`ನಿಮ್ಮ ಸಂತಸದ ಕ್ಷಣದಲ್ಲಿ ನಾವು ಇರಲಿಲ್ಲ`: ಆಲಿಯಾ-ರಣಬೀರ್‌ಗೆ ಶುಭಾಶಯ ತಿಳಿಸಿದ ಕಾಂಡೋಮ್ ಕಂಪನಿ

ಕಪೂರ್ ಕುಟುಂಬ ಹೊಸ ಸದಸ್ಯನನ್ನು ಸ್ವಾಗತಿಸಲು ಸಜ್ಜಾಗಿರುವ ವಿಚಾರ ನಿನ್ನೆಯಷ್ಟೇ ಎಲ್ಲರಿಗೂ ತಿಳಿದಿದೆ. ಆಕರ್ಷಕ ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ, ಆಲಿಯಾ ಭಟ್ ತಾವು ತಾಯಿಯಾಗುತ್ತಿರುವ ವಿಚಾರವನ್ನು ಹಂಚಿಕೊಂಡಿದ್ದರು. 

ಇದನ್ನೂ ಓದಿ: "Our baby coming soon.." ತಾಯಿಯಾಗ್ತಿದ್ದಾರೆ ಆಲಿಯಾ ಭಟ್‌! ಫೋಟೋ ಮೂಲಕ ಸೀಕ್ರೇಟ್‌ ರಿವೀಲ್‌

ಪತಿ ರಣಬೀರ್ ಕಪೂರ್ ಜೊತೆ ವೈದ್ಯರ ತಪಾಸಣೆಯಲ್ಲಿರುವ ವೇಳೆ ತೆಗೆದ ಫೋಟೋವನ್ನು ಆನ್‌ಲೈನ್‌ನಲ್ಲಿ ಪೋಸ್ಟ್ ಮಾಡುವ ಮೂಲಕ ಈ ಶುಭ ಸುದ್ದಿಯನ್ನು ನೀಡಿದ್ದರು. ಬಾಲಿವುಡ್‌ನ ಈ ಸ್ಟಾರ್‌ ಜೋಡಿಗೆ ನೆಟ್ಟಿಗರು ಕಾಮೆಂಟ್ಸ್ ಮೂಲಕ ಶುಭ ಹಾರೈಸಿದ್ದರು. ಆದರೆ ಈ ಎಲ್ಲದರ ನಡುವೆ ಕಾಂಡೋಮ್ ಕಂಪನಿಯೊಂದು ಮಾಡಿದ ಟ್ವೀಟ್‌ ಎಲ್ಲೆಡೆ ಸಖತ್‌ ವೈರಲ್‌ ಆಗುತ್ತಿದೆ. 

ಆಲಿಯಾ ಮತ್ತು ರಣಬೀರ್ ಮದುವೆಯಾದ ನಂತರ ಫನ್ನಿ ಪೋಸ್ಟ್ ಒಂದನ್ನು ಕಾಂಡೋಮ್‌ ಕಂಪನಿ ಮಾಡಿತ್ತು. ಬಾಂದ್ರಾ ಮನೆಯಲ್ಲಿ ನಡೆದ ಸಮಾರಂಭದಲ್ಲಿ ಬಾಲಿವುಡ್‌ನ ಈ ಕ್ಯೂಟ್‌ ಕಪಲ್‌ ಸಪ್ತಪದಿ ತುಳಿದರು. ಮದುವೆಯಾದ ಎರಡು ತಿಂಗಳ ನಂತರ ಆಲಿಯಾ ಪ್ರೆಗ್ನಂಟ್‌ ಆಗಿದ್ದು, ಈ ಸಂತೋಷದ ಸುದ್ದಿಯನ್ನು ಬಲು ವಿಶೇಷವಾಗಿ ಶೇರ್‌ ಮಾಡಿಕೊಂಡಿದ್ದಾರೆ. ರಣಬೀರ್ ಮತ್ತು ಆಲಿಯಾ ಈ ವರ್ಷ ಏಪ್ರಿಲ್ 14 ರಂದು ವಿವಾಹವಾದರು.