Diganth: ಉತ್ತರಕಾಂಡದಲ್ಲಿ ಗುಟ್ಕಾ ಮಲ್ಲಿಗೆಯಾದ ದೂದ್‌ ಪೇಡ ದಿಗಂತ್:‌ ಹೊಸ ರಗಡ್‌ ಲುಕ್‌ನಲ್ಲಿ ನಟ!

Diganth New Look In Uttarakanda: ಸ್ಯಾಂಡಲ್‌ವುಡ್‌ನ ದೂದ್ ಪೇಡ ದಿಗಂತ್ ಉತ್ತರಕಾಂಡ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದರು, ಈ ನಟನ ಹೊಸ ಲುಕ್‌ ರಿವೀಲ್‌ ಆಗಿದೆ. ಇಲ್ಲಿಯ ತನಕ ನಟ ದಿಗಂತ್‌ ಸಾಫ್ಟ್‌ ಕ್ಯಾರೆಕ್ಟರ್‌ಗಳಲ್ಲಿ ಮಾತ್ರ ನಟಿಸುತ್ತಿದ್ದು, ಇದೀಗ ಈ ನಟ ಉತ್ತರಕಾಂಡ ಚಿತ್ರದಲ್ಲಿ ಈತನ ಲುಕ್ ಚೇಂಜ್ ಮಾಡಿದ್ದಾರೆ. ಇಷ್ಟು ದಿನ ಚಾಕೊಲೇಟ್ ಹೀರೋ ತರಹ ಇದ್ದ ದಿಗಂತ್‌ ರಗಡ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ನಟ ಈ ಸಿನಿಮಾದಲ್ಲಿ ‘ಮಲ್ಲಿಗೆ’ ಅನ್ನುವ  ಪಾತ್ರ ಮಾಡುತ್ತಿದ್ದಾರೆ. 

ಹೌದು.. ಉತ್ತರಕಾಂಡ ಚಿತ್ರದಲ್ಲಿ ನಿರ್ದೇಶಕ ರೋಹಿತ್ ಪದಕಿ ಒಂದು ಕ್ಯಾರೆಕ್ಟರ್‌ ಅನ್ನ ದಿಗಂತ್ ಮುಖದಲ್ಲಿಯೇ ಕಂಡಿದ್ದಾರೆ. ಬಹುಶಃ ದಿಗಂತ್ ಕೂಡ ಫ್ ಪಾತ್ರ ಮಾಡಿದ್ರೆ ಈ ರೀತಿ ಕಾಣ್ತಾರೆ ಅನ್ನೋ ಕಲ್ಪನೆ ಮಾಡಿಕೊಂಡಿರುವುದಿಲ್ಲ. ಚಿತ್ರತಂಡ ನಟ ದಿಗಂತ್‌ ಪಾತ್ರದ ಪೋಸ್ಟರ್‌ ರಿವೀಲ್‌ ಮಾಡಿದ್ದಾರೆ. ಇದರಲ್ಲಿ ಸ್ವತಃ ದಿಗಂತ್ ಕೂಡ ತಮ್ಮನ್ನ ತಾವು ಗುರುತು ಹಿಡಿರೋದಿಲ್ಲ ಎಂದು ಅನಿಸುತ್ತದೆ. ಅಂತಹ ರಫ್ ಆಗಿರೋ ಪಾತ್ರದಲ್ಲಿಯೇ ಈ ನಟ ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದಾರೆ.

ನಟ ದಿಗಂತ್‌ ಮಂಚಾಲೆ ಉತ್ತರಕಾಂಡ ಕ್ಯಾರೆಕ್ಟರ್‌ ಪೋಸ್ಟರ್‌ನಲ್ಲಿ ಗುಟ್ಕಾ ತಿನ್ನೋ ರಫ್ ಪಾತ್ರವನ್ನು ಮಾಡಿದ್ದಾರೆ. ಇಷ್ಟೊಂದು ಬದಲಾಗಿರುವ ಈ ನಟನ ಪಾತ್ರ ತುಂಬಾನೆ ಸ್ಪೆಷಲ್ ಅಂತ ಅನಿಸುತ್ತದೆ. ಹಾಗೆಯೇ ಈ ಪೋಸ್ಟರ್‌ನಲ್ಲಿ ಪ್ರೀತಿ ಮತ್ತು ಗುಟ್ಕಾ ಎಷ್ಟು ಡೇಂಜರೋ ಅಷ್ಟೇ ಡೇಂಜರ್ ಈ ಮಿರ್ಚಿ ಮಲ್ಲಿಗೆ ಅನ್ನು ಅರ್ಥದಲ್ಲಿಯೇ ತಮ್ಮ ಚಿತ್ರದಲ್ಲಿರುವ ಪಾತ್ರದ ಪರಿಚಯ ಮಾಡಲಾಗಿದೆ. ಚಾಕೊಲೇಟ್ ಹೀರೋ ಆಗಿದ್ದ ದಿಗಂತ್‌ಗೆ ಇದೀಗ ಕಂಪ್ಲೀಟ್ ರಫ್ ಲುಕ್ ನೀಡಿದ್ದಾರೆ.

ಉತ್ತರಕಾಂಡ ಸಿನಿಮಾ ಶೂಟಿಂಗ್‌ ಇದೇ ಏಪ್ರಿಲ್-15 ರಿಂದಲೇ ವಿಜಯಪುರದಲ್ಲಿ ಪ್ರಾರಂಭವಾಗಿದ್ದು, ಹೆಚ್ಚು ಕಡಿಮೆ 15 ದಿನ ಚಿತ್ರೀಕರಣದ ಪ್ಲಾನ್‌ ಆಗಿದೆ. ಇತ್ತೀಚೆಗೆ ನಟಿ ಚೈತ್ರಾ ಆಚಾರ್‌ ಕೂಡ ಈ ಸಿನಿಮಾ ತಂಡ ಸೇರಿಕೊಂಡಿದ್ದು, ಈ ನಟಿ ಲಚ್ಚಿ ಎಂಬ ಪಾತ್ರವನ್ನು ಮಾಡಲಿದ್ದಾರೆ. ಇನ್ನೂ ಈ ಸಿನಿಮಾವನ್ನು ಕೆ.ಆರ್.ಜಿ.ಸಂಸ್ಥೆನಿರ್ಮಾಣ ಮಾಡುತ್ತಿದ್ದು, ಒಳ್ಳೆ ಚಿತ್ರ ತಯಾರಿಸ್ತಿರೋ ಖುಷಿಯಲ್ಲಿ ನಿರ್ಮಾಪಕರಾದ ಕಾರ್ತಿಕ್ ಗೌಡ ಹಾಗೂ ಯೋಗಿ ಜಿ.ರಾಜ್ ಇದ್ದಾರೆ. ಮತ್ತೊಂದು ವಿಶೇಷವೆನೆಂದರೆ ಈ ಚಿತ್ರದ ಹಾಡುಗಳಿಗೆ ಬಾಲಿವುಡ್‌ನ ಮ್ಯೂಸಿಕ್ ಡೈರೆಕ್ಟರ್ ಅಮಿತ್ ತಿವಾರಿ ಸಂಗೀತ ನೀಡಿದ್ದಾರೆ.