ಖ್ಯಾತ ಕಿರುತೆರೆ ನಟಿಯ ಮೇಲೆ ಕುಟುಂಬಸ್ಥರ ಹಲ್ಲೆ.. ಪತಿಯಿಂದಲೇ ಚಿತ್ರ ಹಿಂಸೆ!

Vaishnavi Dhanraj assault video: 'ಸಿಐಡಿ' ಮತ್ತು 'ಮಧುಬಾಲಾ' ಶೋಗಳ ಮೂಲಕ ಜನರ ಮನಗೆದ್ದ ಪ್ರಸಿದ್ಧ ಕಿರುತೆರೆ ನಟಿ ವೈಷ್ಣವಿ ಧನರಾಜ್. ಇಷ್ಟು ದಿನ ನಾಪತ್ತೆಯಾಗಿದ್ದ ನಟಿ ಮತ್ತೊಮ್ಮೆ ಜನರ ಎದುರು ಬಂದಿದ್ದಾರೆ. ಇತ್ತೀಚಿಗೆ ಅವರ ಒಂದು ವಿಡಿಯೋ ಅಂತರ್ಜಾಲದಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ ವೈಷ್ಣವಿ ಧನರಾಜ್ ತೀವ್ರವಾಗಿ ಗಾಯಗೊಂಡಿದ್ದಾರೆ. ಅವರ ಮುಖ ಮತ್ತು ಕೈಗಳ ಮೇಲೆ ಗಾಯಗಳಾಗಿವೆ. ನಟಿ ತನ್ನ ಮೇಲೆ ನಡೆದ ಹಲ್ಲೆಯ ಸಂಪೂರ್ಣ ಕಥೆಯನ್ನು ಸಾಮಾಜಿಕ ಮಾಧ್ಯಮದಲ್ಲಿ ವಿವರಿಸಿದ್ದಾರೆ ಮತ್ತು ಸಹಾಯಕ್ಕಾಗಿ ಅಭಿಮಾನಿಗಳ ಬಳಿ ಮನವಿ ಮಾಡಿದ್ದಾರೆ.

ನಟಿ ವೈಷ್ಣವಿ ಧನರಾಜ್ ಅವರು ತನಗೆ ಥಳಿಸಿದ್ದು ಹೊರಗಿನವರಲ್ಲ, ಕುಟುಂಬಸ್ಥರು ಎಂದು ವಿಡಿಯೋದಲ್ಲಿ ಹೇಳಿಕೊಂಡಿದ್ದಾರೆ. ಸ್ವತಃ ವೈಷ್ಣವಿ ಧನರಾಜ್ ನಡೆದ ಗಲಾಟೆಯ ಬಗ್ಗೆ ವಿಡಿಯೋದಲ್ಲಿ ಹೇಳಿದ್ದು, ಎಲ್ಲರ ಸಹಾಯಕ್ಕಾಗಿ ಮನವಿ ಮಾಡಿದ್ದಾರೆ. ಮುಖ, ತುಟಿ ಮತ್ತು ಕೈಗಳ ಮೇಲೆ ಆದ ಗಂಭೀರವಾದ ಗಾಯಗಳನ್ನು ಈ ವಿಡಿಯೋದಲ್ಲಿ ನಟಿ ತೋರಿಸಿದ್ದಾರೆ. ವೈಷ್ಣವಿ ಧನರಾಜ್ ಈ ವಿಡಿಯೋ  ಪೊಲೀಸ್ ಠಾಣೆಯಲ್ಲಿ ಮಾಡಿದ್ದು ಎಂದು ಹೇಳಿದ್ದಾರೆ.  

ಇದನ್ನೂ ಓದಿ: ಐಶ್ವರ್ಯ ರೈ ಜೊತೆ ಅಭಿಷೇಕ್ ಡಿವೋರ್ಸ್ ಕನ್ಫರ್ಮ್! ಮಗಳೊಟ್ಟೊಗೆ ಮನೆ ಬಿಟ್ಟು ಬಂದ ಬಚ್ಚನ್ ಸೊಸೆ?‌

ವೈಷ್ಣವಿ ಸಾಮಾಜಿಕ ಜಾಲತಾಣದಲ್ಲಿ ತುಂಬಾ ಸಕ್ರಿಯರಾಗಿದ್ದಾರೆ. ಈ ಹಿಂದೆ ಕೂಡ ಅವರು ತಾವು ಎದುರಿಸಿದ ಕೌಟುಂಬಿಕ ಹಿಂಸೆಯ ಬಗ್ಗೆ ಮಾತನಾಡಿದ್ದರು. ಈ ಹಿಂದೆಯೂ ಪತಿ ತನಗೆ ಥಳಿಸಿದ್ದಾನೆ ಎಂದು ಆಕೆ ಹೇಳಿದ್ದರು. ವೈವಾಹಿಕ ಜೀವನದಲ್ಲಿ ಬಹಳ ಸಮಯದಿಂದ ಕೌಟುಂಬಿಕ ಹಿಂಸೆಯನ್ನು ಎದುರಿಸುತ್ತಿದ್ದಾರೆ ಎಂದು ಬಹಿರಂಗ ಪಡಿಸಿದ್ದರು.

ವೈಷ್ಣವಿ ಧನರಾಜ್ 2016 ರಲ್ಲಿ ನಟ ನಿತಿನ್ ಶೆರಾವತ್ ಅವರನ್ನು ವಿವಾಹವಾದರು. ಪತಿಯ ಹಲ್ಲೆಯಿಂದ ಬೇಸತ್ತು ನಟಿ ವಿಚ್ಛೇದನ ಪಡೆದಿದ್ದಾರೆ. ಅವನು ನನ್ನ ಪ್ರಾಣವನ್ನು ತೆಗೆದುಕೊಂಡಿಲ್ಲ ಅಷ್ಟೇ.. ಆತ ನೀಡುತ್ತಿದ್ದ ಹಿಂಸೆಗೆ ನಾನು ಮನೆಯಿಂದ ಓಡಿಹೋಗಬೇಕಾಯಿತು. ನನ್ನ ಕಾಲಿಗೆ ರಕ್ತ ಸುರಿಯುವಷ್ಟು ಹೊಡೆದರು ಎಂದು ಹೇಳಿದ್ದರು.

ವೈಷ್ಣವಿ ಧನರಾಜ್ ಕಿರುತೆರೆಯ ಅನೇಕ ಸೀರಿಯಲ್‌ಗಳಲ್ಲಿ ನಟಿಸಿದ್ದಾರೆ. ಅವರು ಕ್ರೈಮ್ ಡ್ರಾಮಾ ಶೋ 'ಸಿಐಡಿ', 'ತೇರೆ ಇಷ್ಕ್ ಮೇ ಘಾಯಲ್' ಮತ್ತು 'ಬೇಪನ್ನಾ' ನಂತಹ ಜನಪ್ರಿಯ ಶೋಗಳಲ್ಲಿ ಕೆಲಸ ಮಾಡಿದ್ದಾರೆ.

ಇದನ್ನೂ ಓದಿ: ಬಿಗ್‌ ಬಾಸ್‌ನಲ್ಲಿ ಈ ವಾರ ಅಚ್ಚರಿಯ ಎಲಿಮಿನೇಷನ್.​!