ಸಿದ್ದರಾಮಯ್ಯ ಪಾತ್ರದಲ್ಲಿ ವಿಜಯ್‌ ಸೇತುಪತಿ ನಟನೆ..! ʼಲೀಡರ್ ರಾಮಯ್ಯʼ ಚಿತ್ರಕ್ಕೆ ತಮಿಳು ನಟ ನಾಯಕ

Vijay sethupathi in Leader ramaiah : ಕ್ರಿಕೆಟಿಗ ಮುತ್ತಯ್ಯ ಮುರಳೀಧರನ್ ಜೀವನಾಧಾರಿತ ಸಿನಿಮಾದಲ್ಲಿ ನಟಿಸುವ ಅವಕಾಶ ಕಳೆದುಕೊಂಡಿದ್ದ ವಿಜಯ್ ಸೇತುಪತಿಗೆ ಇದೀಗ ಮತ್ತೊಂದು ಬಯೋಪಿಕ್ ನಲ್ಲಿ ನಟಿರುವ ಅವಕಾಶ ಸಿಕ್ಕಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಬಯೋಪಿಕ್ 'ಲೀಡರ್ ರಾಮಯ್ಯ: ಎ ಕಿಂಗ್ ರೈಸ್ಡ್ ಬೈ ದಿ ಪೀಪಲ್' ಚಿತ್ರದಲ್ಲಿ ವಿಜಯ್‌ ನಟಿಸಲಿದ್ದಾರೆ ಎಂದು ತಿಳಿದು ಬಂದಿದೆ.

ಸಿಎಂ ಸಿದ್ದರಾಮಯ್ಯ ಅವರ ಜೀವನಾಧಾರಿತ ಸಿನಿಮಾವನ್ನು ಸತ್ಯರತ್ನಂ ನಿರ್ದೇಶಿಸಲಿದ್ದಾರೆ. ಚಿತ್ರದಲ್ಲಿ ಸಿದ್ದರಾಮಯ್ಯ ಅವರ ಪಾತ್ರದ ಬಗ್ಗೆ ಇನ್ನೂ ಕ್ಲಾರಿಟಿ ಸಿಕ್ಕಿಲ್ಲ. ಇದೀಗ ಹೊಸ ವಿಚಾರವೊಂದು ಹೊರ ಬಿದ್ದಿದ್ದು, ವರದಿಗಳ ಪ್ರಕಾರ ಬಹುಮುಖ ನಟ ವಿಜಯ್ ಸೇತುಪತಿ ಅವರು ಸಿದ್ದರಾಮಯ್ಯನ ಪಾತ್ರದಲ್ಲಿ ನಟಿಸಲಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: WATCH: ಆಲಿಯಾರನ್ನು ತಳ್ಳಿದ ರಣವೀರ್ ಸಿಂಗ್‌, ಸಿಡಿಮಿಡಿಗೊಂಡ ನಟಿ! ವಿಡಿಯೋ ವೈರಲ್‌

ಹೌದು.. ಸಿದ್ದರಾಮಯ್ಯನವರ ಪಾತ್ರವನ್ನು ವಿಜಯ್ ಸೇತುಪತಿ ಅವರು ನಿರ್ವಹಿಸಲಿದ್ದಾರೆ ಎಂದು ಹೇಳಲಾಗಿದೆ. ಚಿತ್ರದಲ್ಲಿನ ಕೊನೆಯ ಭಾಗದಲ್ಲಿ ವಿಜಯ್‌ ಸಿದ್ದರಾಮಯ್ಯ ಅವರ ಲುಕ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗಿದೆ. ಅದ್ರೆ ಈ ಕುರಿತು ಚಿತ್ರತಂಡ ಇದುವರೆಗೂ ಯಾವುದೇ ನಿಖರ ಮಾಹಿತಿ ನೀಡಿಲ್ಲ.

ಇಬ್ಬರು ನಾಯಕಿಯರ ಆಯ್ಕೆ ಸೇರಿದಂತೆ ಚಿತ್ರದ ಪ್ರತಿಯೊಂದು ಅಂಶವನ್ನು ನಿರ್ಮಾಣ ತಂಡವು ನಿಖರವಾಗಿ ಯೋಜಿಸುತ್ತಿದೆ, ಅವರ ಹೆಸರನ್ನು ಶೀಘ್ರದಲ್ಲೇ ಬಹಿರಂಗಪಡಿಸಲಾಗುವುದು. ಇದಲ್ಲದೆ, ಸಿದ್ದರಾಮಯ್ಯ ಅವರ ಚಿಕ್ಕ ವಯಸ್ಸಿನಲ್ಲಿ ಪಾತ್ರಕ್ಕೆ ಪ್ರತಿಭಾವಂತ ಯುವ ನಟನ ಹುಡುಕಾಟವೂ ಸಹ ನಡೆಯುತ್ತಿದೆ. ಚಿತ್ರದ ಪ್ರಿ-ಪ್ರೊಡಕ್ಷನ್ ಅಂತಿಮ ಹಂತದಲ್ಲಿದ್ದು, ಅಧಿಕೃತ ಘೋಷಣೆ ಇನ್ನಷ್ಟೇ ಹೊರಬೀಳಬೇಕಿದೆ.