ಲೀಲಮ್ಮನ ದಾರಿ ನೋಡುತ್ತ ಊಟ, ನೀರು ಬಿಟ್ಟು ಕುಳಿತ ನಾಯಿ...! ಅಯ್ಯೋ... ದೇವರೆ

Leelavathi death : ಚಂದನವನದ ಹಿರಿಯ ನಟಿ ಲೀಲಾವತಿಯರು ನಿಧನರಾಗಿದ್ದಾರೆ. ತಮ್ಮ ಮುಗ್ಧ ನಗು, ಅದ್ಭುತ ನಟನೆಯ ಮೂಲಕ ಸೌತ್‌ ಸಿನಿರಂಗದಲ್ಲೇ ಛಾಪು ಮೂಸಿಡಿದ್ದ ನಟಿಯ ಅಗಲಿಕೆ ಸ್ಯಾಂಡಲ್‌ವುಡ್‌ಗೆ ತುಂಬಲಾರದ ನಷ್ಟ ತಂದಿದೆ. ಬೆಳಗ್ಗಿನಿಂದಲೇ ಅಪಾರ ಅಭಿಮಾನಿಗಳು ಲೀಲಮ್ಮನ ಅಂತಿಮ ದರ್ಶನ ಪಡೆಯುತ್ತಿದ್ದಾರೆ. ಅಲ್ಲದೆ, ಮನೆಯಲ್ಲಿ ಅವರ ಹಾದಿ ನೋಡುತ್ತ ಮುದ್ದಿನ ನಾಯಿ ಬ್ಲ್ಯಾಕಿ ಕಾಯುತ್ತಿರುವ ದೃಶ್ಯವಂತೂ ಕಣ್ಣೀರು ಬರುವಂತಿದೆ.

ಹೌದು.. ಲೀಲಾವತಿಯರು ಪ್ರಾಣಿಪ್ರಿಯೆಯಾಗಿದ್ದರು, ತಮ್ಮ ಮನೆಯಲ್ಲಿ ಬ್ಲ್ಯಾಕಿ ಎನ್ನುವ ನಾಯಿಯನ್ನು ಸಾಕಿದ್ದರು. ದಿನವೂ ಅದರ ಜೊತೆ ಕಾಲ ಕಳೆಯುತ್ತಿದ್ದರು. ಸಧ್ಯ ಲೀಲಮ್ಮ ಬಂದು ಊಟ, ನೀರು ಕೊಡ್ತಾರೆ ಅಂತ ಬ್ಲ್ಯಾಕಿ ಕಾಯುತ್ತಿದೆ. ಆದ್ರೆ ಅವನಿಗೆ ಲೀಲಮ್ಮ ಇನ್ನು ಬರುವುದಿಲ್ಲ ಎಂದು ತಿಳಿಸಿ ಹೇಳುವವರು ಯಾರು ಅಲ್ಲವೆ..?

ಇದನ್ನೂ ಓದಿ: ಲೀಲಾವತಿಯವರು ʼವಿನೋದ್‌ ರಾಜ್‌ ಮದುವೆʼ ಎಲ್ಲಿ ಮಾಡಿದ್ರು ಗೊತ್ತೆ..? ʼಆ ಕೊರಗು ಇನ್ನೂ ಇತ್ತುʼ

ಸಧ್ಯ ಲೀಲಾವತಿಯವರ ಅಂತಿಮ ಸಂಸ್ಕಾರ ಸೋಲದೇವನಹಳ್ಳಿಯ ಅವರ ತೋಟದಲ್ಲಿ ನಡೆಯುತ್ತಿದೆ. ಮನೆ ಒಡತಿಯನ್ನು ಕಳೆದುಕೊಂಡು ಶ್ವಾನ ರೋದಿಸುತ್ತಿದೆ. ಅಲ್ಲದೆ, ಲೀಲಮ್ಮನ ಫೋಟೋ ನೋಡುತ್ತ ಕುಳಿತು ರೋದಿಸುತ್ತಿರುವ ದೃಶ್ಯವನ್ನು ನೋಡಿದರೆ ತಿಳಿಯದೇ ಕಣ್ಣಂಚಿನಲ್ಲಿ ಕಣ್ಣೀರು ಬರುತ್ತವೆ.

ಆಸ್ಪತ್ರೆಗೆ ದಾಖಲಾದಾಗಿನಿಂದ ಅಮ್ಮನ ಬರುವಿಕೆಯಾಗಿ ಶ್ವಾನ ಕಾಯುತ್ತಿದೆ. ಬೆಳಿಗ್ಗೆಯಿಂದ ಆಹಾರ ಸೇವಿಸದೆ ಫೋಟೆ ಮುಂದೆ ಕುಳಿರು ರೋಧಿಸುತ್ತಿದೆ. ಸಧ್ಯ ಸ್ಯಾಂಡಲ್‌ವುಡ್‌ ನಟ-ನಟಿಯರು, ರಾಜಕೀಯ ಗಣ್ಯರು,  ಅಭಿಮಾನಿಗಳು ಲೀಲಾವತಿಯವರ ಅಂತಿಮ ದರ್ಶನ ಪಡೆಯುತ್ತಿದ್ದಾರೆ.