Dhanush: ಧನುಷ್-‌ರಶ್ಮಿಕಾ ಹೊಸ ಚಿತ್ರಕ್ಕೆ ಜಗ್ಗೇಶ್‌ ಸಿನಿಮಾ ಟೈಟಲ್: ಶೀರ್ಷಿಕೆಯೇನು ಗೊತ್ತೇ?

Dhanush and Rashmika Mandanna New Movie Title: ಶಿವರಾತ್ರಿ ಸಂಭ್ರಮದಲ್ಲಿ ಟಾಲಿವುಡ್‌ ಸ್ಟಾರ್‌ ನಟ ಧನುಷ್‌ ಅಭಿನಯದ ಹೊಸ ಚಿತ್ರದ ಟೈಟಲ್ ರಿವೀಲ್ ಆಗುವುದರ ಜೊತೆಗೆ ಫಸ್ಟ್ ಲುಕ್ ಪೋಸ್ಟರ್ ಕೂಡ ರಿಲೀಸ್‌ ಆಗಿದೆ. ಈ ಸಿನಿಮಾದಲ್ಲಿ ಧನುಷ್‌ ಜೊತೆಗೆ ತೆಲುಗು ನಟ ನಾಗಾರ್ಜುನ ಸಹ ಕಾಣಿಸಿಕೊಳ್ಳಲಿದ್ದು, ಈ ಚಿತ್ರಕ್ಕೆ ನಾಯಕಿಯಾಗಿ ನ್ಯಾಶನಲ್‌ ಕ್ರಶ್‌ ರಶ್ಮಿಕಾ ಮಂದಣ್ಣ ಆಯ್ಕೆ ಆಗಿದ್ದಾರೆ. ಈ ಸಿನಿಮಾಗೆ ತೆಲುಗು ನಿರ್ದೇಶಕ ಶೇಖರ್ ಕಮ್ಮುಲ ನಿರ್ದೇಶನ ಮಾಡುತ್ತಿದ್ದು, ಇದು ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ತೆರೆಯ ಮೇಲೆ ರಾರಾಜಿಸಿಲಿದೆ.

ಇತ್ತೀಚೆಗಷ್ಟೆ ಈ ಚಿತ್ರದ ಶೂಟಿಂಗ್ ಪ್ರಾರಂಭವಾಗಿದೆ. ಈ ಸಿನಿಮಾದ ಪೋಸ್ಟರ್‌ನಲ್ಲಿ ನಟ ಧನುಷ್ ದೊಗಲೇ ಶರ್ಟು, ಪ್ಯಾಂಟ್‌ ತೊಟ್ಟು ಧರಿಸುವುದರ ಜೊತೆಗೆ ಗಡ್ಡ ಬಿಟ್ಟು ನಗುತ್ತಾ ನೋಡುತ್ತಿರುವ ಪೋಸ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರಕ್ಕೆ'ಕುಬೇರ' ಎನ್ನುವ  ಶೀರ್ಷಿಕೆ ಇಡಲಾಗಿದ್ದು. ಈಗಾಗಲೇ ಪೋಸ್ಟರ್‌ ಫಸ್ಟ್‌ ಲುಕ್‌ನಲ್ಲೇ ಅಭಿಮಾನಿಗಳ ಗಮನ ಸೆಳೆದಿದೆ. 'ಕುಬೇರ' ಎಂದರೇ ಸಂಪತ್ತಿನ ದೇವರು ಅಂತ. ಆದರೆ ನಟ ಧನುಷ್‌ ಈ ಪೋಸ್ಟರ್‌ನಲ್ಲಿ  ಬಟ್ಟೆ ಕೂಡ ಬಡತನವನ್ನು ಎತ್ತಿ ತೋರಿಸುವುದರ ಜೊತೆಗೆ ಶಿವ, ಅನ್ನಪೂರ್ಣೆಯಿಂದ ಭಿಕ್ಷೆ ಪಡೆಯುವಂತಹ ಚಿತ್ರವನ್ನು ನೋಡಬಹುದಾಗಿದೆ.

'ಕುಬೇರ'ಸಿನಿಮಾದ ಕಥೆ ಮುಂಬೈ ಮಾಫಿಯಾ ಹಿನ್ನೆಲೆಯಾಗಿದೆ ಎನ್ನುವ ಗುಸುಗುಸು ಹರಿದಾಡುತ್ತಿರುವುದರ ಜೊತೆಗೆ, ಚಿತ್ರತಂಡ ತಿರುಪತಿ, ಗೋವಾ ಹಾಗೂ ಹೈದರಾಬಾದ್‌ನಲ್ಲಿ ಚಿತ್ರೀಕರಣದ ತಿರುಪತಿ, ಗೋವಾ  ಸಣ್ಣ ಶೆಡ್ಯೂಲ್ ಮುಗಿಸಿದೆ. ತಿರುಪತಿಯಲ್ಲಿ ಶೂಟಿಂಗ್‌ ನಡೆದಾಗ ಧನುಷ್ ಭಿಕ್ಷುಕನ ರೀತಿ ಕಾಣಿಸಿಕೊಂಡಿದ್ದ ಫೋಟೊಗಳು ಕೂಡ ವೈರಲ್‌ ಆಗಿತ್ತು. ಇನ್ನೂ ಅಲ್ಲಿ ಚಿತ್ರೀಕರಣದ ವೇಳೆ  ಟ್ರಾಫಿಕ್ ಜಾಮ್ ಆಗಿ ವಾಹನ ಸವಾರು ತೊಂದರೆಯನ್ನು ಸಹ ಅನುಭವಿಸಿದ್ದರು.

ಈ ಹಿಂದೆ ಕನ್ನಡದಲ್ಲಿ ನವರಸ ನಾಯಕ ಜಗ್ಗೇಶ್ 'ಕುಬೇರʼ ಎಂಬ ಟೈಟಲ್‌ನ ಚಿತ್ರದಲ್ಲಿ ನಟಿಸಿದ್ದು, ಈ ಸಿನಿಮಾ 1999 ತೆರೆಗೆ ಬಂದಿತ್ತು. ಆ ಸಿನಿಮಾದಲ್ಲೊ ನಟಿ ರವಳಿ ನಾಯಕಿಯಾಗಿ ಅಭಿನಯಿಸಿದ್ದರು. ಇದೀಗ ನಟ ಧನುಷ್‌ ಚಿತ್ರದ ಟೈಟಲ್‌ ಅದೇ ಆಗಿರುವ ಕಾರಣ ಜಗ್ಗೇಶ್ ಸಿನಿಮಾವನ್ನು ಕೆಲವರು ನೆನಪು ಮಾಡಿಕೊಂಡಿದ್ದಾರೆ. ಸದ್ಯ 'ಕುಬೇರ' ಸಿನಿಮಾದ ಸಣ್ಣ ಮೋಷನ್ ಪೋಸ್ಟರ್ ಸಹ ರಿಲೀಸ್ ಆಗಿದೆ. ಇನ್ನೂ ಈ ಸಿನಿಮಾಗೆ ದೇವಿ ಶ್ರೀಪ್ರಸಾದ್ ಮ್ಯೂಸಿಕ್‌ ಕಂಪೋಸ್‌ ಮಾಡಲಿದ್ದಾರೆ. ಶ್ರೀ ವೆಂಕಟೇಶ್ವರ ಸಿನಿಮಾಸ್ ಮತ್ತು ಅಮಿಗೋಸ್ ಕ್ರಿಯೇಷನ್ಸ್ ಬ್ಯಾನರ್ ಅಡಿಯಲ್ಲಿ ಸುನೀಲ್ ನಾರಂಗ್ ಹಾಗೂ ರಾಮಮೋಹನ್ ರಾವ್ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ.