ಡಿವೋರ್ಸ್‌ ವದಂತಿ ಮಧ್ಯೆ ದೀಪಿಕಾ - ರಣವೀರ್‌ ವಿಡಿಯೋ ವೈರಲ್‌!

Ranveer Singh Deepika Padukone Video: ಬಾಲಿವುಡ್ ನಟ ರಣವೀರ್ ಸಿಂಗ್ ಅವರ 'ರಾಕಿ ಔರ್‌ ರಾಣಿ ಕಿ ಪ್ರೇಮ್ ಕಹಾನಿ' ಸಿನಿಮಾ ರಿಲೀಸ್‌ ಆಗಿದೆ. ಬಿಡುಗಡೆಯಾದ ಕೂಡಲೇ ಹವಾ ಕ್ರಿಯೇಟ್ ಮಾಡಲಾರಂಭಿಸಿದೆ. ಈ ಮಧ್ಯೆ, ರಣವೀರ್ ಸಿಂಗ್ ಅವರು ತಮ್ಮ ಪತ್ನಿ ದೀಪಿಕಾ ಪಡುಕೋಣೆ ಅವರೊಂದಿಗೆ ಚಿತ್ರದ ಯಶಸ್ಸನ್ನು ಆಚರಿಸುತ್ತಿದ್ದಾರೆ.

ಇತ್ತೀಚೆಗೆ ರಣವೀರ್ ಸಿಂಗ್ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ಅವರು ತಮ್ಮ ಪತ್ನಿ ಮತ್ತು ನಟಿ ದೀಪಿಕಾ ಪಡುಕೋಣೆ ಅವರೊಂದಿಗೆ ಎಂಜಾಯ್‌ ಮಾಡುತ್ತಿದ್ದಾರೆ. ಇಬ್ಬರೂ 'ರಾಕಿ ಔರ್‌ ರಾಣಿ ಕಿ ಪ್ರೇಮ್ ಕಹಾನಿ' ಚಿತ್ರದ 'ಜುಮ್ಕಾ' ಹಾಡಿಗೆ ರೀಲ್ಸ್‌ ಮಾಡಿದ್ದಾರೆ. ವಿಡಿಯೋದಲ್ಲಿ, ಇಬ್ಬರೂ ಕ್ಯಾಶುಯಲ್ ಲುಕ್‌ನಲ್ಲಿ ತುಂಬಾ ಸ್ಮಾರ್ಟ್ ಆಗಿ ಕಾಣುತ್ತಿದ್ದಾರೆ. 

ಇದನ್ನೂ ಓದಿ: ಒಟಿಟಿಗೆ ಬರಲು ತಯಾರಾದ ʼಬೇಬಿʼ..ಯಾವಾಗ ಗೊತ್ತಾ..?

ಈ ವಿಡಿಯೋದ ಶೀರ್ಷಿಕೆಯಲ್ಲಿ "ಅವರು 'ರಾಕಿ ಔರ್‌ ರಾಣಿ ಕಿ ಪ್ರೇಮ್ ಕಹಾನಿ' ಇಷ್ಟಪಟ್ಟಿದ್ದಾರೆ.." ಎಂದು ರಣವೀರ್‌ ಸಿಂಗ್‌ ಬರೆದಿದ್ದಾರೆ. ಕಳೆದ ರಾತ್ರಿ ಬಾಲಿವುಡ್‌ನ ಈ ಮುದ್ದಾದ ಜೋಡಿ 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಚಿತ್ರ ವೀಕ್ಷಿಸಲು ಥಿಯೇಟರ್‌ಗೆ ತೆರಳಿದ್ದರು. ಈ ವೇಳೆ ಇಬ್ಬರೂ ಕಾರಿನಲ್ಲಿಯೇ ವಿಡಿಯೋ ಮಾಡಿದ್ದಾರೆ.

View this post on Instagram

A post shared by Ranveer Singh (@ranveersingh)

ಕಳೆದ ಶುಕ್ರವಾರ ಅಂದರೆ ಜುಲೈ 28 ರಂದು 'ರಾಕಿ ಔರ್‌ ರಾಣಿ ಕಿ ಪ್ರೇಮ್ ಕಹಾನಿ' ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ. ಇದು ಅಭಿಮಾನಿಗಳಿಗೆ ತುಂಬಾ ಇಷ್ಟವಾಗಿದೆ. ರಣವೀರ್ ಸಿಂಗ್ ಮತ್ತು ಆಲಿಯಾ ಭಟ್ ಅಭಿನಯದ ಚಿತ್ರವು ಮೊದಲ ದಿನದಲ್ಲಿ 11.10 ಕೋಟಿಗಳಷ್ಟು ಬಲವಾದ ಕಲೆಕ್ಷನ್ ಮಾಡಿದೆ. ಎರಡನೇ ದಿನ ಚಿತ್ರ 16.05 ಕೋಟಿ ಗಳಿಸಿದೆ. ಅಂದರೆ, ಎರಡು ದಿನಗಳಲ್ಲಿ ಚಿತ್ರ ಸುಮಾರು 27.15 ಕೋಟಿ ಗಳಿಸಿದೆ.

ಇದನ್ನೂ ಓದಿ: 'ಜವಾನ್​ನ ಸದ್ದಿಗೆ ಸಿದ್ಧರಾಗಿ...ಬಹುನಿರೀಕ್ಷಿತ 'ಜಿಂದಾ ಬಂದಾ' ಸಾಂಗ್‌ ಇಂದೇ ರಿಲೀಸ್‌..!