ದೇವರ ಚಿತ್ರಕ್ಕೆ `A` ಸರ್ಟಿಫಿಕೇಟ್..! ಅಕ್ಷಯ್‌ ʼಓ ಮೈ ಗಾಡ್-2ʼ ಚಿತ್ರದಲ್ಲಿ ಅಂತಹದ್ದೇನಿದೆ

Om my God 2 :  ಬಾಲಿವುಡ್ ಸ್ಟಾರ್ ಹೀರೋ ಅಕ್ಷಯ್ ಕುಮಾರ್ ಮುಂಬರುವ ಸಿನಿಮಾ 'ಓ ಮೈ ಗಾಡ್-2' ರಿಲೀಸ್‌ಗೆ ರೆಡಿಯಾಗಿದೆ. ಈ ಚಿತ್ರದಲ್ಲಿ ಯಾಮಿ ಗೌತಮಿ ಮತ್ತು ಪಂಕಜ್ ತ್ರಿಪಾಠಿ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಅಮಿತ್ ರಾಯ್ ನಿರ್ದೇಶನದ ಈ ಚಿತ್ರವು ಒಂಬತ್ತು ವರ್ಷಗಳ ಹಿಂದಿನ ಚಿತ್ರ 'ಓ ಮೈ ಗಾಡ್' ಭಾಗ 2 ಆಗಿದೆ.

ವಕಾವೋ ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗಿರುವ ಓ ಮೈ ಗಾಡ್‌-2 ಚಿತ್ರವು ಆಗಸ್ಟ್ 11 ರಂದು ವಿಶ್ವದಾದ್ಯಂತ ಬಿಡುಗಡೆಯಾಗಲಿದೆ. ಆದರೆ ಇತ್ತೀಚೆಗಷ್ಟೇ ಈ ಸಿನಿಮಾಗೆ ಸೆನ್ಸಾರ್ ಮಂಡಳಿ ಪ್ರಮಾಣ ಪತ್ರ ನೀಡಿದೆ. ಈಗ ಅದು ಹಾಟ್ ಟಾಪಿಕ್ ಆಗಿ ಮಾರ್ಪಟ್ಟಿದೆ.

ಇದನ್ನೂ ಓದಿ: ಈ ನಟಿಯರು ನಗ್ನರಾಗಿ ತೆರೆಯ ಮೇಲೆ ಸಂಚಲನ ಮೂಡಿಸಿದರು

ಸಾಮಾನ್ಯವಾಗಿ ದೇವರ ಹಿನ್ನೆಲೆಯಲ್ಲಿ ಬರುವ ಚಿತ್ರಗಳಿಗೆ ಕ್ಲೀನ್ ಯು ಸರ್ಟಿಫಿಕೇಟ್ ಅಥವಾ ಯು/ಎ ಸರ್ಟಿಫಿಕೇಟ್ ನೀಡುವುದನ್ನು ನೋಡುತ್ತೇವೆ. ಆದರೆ ಈ ಸಿನಿಮಾಗೆ 'ಎ' ಸರ್ಟಿಫಿಕೇಟ್ ಸಿಕ್ಕಿರುವುದು ಕುತೂಹಲಕ್ಕೆ ಕಾರಣವಾಗಿದೆ. ದೇವರ ಕಥೆ ಆಧಾರಿತ ಸಿನಿಮಾ ಎ ಸರ್ಟಿಫಿಕೇಟ್‌ ಸಿಕ್ಕಿರುವುದು ಇದೇ ಮೊದಲು. ಅಷ್ಟೊಂದು ಅಡಲ್ಟ್ ಕಂಟೆಂಟ್ ಸಿನಿಮಾದಲ್ಲಿ ಇದೆಯಾ..? ಎಂಬ ಪ್ರಶ್ನೆ ಹುಟ್ಟುಹಾಕಿದೆ. 

ಈ ಹಿಂದೆ ಸಿನಿಮಾ ನೋಡಿದ ಸೆನ್ಸಾರ್ ಮಂಡಳಿ ಸದಸ್ಯರು 20 ಕಟ್‌ಗಳನ್ನು ಮಾಡುವಂತೆ ಚಿತ್ರತಂಡಕ್ಕೆ ಶಿಫಾರಸು ಮಾಡಿದ್ದರು. ಇದಕ್ಕೆ ಒಪ್ಪದರೆ ಮಾತ್ರ ಪ್ರಮಾಣಪತ್ರ ನೀಡುವುದಾಗಿ ಸೆನ್ಸಾರ್ ಮಂಡಳಿ ನಿರ್ಮಾಪಕರಿಗೆ ತಿಳಿಸಿತ್ತು. ಇದೀಗ ಕೆಲವೊಂದಿಷ್ಟು ದೃಶ್ಯಗಳನ್ನು ತೆಗೆದ ನಂತರವೂ ಚಿತ್ರಕ್ಕೆ ಆ A ಸರ್ಟಿಫಿಕೇಟ್‌ ಸಿಕ್ಕಿರುವುದು ಆಚ್ಚರಿ ತಂದಿದೆ. ಸದ್ಯಕ್ಕೆ ಅಕ್ಷಯ್ ಕುಮಾರ್ ಈ ಚಿತ್ರದ ಮೇಲೆ ಭರವಸೆ ಇಟ್ಟುಕೊಂಡಿದ್ದಾರೆ. ಕಳೆದ ವರ್ಷ ಅಕ್ಷಯನ್‌ ನಟನೆಯ ಎಲ್ಲಾ ಚಿತ್ರಗಳು ಬಾಕ್ಸ್ ಆಫೀಸ್‌ನಲ್ಲಿ ಸೋತಿದ್ದವು.