ಸದ್ದಿಲ್ಲದೆ ಚಾಲೆಂಜಿಗ್‌ ಸ್ಟಾರ್‌ ಹೊಸ ಸಿನಿಮಾ ಮುಹೂರ್ತ: ಕಿಚ್ಚನ ಜೊತೆ ನಟಿಸಲಿದ್ದಾರ ದರ್ಶನ್?

Darshan New Movie: ಸ್ಯಾಂಡಲ್‌ವುಡ್‌ ನಟ ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಸದ್ಯ ಕಾಟೇರ ಸಿನಿಮಾದಲ್ಲಿ ಬ್ಯೂಸಿಯಾಗಿದ್ದು, ಇದೇ ವರ್ಷ ತೆರೆಕಾಣಬೇಕಾದ ಚಿತ್ರ ಸದ್ಯ ಕಾರಣಾಂತರಗಳಿಂದ ಮುಂದಿನ ವರ್ಷ ತೆರೆಗೆ ಬರಲು ಸಜ್ಜಾಗುತ್ತಿದೆ. ಇದೇ ವರ್ಷದ ಶುರುವಿನಲ್ಲಿ ಕ್ರಾಂತಿ ಸಿನಿಮಾ ರಿಲೀಸ್‌ ಆಗಿದ್ದು, ಅಷ್ಟು ಹೆಚ್ಚಾಗಿ ಸಿನಿಮಾ ಹೆಸರು ಮಾಡಲಿಲ್ಲ. ಆದರೆ ಇದೇ ವರ್ಷ ತೆರೆಕಾಣಲು ಸಜ್ಜಾಗಿರುವ ಗರಡಿ ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ತೆರೆ ಹಂಚಿಕೊಳ್ಳಲಿದ್ದಾರೆ

ಆದರೆ ಇಂದು ಬೆಳಗ್ಗೆ ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಸದ್ದಿಲ್ಲದೆ ಹೊಸ ಸಿನಿಮಾದ ಮುಹೂರ್ತ ನರೆವೇರಿದೆ. ಹಲವಾರು ದಿನಗಳಿಂದ ಹೆಸರಾಂತ ನಿರ್ದೇಶಕ  ಪ್ರಕಾಶ್, ಚಾಲೇಂಜಿಂಗ್ ಸ್ಟಾರ್ ದರ್ಶನ್‌ಗಾಗಿ ಒಂದು ಸಿನಿಮಾ ಮಾಡಲಿದ್ದಾರೆ ಎನ್ನುವ ಸುದ್ದಿ ಹಲವು ತಿಂಗಳಿಂದ ಹರಿದಾಡುತ್ತಿತ್ತು. ಅದೀಗ ಈ ಸುದ್ದಿ ನಿಜವಾಗಿದ್ದು, ಇವತ್ತು ಬೆಂಗಳೂರಿನ ದೊಡ್ಡ ಮಹಾ ಗಣಪತಿ ದೇವಸ್ಥಾನದಲ್ಲಿ ದರ್ಶನ್ ಅವರ ಹೊಸ ಸಿನಿಮಾದ ಮಹೂರ್ತ ಸದ್ದಿಲ್ಲದೇ ನಡೆದಿದೆ.

ಇದನ್ನು ಓದಿ: Siddharth Mallya: ವಿಜಯ್ ಮಲ್ಯ ಮಗನ ನಿಶ್ಚಿತಾರ್ಥ.. ಮದ್ಯದ ದೊರೆಯ ಸೊಸೆ ಇವರೇ ನೋಡಿ

ನಟ ದರ್ಶನ್‌ ಹೊಸ ಸಿನಿಮಾಗೆ ತಾತ್ಕಾಲಿಕವಾಗಿ ʼಡಿ-57ʼ ಎಂದು ಹೆಸರಿಟ್ಟು  ಮುಹೂರ್ತ ಮಾಡಲಾಗಿದ್ದು, ಮಿಲನ ಸಿನಿಮಾದ ಖ್ಯಾತ ನಿರ್ದೇಶಕ ಪ್ರಕಾಶ್ ಈ ಸಿನಿಮಾವನ್ನು ಡೈರೆಕ್ಷನ್‌  ಮಾಡಲಿದ್ದು, ಈ ಚಿತ್ರದ ಹಾಡುಗಳನ್ನು ಸಂಗೀತ ಸಂಯೋಜನೆ ಅಜನೀಶ್ ಲೋಕನಾಥ್  ಕಂಪೋಸ್‌ ಮಾಡಲಿದ್ದಾರೆ. ಹಾಗೆ ಈ ಸಿನಿಮಾ ವೈಷ್ಣೋ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗಲಿದೆ. 

ಇದೆಲ್ಲವುದರ ನಡುವೆ ಮತ್ತೊಂದು ಸುದ್ದಿ ಗಾಂಧಿ ನಗರದಲ್ಲಿ ಜೋರಾಗಿಯೇ ಕೇಳಿ ಬರುತ್ತಿದ್ದು, ದರ್ಶನ್ ಮತ್ತು ಸುದೀಪ್ ಕಾಂಬಿನೇಷನ್ ನ  ದಿಗ್ಗಜರು 2 ಸಿನಿಮಾ ಬಗ್ಗೆ ಚರ್ಚೆ ನಡೆಯುತ್ತಿದೆ. ಮತ್ತೆ ಇಬ್ಬರು ಜೊತೆಯಾಗಿ ನಟಿಸುತ್ತಾರಾ ಎಂಬ ಪ್ರಶ್ನೆ ಅಭಿಮಾನಿಗಳಲ್ಲಿ ಮೂಡಿದೆ. ಮುಂದೆ ಒಂದೊಳ್ಳೆ ಘಳಿಗೆ ಬಂದರೆ ಒಟ್ಟಿಗೆ ಆಕ್ಟ್ ಮಾಡೋದಾಗಿ ಇಬ್ಬರು ಹೇಳಿದ್ರು. ಇದೀಗ ಇಬ್ಬರನ್ನೂ ಒಂದಾಗಿಸೋ ಪ್ರಯತ್ನಗಳು ಜಾರಿಯಲ್ಲಿವೆ ಎನ್ನಲಾಗುತ್ತಿದೆ.