೇಳಿದ್ದಾರೆ.

ಭಾರತವು ಮಿಸ್ಟರ್ ಟಾಟಾ ಅವರನ್ನು ಮಿಸ್ ಮಾಡಿಕೊಳ್ಳುತ್ತಿರುವುದಕ್ಕೆ ಇಡೀ ಮಂಡಳಿಯು ದುಃಖಿತವಾಗಿದೆ ಎಂದು ZEEL ನ ಅಧ್ಯಕ್ಷ ಆರ್.ಗೋಪಾಲನ್ ಕಂಬನಿ ಮಿಡಿದರು.ಈ ಯೋಜನೆಯನ್ನು ಅನುಮೋದಿಸಿದ ಅವರು ರತನ್ ಟಾಟಾ ಅವರಿಗೆ ಗೌರವ ಸಲ್ಲಿಸಲು ಜೀ ಸ್ಟುಡಿಯೋಸ್‌ನಿಂದ ಚಲನಚಿತ್ರವನ್ನು ನಿರ್ಮಿಸಲಾಗುವುದು.ಅವರ ಜೀವನದಿಂದ ಕಲಿಯಲು ಮತ್ತು ಅವರ ಹೆಜ್ಜೆಗಳನ್ನು ಅನುಸರಿಸಲು ಲಕ್ಷಾಂತರ ಜನರನ್ನು ಪ್ರೇರೇಪಿಸಲು ಚಲನಚಿತ್ರವು ಪ್ರಪಂಚದ ಮೇಲೆ ಸಕಾರಾತ್ಮಕ ಪರಿಣಾಮ ಬೀರುತ್ತದೆ ಎಂದು ನಾವು ಭಾವಿಸುತ್ತೇವೆ' ಎಂದು ಹೇಳಿದರು.

ಈ ಯೋಜನೆಯು ಟಾಟಾ ಸನ್ಸ್‌ನಿಂದ ಜೀ ಅನುಮೋದನೆಗೆ ಒಳಪಟ್ಟಿರುತ್ತದೆ.ಈ ಚಲನಚಿತ್ರದಿಂದ ಜೀ ಸ್ಟುಡಿಯೋಸ್ ಗಳಿಸಿದ ಲಾಭವನ್ನು ಸಾಮಾಜಿಕ ಕಾರಣಗಳಿಗಾಗಿ ಮತ್ತು ಅಗತ್ಯವಿರುವವರಿಗೆ ಸಹಾಯ ಮಾಡಲು ದೇಣಿಗೆ ನೀಡಲಾಗುತ್ತದೆ ಎಂದು ಜೀ ಹೇಳಿದೆ.ಈ ಚಲನಚಿತ್ರವನ್ನು ಜಾಗತಿಕವಾಗಿ ತಲುಪಲು, ಜೀ ಸ್ಟುಡಿಯೋಸ್ WION (ವರ್ಲ್ಡ್ ಈಸ್ ಒನ್ ನ್ಯೂಸ್) ಜೊತೆಗೆ ಕೈಜೋಡಿಸಲಿದೆ. ಇದರಿಂದಾಗಿ ಚಲನಚಿತ್ರವು 190 ಕ್ಕೂ ಹೆಚ್ಚು ದೇಶಗಳಲ್ಲಿ ಅದರ ವ್ಯಾಪ್ತಿಯು ಮತ್ತು ಹೆಚ್ಚಿನ ವೀಕ್ಷಕರ ಮೂಲಕ ಜಾಗತಿಕವಾಗಿ ತಲುಪಬಹುದು, ಆ ಮೂಲಕ ರತನ್ ಟಾಟಾ ಅವರ ವ್ಯಕ್ತಿತ್ವ ಮತ್ತು ಜಾಗತಿಕವಾಗಿರುವ ಅವರ ಕಾರ್ಯಗಳಿಗೆ ಗೌರವವನ್ನು ಸೂಚಿಸಿದಂತಾಗುತ್ತದೆ ಎಂದು ಜೀ ಹೇಳಿದೆ.

ಇದೆ ವೇಳೆ ಜೀ ಮೀಡಿಯಾದ ಸಿಇಒ ಕರಣ್ ಅಭಿಷೇಕ್ ಸಿಂಗ್ ಮಾತನಾಡಿ, "ಜೀ ನ್ಯೂಸ್ ಗ್ರೂಪ್‌ನಲ್ಲಿರುವ ನಾವೆಲ್ಲರೂ ZEEL ನ ಅಪೇಕ್ಷಿತ ಮತ್ತು ಸಮಯೋಚಿತ ಉಪಕ್ರಮದೊಂದಿಗೆ ಸಂಬಂಧ ಹೊಂದುವ ಅವಕಾಶವನ್ನು ಹೊಂದಿದ್ದೇವೆ, ಅಗಲಿದ ಆತ್ಮಕ್ಕೆ ನಾವು ನಮ್ಮ ಸಂತಾಪವನ್ನು ತಿಳಿಸುತ್ತೇವೆ" ಎಂದು ಅವರು ಕಂಬನಿ ಮಿಡಿದಿದ್ದಾರೆ.

ಜೀ ಸ್ಟುಡಿಯೋಸ್‌ನ ಮುಖ್ಯ ವ್ಯಾಪಾರ ಅಧಿಕಾರಿ ಉಮೇಶ್ ಬನ್ಸಾಲ್ ಅವರು ಮಾತನಾಡಿ, “ಒಂದು ರಾಷ್ಟ್ರದ ಸ್ವಂತ ಬ್ರಾಂಡ್‌ನಂತೆ, ಜೀ ಸ್ಟುಡಿಯೋಸ್ ಇಡೀ ತಂಡವು ರತನ್ ಟಾಟಾ ಅವರ ಜೀವನದ ಕುರಿತು ಪೂರ್ಣ ಪ್ರಮಾಣದ ಸಾಕ್ಷ್ಯಚಿತ್ರ / ಜೀವನಚರಿತ್ರೆಯ ಚಲನಚಿತ್ರ ನಿರ್ಮಾಣದಲ್ಲಿ ತೊಡಗಿಸಿಕೊಳ್ಳಲು ಹೆಚ್ಚು ಗೌರವ ಮತ್ತು ಹೆಮ್ಮೆಪಡುತ್ತದೆ. ಇಡೀ ವಿಶ್ವಕ್ಕೆ ಅಂತಹ ಮಹಾನ್ ವ್ಯಕ್ತಿತ್ವ ಮತ್ತು ಅವರ ಪರಂಪರೆಯನ್ನು ಆಚರಿಸುವುದು ನಮ್ಮ ಕರ್ತವ್ಯ ಎಂದು ನಾವು ನಂಬುತ್ತೇವೆ.ಜೀ ಸ್ಟುಡಿಯೋ ಅವರ ಕೊಡುಗೆಯನ್ನು ಸೂಕ್ತ ರೀತಿಯಲ್ಲಿ ಚಿತ್ರಿಸಲು ಎಲ್ಲ ರೀತಿಯ ಪ್ರಯತ್ನ ಮಾಡುತ್ತೇವೆ' ಎಂದು ಅವರು ಭರವಸೆ ನೀಡಿದರು.