ಏನ್ ಗುರಾಯಿಸ್ತಿಯಾ..! ಥಿಯೇಟರ್‌ನಲ್ಲಿ ವಾಸುಕಿ ವೈಭವ್‌ ಜೊತೆ ಯುವಕರ ಕಿರಿಕ್‌

ಬೆಂಗಳೂರು :  ಕಾಂತಾರ ಸಿನಿಮಾ ನೋಡುವಾಗ ಸೀಟ್‌ ವಿಚಾರವಾಗಿ ಕನ್ನಡದ ಖ್ಯಾತ ಗಾಯಕ ವಾಸುಕಿ ವೈಭವ್‌ ಹಾಗೂ ಸ್ನೇಹಿತರ ಜೊತೆ ಗುಂಪೊಂದು ಕಿರಿಕ್ ಮಾಡಿರುವ ಘಟನೆ ನಗರದ ಊರ್ವಶಿ ಥಿಯೇಟರ್‌ನಲ್ಲಿ ನಡೆದಿದೆ. ಈ ಘಟನೆ ಸೋಮವಾರದಂದು ನಡೆದಿದ್ದು, ಇಂದು ಬೆಳಕಿಗೆ ಬಂದಿದೆ.

ಗುರುವಾರ ಮಧ್ಯಾಹ್ನ ಬಿಗ್ ಬಾಸ್ ಸ್ಪರ್ಧಿ, ಗಾಯಕ ವಾಸುಕಿ ವೈಭವ್, ದರ್ಶನ್‌ ಗೌಡ ಹಾಗೂ ಒರ್ವ ಯುವತಿ ಸೇರಿ ಊರ್ವಶಿ ಚಿತ್ರಮಂದಿರದಲ್ಲಿ ಕಾಂತಾರ ಸಿನಿಮಾ ನೋಡಲು ಹೋಗಿದ್ದರು. ಈ ವೇಳೆ ನಾಲ್ಕೈದು ಮಂದಿ ಸೀಟಿನ ವಿಚಾರವಾಗಿ ಗಲಾಟೆ ಮಾಡಿದ್ದಾರೆ ಎನ್ನಲಾಗಿದೆ. ಟಿಕೆಟ್ ತೆಗೆದುಕೊಂಡು ಮೊದಲೇ ಸೀಟ್‌ನಲ್ಲಿ ವಾಸುಕಿ ವೈಭವ್ ಹಾಗೂ ಸ್ನೇಹಿತರು ಕುಳಿತಿದ್ದರು. ಈ ವೇಳೆ ವಾಸುಕಿ ಕುಳಿತಿದ್ದ ಸೀಟ್‌ನಿಂದ ಮುಂದೆ ಹೋಗಲು ಬಂದ ನಾಲ್ಕೈದು ಮಂದಿಯ ಗುಂಪಿಗೆ ಬೇಗ ಹೋಗುವಂತೆ ವಾಸುಕಿ ವೈಭವ್ ಹಾಗೂ ಸ್ನೇಹಿತರು ಹೇಳಿದ್ದರಂತೆ.

ಇದನ್ನೂ ಓದಿ: ಲವ್ ಜಿಹಾದ್ʼ ಆರೋಪ : ಗಂಡನ ಹಿಂಸೆ ನೆನೆದು ಕಣ್ಣೀರಿಟ್ಟ ಕನ್ನಡದ ಸೀರಿಯಲ್ ನಟಿ..!

ಇದರಿಂದ ಕುಪಿತರಾದ ಮುರುಳಿ, ಬಸವರಾಜ್ ಹಾಗೂ ಅವರ ಸ್ನೇಹಿತರು ಅವಾಚ್ಯ ಶಬ್ಧಗಳಿಂದ ನಿಂದಿಸಿದ್ದಾರೆ ಎಂದು ಹೇಳಲಾಗಿದೆ. ಈ ವೇಳೆ ವಾಸುಕಿ ವೈಭವ್ ಹಾಗೂ ಸ್ನೇಹಿತರು ಕೂಡಾ ತಿರುಗಿ ಬೈದಿದ್ದರು ಎನ್ನಲಾಗಿದೆ. ಇಷ್ಟಕ್ಕೆ ಸುಮನ್ನಾಗದೆ ಇಂಟರವಲ್‌ ಸಮಯದಲ್ಲಿ ಮತ್ತೆ ಎರಡು ಗುಂಪುಗಳ ನಡುವೆ ಕಿರಿಕ್ ಉಂಟಾಗಿ, ಏನ್ ಗುರಾಯಿಸುತ್ತಿಯಾ ಅಂತ ಮಾತಿನ ಚಕಮಕಿ ನಡೆದಿದೆ.

ಈ ವೇಳೆ ವಾಸುಕಿ ಸ್ನೇಹಿತರು ಪೊಲೀಸ್ ಕಂಟ್ರೋಲ್ ರೂಮ್‌ಗೆ ಕರೆ ಮಾಡಿದ್ದಾರೆ. ತಕ್ಷಣವೇ ಊರ್ವಶಿ ಚಿತ್ರಮಂದಿರಕ್ಕೆ ಬಂದ ಕಲಾಸಿಪಾಳ್ಯ ಪೊಲೀಸರು ಬಸವರಾಜ್‌, ಮುರುಳಿ ಹಾಗೂ ಅವರ ಸ್ನೇಹಿತರನ್ನು ಸ್ಟೇಷನ್ ಕರೆದೊಯ್ದಿದ್ದಾರೆ. ನಂತ್ರ ಇಬ್ಬರು ಕಡೆಯವರನ್ನು ಕುರಿಸಿ ಮಾತನಾಡಿದ್ದಾರೆ. ಈ ವೇಳೆ ಕೇಸ್ ಏನು ಬೇಡ, ಸಾರಿ ಕೇಳಿದ್ರೆ ಸಾಕು ಎಂದು ಗಾಯಕ ವಾಸುಕಿ ವೈಭವ್ ಹಾಗೂ ಫ್ರೆಂಡ್ಸ್ ಹೇಳಿದ್ದಾರೆ. ಬಳಿಕ ಗಲಾಟೆ ಮಾಡಿದ ಗುಂಪು ಕ್ಷಮೆ ಕೇಳಿದೆ.

ಇದನ್ನೂ ಓದಿ: OSCARS ರೇಸ್‌ನಲ್ಲಿ RRR : ಮತ್ತೊಂದು ಸಾಹಸಕ್ಕೆ ಕೈಹಾಕಿದ ಸ್ಟಾರ್‌ ಡೈರೆಕ್ಟರ್‌ ರಾಜಮೌಳಿ..!