ಧರೆಗಿಳಿದ ಸಿನಿಮಾ ಸ್ವರ್ಗಲೋಕ..! ಎಲ್ಲೆಲ್ಲೂ ಕಾಣುತ್ತಿದ್ದಾರೆ ಡಾ. ಪುನೀತ್‌ ರಾಜ್‌ಕುಮಾರ್..!‌

ಅಬ್ಬಬ್ಬಾ.. ಕನ್ನಡಿಗರು ಹಿಂದೆ ಎಂದೂ ಕಾಣದ ಸಿನಿಮಾ ಸ್ವರ್ಗಲೋಕ ಇಂದು ಬೆಂಗಳೂರಿನಲ್ಲಿ ಧರೆಗೆ ಇಳಿದಿದೆ. ಆ ಸ್ವರ್ಗದ ತುಂಬಾ ಪವರ್‌ ಸ್ಟಾರ್‌ ಡಾ.ಪುನೀತ್‌ ರಾಜ್‌ಕುಮಾರ್‌ ಕಂಗೊಳಿಸುತ್ತಿದ್ದಾರೆ. ಅಂದಹಾಗೆ ನಾವು ಹೇಳುತ್ತಿರುವುದು 'ಜೇಮ್ಸ್ (James)' ಪ್ರೀ ರಿಲೀಸ್‌ ಇವೆಂಟ್‌ ಬಗ್ಗೆ. ಬೆಂಗಳೂರಿನ ಪ್ಯಾಲೇಸ್ ಗ್ರೌಂಡ್‌ನಲ್ಲಿ ಅಪ್ಪು ಅಭಿಮಾನಿಗಳ ಸಂಭ್ರಮ ಮುಗಿಲು ಮುಟ್ಟಿದೆ.

ಇದನ್ನೂ ಓದಿ: James:ಹೊಸ ದಾಖಲೆ ಬರೆದ 'ಜೇಮ್ಸ್‌' ಸಿನಿಮಾ... ಥಿಯೇಟರ್‌ 'ಪವರ್‌'ಫುಲ್‌!

ಮಾರ್ಚ್‌ 17ಕ್ಕೆ ಅಪ್ಪು ಅಭಿನಯದ ಕೊನೆಯ ಸಿನಿಮಾ 'ಜೇಮ್ಸ್'  ಜಗತ್ತಿನಾದ್ಯಂತ ಅದ್ಧೂರಿಯಾಗಿ ರಿಲೀಸ್‌ ಆಗಲಿದ್ದು, ಸಿನಿಮಾ ಕಣ್ತುಂಬಿಕೊಳ್ಳಲು ಕೋಟಿ ಕೋಟಿ ಅಭಿಮಾನಿಗಳು ಕಾಯುತ್ತಿದ್ದಾರೆ. ಆದರೆ ಯಾವುದೇ ಸಿನಿಮಾ ರಿಲೀಸ್‌ಗೂ ಮೊದಲು ಪ್ರೀ ರಿಲೀಸ್‌ ಇವೆಂಟ್‌ ಆಯೋಜಿಸುವುದು ಮಾಮೂಲು. ಅದರಲ್ಲೂ ಅಪ್ಪು ಅಭಿನಯದ ಸಿನಿಮಾ ಅಂದ್ರೆ ಸುಮ್ಮನೇನಾ..? ಚಾನ್ಸೇ ಇಲ್ಲ, ಹೀಗಾಗಿ ಅದ್ಧೂರಿಯಾಗಿ ಪ್ರೀ ರಿಲೀಸ್‌ ಇವೆಂಟ್‌ ಆಯೋಜಿಸಿದೆ 'ಜೇಮ್ಸ್' ಚಿತ್ರತಂಡ.

ಇದನ್ನೂ ಓದಿ: Puneeth Rajkumar : ಪವರ್‌ ಸ್ಟಾರ್‌ ಪುನೀತ್‌ ರಾಜ್‌ ಕುಮಾರ್‌ಗೆ‌ ಮೈಸೂರು ವಿವಿಯಿಂದ ಗೌರವ ಡಾಕ್ಟರೇಟ್

ಹೆಜ್ಜೆ ಹೆಜ್ಜೆಗೂ 'ಅಪ್ಪು'

ಬೆಂಗಳೂರಿನ ಪ್ಯಾಲೇಸ್ ಗ್ರೌಂಡ್‌ನಲ್ಲಿ ನೂರಾರು ಅಪ್ಪು ಕಟೌಟ್‌ಗಳು ರಾರಾಜಿಸುತ್ತಿವೆ. ಹೆಜ್ಜೆ ಹೆಜ್ಜೆಗೂ 'ರಾಜಕುಮಾರ' (Puneeth Rajkumar,) ಅಭಿಮಾನಿಗಳಿಗೆ ದರ್ಶನ ಕೊಡುತ್ತಿದ್ದಾನೆ. ಪ್ರೀ ರಿಲೀಸ್‌ ಇವೆಂಟ್‌ಗೆ ದೊಡ್ಡ ದೊಡ್ಡ ಸ್ಟಾರ್‌ಗಳು ಆಗಮಿಸುತ್ತಿದ್ದು, ಕನ್ನಡಿಗರ ಪಾಲಿನ ಪ್ರೀತಿಯ ಅಪ್ಪುಗೆ ನಮಿಸಲಿದ್ದಾರೆ. 

ಅಷ್ಟಕ್ಕೂ ಇದು ಟ್ರೈಲರ್‌ ಮಾತ್ರ, ಪಿಚ್ಚರ್‌ ಇನ್ನೂ ಬಾಕಿ ಇದೆ ಅಂತಿದ್ದಾರೆ ಅಪ್ಪು ಅಭಿಮಾನಿಗಳು. ಒಟ್ಟಾರೆ ಹೇಳೋದಾದರೆ 'ಜೇಮ್ಸ್' ರಿಲೀಸ್‌ ದಿನ ದೇಶಾದ್ಯಂತ ಹಬ್ಬದ ವಾತಾವರಣ ರಿಲೀಸ್‌ ಆಗೋದು ಗ್ಯಾರಂಟಿ.