ಬಹುನಿರೀಕ್ಷಿತ `ಕ್ಯಾಪ್ಟನ್ ಮಿಲ್ಲರ್` ಚಿತ್ರದ ಟೀಸರ್ ರಿಲೀಸ್..! ಧನುಷ್-ಶಿವಣ್ಣ ಪಾತ್ರ ರಿವೀಲ್‌

Captain Miller teaser : ಇಂದು ಸೂಪರ್‌ಸ್ಟಾರ್ ಧನುಷ್ ಅವರ 40ನೇ ಹುಟ್ಟು ಹಬ್ಬ. ಈ ಪ್ರಯುಕ್ತ ʼಕ್ಯಾಪ್ಟನ್ ಮಿಲ್ಲರ್ʼ ಟೀಸರ್‌ ಬಿಡುಗಡೆ ಮಾಡಲಾಗಿದೆ. ಅದ್ಭುತ ಕಥೆ, ಆ್ಯಕ್ಷನ್ ಪ್ಯಾಕ್ಡ್‌ ಟೀಸರ್‌ ನೋಡಿದ್ರೆ ಪುಷ್ಪ, ಕೆಜಿಎಫ್, ಪಠಾಣ್ ದಾಖಲೆ ಮುರಿಯುವಂತಹ ಎಲ್ಲಾ ಲಕ್ಷಣಗಳು ಗೋಚರವಾಗುತ್ತಿವೆ.. ಧನುಷ್ ಶಿವಣ್ಣ ಲುಕ್‌ ಚಿತ್ರದ ಕ್ಯೂರಿಯಾಸಿಟಿ ಹೆಚ್ಚಿಸುತ್ತಿದೆ.

ಅರುಣ್ ಮಾಥೇಶ್ವರನ್ ನಿರ್ದೇಶನದ ಕ್ಯಾಪ್ಟನ್ ಮಿಲ್ಲರ್ ಸ್ವಾತಂತ್ರ್ಯದ ಹಿಂದಿನ ಕಥೆಯನ್ನು ತೋರಿಸುತ್ತದೆ. ಕ್ಯಾಪ್ಟನ್ ಮಿಲ್ಲರ್ 1.33 ಸೆಕೆಂಡ್‌ಗಳ ಟೀಸರ್ ನೋಡಲು ಅದ್ಭುತವಾಗಿದೆ. ಟೀಸರ್‌ ನೋಡಿದ್ರೆ ಸಿನಿಮಾ ನೋಡಲೇಬೇಕು ಎನ್ನುವ ಕುತೂಹಲ ಹಿಮ್ಮಡಿಗೊಳಿಸುತ್ತಿದೆ.

ಟೀಸರ್‌ನಲ್ಲಿ ಆರಂಭದಲ್ಲಿ ಧನುಷ್‌ಗೆ ಹುಟ್ಟುಹಬ್ಬದ ಶುಭಾಶಯಗಳನ್ನು ಕೋರಲಾಗಿದೆ. ನಂತರ ಕೆಲವು ವಾಂಟೆಡ್ ಪೋಸ್ಟರ್‌ಗಳು ಕಂಡುಬರುತ್ತವೆ. ಇದರ ನಂತರ, ಧನುಷ್ ಎಂಟ್ರಿ, ಕೈಯಲ್ಲಿ ಗನ್, ಉದ್ದನೆಯ ಕೂದಲು ನೋಡೋಕೆ ಹಂಟರ್‌ ತರ ಕಾಣುತ್ತಾರೆ. ಧನುಷ್ ಕೈಯಲ್ಲಿ ಕೊಡಲಿ ಹಿಡಿದು ಆಕ್ಷನ್ ಮೂಡ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಇನ್ನು ಈ ಸಿನಿಮಾದಲ್ಲಿ ಕರುನಾಡ ಚಕ್ರವರ್ತಿ ಶಿವರಾಜ್‌ಕುಮಾರ್‌ ಅವರು ಸಹ ಕಾಣಿಸಿಕೊಂಡಿದ್ದಾರೆ. ಕುದುರೆ ಏರಿ ಎಂಟ್ರಿ ಕೊಡುವ ಶಿವಣ್ಣ ಲುಕ್‌ ಸಖತ್ತಾಗಿದೆ. ಅಲ್ಲದೆ, ಟೀಸರ್‌ ಕೊನೆಯಲ್ಲಿ ಧನುಷ್ಯ ಹತ್ತಿರ ಶಿವಣ್ಣ ಇರುವ ಫೋಟೋ ಇರುತ್ತದೆ. ಈ ದೃಶ್ಯ ಬಹಳ ಕುತೂಹಲಕಾರಿಯಾಗಿದೆ.