ಸಾಕ್ಷ್ಯಚಿತ್ರವಾಗಿ ಬರುತ್ತಿದೆ ಕ್ರಿಕೆಟ್‌ ಮ್ಯಾಚ್‌ ಫಿಕ್ಸಿಂಗ್‌ ಕಹಾನಿ.. ಈ OTT ಯಲ್ಲಿ ವೀಕ್ಷಿಸಿ.!

Caught Out Crime Corruption Cricket : ಈ ದೇಶದ ಪ್ರತಿಯೊಬ್ಬ ಭಾರತೀಯನನ್ನು ಎರಡು ವಿಷಯಗಳು ಆಕರ್ಷಿಸುತ್ತವೆ. ಒಂದು ಸಿನಿಮಾ ಮತ್ತು ಇನ್ನೊಂದು ಕ್ರಿಕೆಟ್. ಸಿನಿಮಾ ತಾರೆಯರನ್ನು ದೇವರಂತೆ ಪೂಜಿಸಲಾಗುತ್ತದೆ ಅಲ್ಲದೇ, ಕ್ರಿಕೆಟ್ ಅನ್ನು ಭಾರತದಲ್ಲಿ ಧರ್ಮದಂತೆ ನೋಡಲಾಗುತ್ತದೆ. ಭಾರತೀಯರು ಇಬ್ಬರನ್ನೂ ಪ್ರೀತಿಸುತ್ತಾರೆ. ಅದು ಲಗಾನ್ ಚಿತ್ರವೇ ಆಗಿರಲಿ ಅಥವಾ ಅನುಷ್ಕಾ-ವಿರಾಟ್ ಜೋಡಿಯಾಗಿರಲಿ ಭಾರತೀಯರ ಕುತೂಹಲ ಕೆರಳಿಸುವ ವಿಚಾರಗಳು. ಅವರು ಸಾರ್ವಕಾಲಿಕ ಹಿಟ್ ಆಗಿ ಉಳಿದಿದ್ದಾರೆ. ಭಾರತೀಯ ಕ್ರಿಕೆಟ್ ಪ್ರೇಮಿಗಳು ಮ್ಯಾಚ್ ಫಿಕ್ಸಿಂಗ್ ಘಟನೆಯನ್ನು ಎಂದಿಗೂ ಮರೆಯಲು ಸಾಧ್ಯವಿಲ್ಲ.

ಇದನ್ನೂ ಓದಿ : Kabzaa : ಬಾಲಿವುಡ್‌ನಲ್ಲೂ ಅರ್ಕೇಶ್ವರನದ್ದೇ ಆರ್ಭಟ ... ಬಿ-ಟೌನ್‌ನಲ್ಲೂ 'ಕಬ್ಜ' ಹವಾ!

ಇದೀಗ ನೆಟ್‌ಫ್ಲಿಕ್ಸ್ ಇಂಡಿಯಾ 1990 ಮತ್ತು 2000ರ ದಶಕದ ಕುಖ್ಯಾತ ಮ್ಯಾಚ್-ಫಿಕ್ಸಿಂಗ್ ಹಗರಣಗಳ ಆಧಾರದ ಮೇಲೆ ಸಾಕ್ಷ್ಯಚಿತ್ರವನ್ನು ತರುತ್ತಿದೆ. ಫಿಕ್ಸಿಂಗ್‌ನ ಈ ಕಹಾನಿ ಮತ್ತೊಮ್ಮೆ ಹೊರಬರಲಿದೆ ಮತ್ತು ತಯಾರಕರಿಗೆ ಸಂಬಂಧಿಸಿದ ಮೂಲಗಳನ್ನು ನಂಬಬೇಕಾದರೆ ಈ ಸಾಕ್ಷ್ಯಚಿತ್ರವು ಬಹಳ ಸಂವೇದನಾಶೀಲವಾಗಿರುತ್ತದೆ. ಇವತ್ತಿನವರೆಗೂ ಹುದುಗಿರುವ ಹಲವು ಹೊಸ ರಹಸ್ಯಗಳು ಇದರಲ್ಲಿ ಬಯಲಾಗಲಿವೆ. ನಿಜವಾಗಿ ಹೇಳಬೇಕೆಂದರೆ, ಕ್ರಿಕೆಟ್‌ನಲ್ಲಿನ ಭ್ರಷ್ಟಾಚಾರದ ಬಹಿರಂಗ ಆ ಸಮಯದಲ್ಲಿ ಇಡೀ ದೇಶವನ್ನು ಬೆಚ್ಚಿಬೀಳಿಸಿತು. ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ಕೂಡ ಮ್ಯಾಚ್ ಫಿಕ್ಸಿಂಗ್‌ನಲ್ಲಿ ಕಾಣಿಸಿಕೊಂಡಿರುವುದು ಅತ್ಯಂತ ಅಪಾಯಕಾರಿ ಸಂಗತಿಯಾಗಿದೆ. ಈ ಹಿಂದೆ, ಅವರ ಬಾಲಿವುಡ್ ಸಂಪರ್ಕವು ಚಿತ್ರರಂಗವನ್ನು ಬೆಚ್ಚಿ ಬೀಳಿಸಿತ್ತು.

ಇದನ್ನೂ ಓದಿ : Bhagyalakshmi : ಅಕ್ಕ-ತಂಗಿ ಕತೆ "ಅಕ್ಕ-ಪಕ್ಕ".. ಒಂದೇ ಧಾರಾವಾಹಿ ಅವಳಿ ಕತೆಗಳಾಗಿ ಎರಡಾದಾಗ!

ನೆಟ್‌ಫ್ಲಿಕ್ಸ್‌ನ ಸಾಕ್ಷ್ಯಚಿತ್ರದಲ್ಲಿ ದಾವೂದ್ ಇಬ್ರಾಹಿಂನ ಕ್ರಿಕೆಟ್ ಸಂಪರ್ಕಗಳು ಸಹ ಬಹಿರಂಗಗೊಳ್ಳಲಿವೆ. ಸಾಕ್ಷ್ಯಚಿತ್ರದ ಟೀಸರ್ ಬಿಡುಗಡೆಯಾಗಿದ್ದು, ಇದರಲ್ಲಿ ಮ್ಯಾಚ್ ಫಿಕ್ಸಿಂಗ್‌ನಲ್ಲಿ ಕುಖ್ಯಾತಿ ಪಡೆದಿದ್ದ ದಕ್ಷಿಣ ಆಫ್ರಿಕಾದ ಕ್ರಿಕೆಟರ್‌ ಹ್ಯಾನ್ಸಿ ಕ್ರೋನಿಯೆಯನ್ನು ನೋಡಬಹುದು. ನಿಗೂಢ ವಿಮಾನ ಅಪಘಾತದಲ್ಲಿ ಹ್ಯಾನ್ಸಿ ಸಾವನ್ನಪ್ಪಿದ್ದಾರೆ. ಒಂದು ವೇಳೆ ಮ್ಯಾಚ್ ಫಿಕ್ಸಿಂಗ್ ನ ರಹಸ್ಯಗಳೆಲ್ಲ ಬಯಲಾದರೆ ಇನ್ನು ಎಷ್ಟೋ ಮುಖಗಳು ಬಯಲಿಗೆ ಬರುತ್ತಿದ್ದವೋ ಎಂಬ ಭಯಾನಕತೆಯನ್ನು ಊಹಿಸಬಹುದು ಎಂಬುದು ಸ್ಪಷ್ಟ. ಸದ್ಯ ಇದರ ಟೀಸರ್ ನಲ್ಲಿ ಯಾವುದೇ ಭಾರತೀಯ ಕ್ರಿಕೆಟಿಗನ ಮುಖ ತೋರಿಸಿಲ್ಲ. ಈ ಸಾಕ್ಷ್ಯಚಿತ್ರವು ಮಾರ್ಚ್ 17 ರಂದು ಬಿಡುಗಡೆಯಾಗಲಿದೆ. ಅದರ ಶೀರ್ಷಿಕೆ- Caught Out Crime, Corruption, Cricket. ಈ ಸರಣಿಯು ಕ್ರಿಕೆಟ್ ಪ್ರೇಮಿಗಳಿಗೆ ಆಸಕ್ತಿದಾಯಕವಾಗಿದೆ.