Devil: ಅಕ್ಷಯ ತೃತೀಯದಂದು ಚಾಲೆಂಜಿಂಗ್‌ ಸ್ಟಾರ್‌ ಡೆವಿಲ್ ಮೇಕಿಂಗ್ ಗ್ಲಿಂಪ್ಸ್ ಔಟ್‌: ದರ್ಶನ್‌ ಲುಕ್‌ ಹೇಗಿದೆ ಗೊತ್ತೇ??

Devil New Glimpse Out: ಸ್ಯಾಂಡಲ್‌ವುಡ್‌ ಹೀರೋ ಚಾಲೆಂಜಿಂಗ್ ಸ್ಟಾರ್ ದರ್ಶನ್  ಅಭಿನಯದ ಬಹು ನಿರೀಕ್ಷಿತ ಡೆವಿಲ್  ಚಿತ್ರದ ಮೇಕಿಂಗ್‌ ವಿಡಿಯೋ ರಿಲೀಸ್‌ ಆಗಿದೆ. ಅಕ್ಷಯ ತೃತೀಯದಂದು ಚಿತ್ರತಂಡ ಮೇಕಿಂಗ್‌ ವಿಡಿಯೋವನ್ನು ಹಂಚಿಕೊಂಡಿದ್ದು, ಇದರಲ್ಲಿ ದರ್ಶನ್ ಪಾತ್ರದ ಖದರ್ ಹೇಗೆದೆ ಎಂಬುದನ್ನು ತಿಳಿಯಬಹುದು. ಈ ಚಿತ್ರದ ಮೇಕಿಂಗ್‌ ಗ್ಲಿಂಪ್ಸ್ ನೋಡಿದರೇ ಸಾಕು, ಸಿನಿಮಾದ ಫಸ್ಟ್ ಲುಕ್ ಹೇಗೆ ತಯಾರಾಗಿದೆ ಅನ್ನೋದು ಗೊತ್ತಾಗುತ್ತದೆ.

ಡೆವಿಲ್‌ ಮೇಕಿಂಗ್‌ ಗ್ಲಿಪ್ಸ್‌ ವಿಡಿಯೋದಲ್ಲಿ  ಕ್ಯಾಮರಾಮನ್, ಡೈರೆಕ್ಟರ್, ದರ್ಶನ್ ಮತ್ತು ತಂಡದ ಇತರ ಸದಸ್ಯರೆಲ್ಲರೂ ಕೂಡ ಇದ್ದಾರೆ. ಈ ಚಿತ್ರದ ಮೇಲೆ ನಿರೀಕ್ಷೆ ಹೆಚ್ಚಾಗಿಯೇ ಇದ್ದು, ಇಷ್ಟು ದಿನ ನಟ ದರ್ಶನ್‌ ಅವರನ್ನು ಹೀರೋ ಆಗಿ ನೋಡುತ್ತಿದ್ದ ಪ್ರೇಕ್ಷಕರು, ಈ ಸಿನಿಮಾದಲ್ಲಿ ವಿಲನ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದ ಶೀರ್ಷಿಕೆಯಂತೆ  ದರ್ಶನ್‌ ಮಾಡುತ್ತಿರುವ ರೋಲ್‌  ವಿಲನ್‌ ಆಗಿದ್ದು, ಹಾಗೆಯೇ ಹೀರೋ ಅನ್ನೋ ಫೀಲ್ ಕೂಡ ತರಲಿದ್ದಾರೆ.

ಡೈರೆಕ್ಟರ್ ಮಿಲನ ಪ್ರಕಾಶ್ ಸಿನಿಮಾದ ಬಗ್ಗೆಯಾಗಲಿ, ಪಾತ್ರದ ಬಗ್ಗೆಯಾಗಲೇ ಅಷ್ಟಾಗಿ ಏನೋ ಹೇಳಿಕೊಂಡಿಲ್ಲ. ಆದರೆ ಈ ಡೆವಿಲ್‌ ಮೇಕಿಂಗ್‌ ಗ್ಲಿಪ್ಸ್‌ ವಿಡಿಯೋದಲ್ಲಿ ನಿರ್ದೇಶಕ ಮಿಲನ ಪ್ರಕಾಶ್, ಕ್ಯಾಮರಾಮ್ಯಾನ್‌ ಸುಧಾಕರ್  ಹಾಗೂ ನಟ ದರ್ಶನ್‌ ಕ್ಯಾಮರಾ ಫೇಸ್ ಮಾಡುತ್ತಿರುವುದೆಲ್ಲಾ ಹೆಚ್ಚು ಹೈಲೈಟ್‌ ಆಗಿದೆ. ಇದಕ್ಕೂ ಮುಂಚೆ ಡಿಬಾಸ್‌ ಹುಟ್ಟುಹಬ್ಬ ಫೆಬ್ರವರಿ 16 ರಂದು ಈ ಚಿತ್ರದ ಫಸ್ಟ್ ಗ್ಲಿಂಪ್ಸ್ರಿವೀಲ್‌ ಆಗಿತ್ತು. 

ನಟ ದರ್ಶನ್‌ಗೆ ಇತ್ತೀಚೆಗೆ ಶೂಟಿಂಗ್ ಟೈಮ್‌ನಲ್ಲಿ ಎಡಗೈಗೆ ಪೆಟ್ಟು ಆಗಿದ್ದರೂ ಕೂಡ, ಆ್ಯಕ್ಷನ್ ಸೀನ್‌ ಚಿತ್ರೀಕರಣ ಮುಗಿದ ಮೇಲೆ ಎಡಗೈ ಶಸ್ತ್ರ ಚಿಕಿತ್ಸೆ ಮಾಡಿಸಿದರು. ಆದರೆ ಈ ನಟ ಡೆವಿಲ್ ಸಿನಿಮಾ ಅಕ್ಟೋಬರ್ ನಲ್ಲಿಯೇ ತೆರೆಕಾಣಬೇಕಿತ್ತು. ಕೈಗೆ ಪೆಟ್ಟು ಬೀಳದೇ ಇದ್ದರೇ,  ಇಷ್ಟೊತ್ತಿಗಾಗಲೇ  ಶೇಕಡ 70 ರಷ್ಟು ಚಿತ್ರೀಕರಣ ಪೂರ್ಣಗೊಳ್ಳುತ್ತಿತ್ತು. ಆದರೆ ಇದೀಗ ತಡವಾಗಿದೆಂದು ಹೇಳಿಕೊಂಡಿದ್ದಾರೆ.