ಮಧ್ಯರಾತ್ರಿಯಲ್ಲಿಯೇ ಕ್ರಿಸ್ ಮಸ್ ಸಂಭ್ರಮಕ್ಕೆ ಸಾಕ್ಷಿಯಾದ ದೀಪಿಕಾ ಪಡುಕೋಣೆ

ನವದೆಹಲಿ: ಕ್ರಿಸ್ ಮಸ್ ಹಬ್ಬ ಬಂದರೆ ಸಾಕು, ಜಗಮಗಿಸುವ ಲೈಟ್ಗಳು, ಸಂತಾಕ್ಲಾಸ್ ಟೋಪಿಯ ಮುಖವಾಡಗಳು ಹೀಗೆ ವಿವಿಧ ನಮೂನೆಯ ಅಲಂಕಾರದೊಂದಿಗೆ ಈ ಹಬ್ಬ ಸಡಗರ ಸಂಭ್ರಮದಿಂದ ಆಚರಿಸಲಾಗುತ್ತದೆ.ಇಂತಹ ಸಡಗರದಲ್ಲಿ ಸಿನಿಮಾ ನಟ ನಟಿಯರು ಭಾಗವಹಿಸುವುದರಿಂದ ಅದಕ್ಕೆ ಇನ್ನು ಹೆಚ್ಚಿನ ಮೆರಗು ನೀಡುತ್ತದೆ.

ಕ್ರಿಸ್ ಮಸ್ ದಿನದ ಪ್ರಯುಕ್ತ ಬಾಲಿವುಡ್ ಬೆಡಗಿ ದೀಪಿಕಾ ಪಡುಕೋಣೆ ಬೆಳಗ್ಗೆ ತಮ್ಮ ಇನ್ಸ್ತಾಗ್ರಾಂ ಅಕೌಂಟ್ ನಲ್ಲಿ  ಮೊದಲ ಬಾರಿಗೆ ಮಧ್ಯರಾತ್ರಿ ಕ್ರಿಸ್ ಮಸ್ ಆಚರಿಸಿರುವ ಕಾರ್ಯಕ್ರಮದ ಫೋಟೋವೊಂದನ್ನು ಅವರು ಹಂಚಿಕೊಂಡಿದ್ದಾರೆ. ಇದಕ್ಕೆ ಶೀರ್ಷಿಕೆ ನೀಡಿ ಇದು ನನ್ನ ಮೊದಲ ಮಧ್ಯರಾತ್ರಿಯ ಕ್ರಿಸ್ ಮಸ್ ಸಂಭ್ರಮಾಚರಣೆ.... ಎಲ್ಲರಿಗೂ ಕ್ರಿಸ್ ಮಸ್ ಶುಭಾಶಯಗಳು ಎಂದು ಶುಭಕೋರಿದ್ದಾರೆ.

ಇತ್ತೀಚಿಗೆ ದೀಪಿಕಾ ಪಡುಕೋಣೆ ಅಭಿನಯದ ಪದ್ಮಾವತಿ ಚಿತ್ರವು ವಿವಾದಕ್ಕೆ ತುತ್ತಾಗಿ ಚಿತ್ರ ಪ್ರದರ್ಶನಕ್ಕೆ ತಡೆಹಿಡಿಯಲಾಗಿದೆ. ಈಗ ಈ ಚಿತ್ರ ಕ್ರಿಸ್ ಮಸ್ ಮುಗಿಸಿ ಕನಿಷ್ಠ ಪಕ್ಷ ಹೊಸ ವರ್ಷದ ಆರಂಭಕ್ಕಾದರು ಬಿಡುಗಡೆಯಾಗಲಿ ಎಂದು ಹಾರೈಸೋಣ.