ಆ ಜಾಗದಲ್ಲಿ ಪ್ಲಾಸ್ಟಿಕ್ ಸರ್ಜರಿ ಮಾಡಬೇಕೆನಿಸಿತು.. ಆದರೆ..! ಸೂಪರ್‌ ಸ್ಟಾರ್‌ ನಟಿ ಶಾಕಿಂಗ್‌ ಹೇಳಿಕೆ

Nivetha Pethuraj Plastic surgery : ಬಹುಬಾಷಾ ನಟಿ ನಿವೇತಾ ಪೇತುರಾಜ್‌ ಮೂಲತಃ ಕಾಲಿವುಡ್‌ ಸಿನಿರಂಗದವರು, ಅದ್ರೆ ಈ ಚೆಲುವೆಗೆ ಅಲ್ಲಿ ಒಳ್ಳೆಯ ಅವಕಾಶಗಳು ಸಿಗುತ್ತಿಲ್ಲ. ಮಧುರೈನಲ್ಲಿ ಜನಿಸಿದ ನಟಿ ʼಎರುನ್ ಕೂತ್ತುʼ ಚಿತ್ರದ ಮೂಲಕ ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟರು. ಅದರ ನಂತರ, ಅವರು ಉದಯನಿಧಿ ಸ್ಟಾಲಿನ್ ಜೊತೆ ಎಮ್ಮನಸು ತಂಗಂ, ಜಯಂ ರವಿ ಜೊತೆ ದಿಕ್ ದಿಕ್ ದಿಕ್, ವಿಜಯ್ ಆಂಟನಿ ಜೊತೆ ತಿಮಿರು ಪುಟಿಚವನ್ ಮತ್ತು ವಿಜಯ್ ಸೇತುಪತಿ ಜೊತೆ ಸಂಗತ್ ತಮಿಳನ್ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಸ್ಟಾರ್‌ ನಟರ ಜೊತೆ ಸತತವಾಗಿ ಹಿಟ್‌ ಚಿತ್ರಗಳಲ್ಲಿ ನಟಿಸಿದರೂ ಈ ಸುಂದರಿಗೆ ತಮಿಳು ಸಿನಿರಂಗದಲ್ಲಿ ಅಷ್ಟಾಗಿ ಆಫರ್‌ ಬರುತ್ತಿಲ್ಲ. ಇದರಿಂದ ಅಲರ್ಟ್ ಆದ ನಿವೇತಾ ಟಾಲಿವುಡ್ ಕಡೆ ಕಾಲಿಟ್ಟರು. ʼಮೆಂಟಲ್‌ ಮದಿಲೋʼ ಸಿನಿಮಾದ ಮೂಲಕ ತೆಲುಗು ಸಿನಿರಂಗಕ್ಕೆ ಎಂಟ್ರಿ ಕೊಟ್ಟ ನಟಿ, ನಟಿಸಿದ ಎಲ್ಲಾ ಸಿನಿಮಾಗಳು ಹಿಟ್ ಆದವು. ಅಲ್ಲು ಅರ್ಜುನ್ ಜೊತೆ ಅಲವೈಕುಂಠಪುರಮುಲು ಮತ್ತು ರೆಡ್‌ನಂತಹ ಹಿಟ್ ಮೂವಿಸ್‌ಗಳ ಮೂಲಕ ನಿವೇತಾ ಪೇತುರಾಜ್ ಸೌತ್‌ ಸಿನಿರಂಗದಲ್ಲಿ ಜನಪ್ರಿಯರಾದರು.

ಇದನ್ನೂ ಓದಿ: 330 ಕೋಟಿಗೆ ಒಡತಿ.. 100 ಕೋಟಿಯ ಮನೆ.. ಆದರೂ ಒಂಟಿಯಾಗಿ ಬದುಕುತ್ತಿರುವ ಸ್ಟಾರ್ ಹೀರೋಯಿನ್!

ಇತ್ತೀಚೆಗಷ್ಟೇ ತೆಲುಗಿನಲ್ಲಿ ಪರುವು ಎಂಬ ವೆಬ್ ಸಿರೀಸ್ ಬಿಡುಗಡೆಯಾಗಿದ್ದು ಅದರಲ್ಲಿ ಈ ಸುಂದರಿ ನಟಿಸಿದ್ದಾರೆ. ಇದರ ಪ್ರಚಾರದ ಭಾಗವಾಗಿ ವಿವಿಧ ಸಂದರ್ಶನಗಳನ್ನು ನೀಡುತ್ತಿರುವ ನಟಿ ಇತ್ತೀಚಿಗೆ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಳ್ಳುವ ಬಯಕೆಯ ಬಗ್ಗೆ ಮಾತನಾಡಿದ್ದು, ಈ ವಿಚಾರ ಇದೀಗ ಸದ್ದು ಮಾಡುತ್ತಿದೆ.

ನನಗೆ ಪ್ಲಮ್ ಲಿಪ್ಸ್ ಬೇಕು, ಅದಕ್ಕಾಗಿ ವೈದ್ಯರ ಬಳಿಗೆ ಹೋಗಿ ನಾನು ಇಂಜೆಕ್ಷನ್ ತೆಗೆದುಕೊಳ್ಳಬಹುದೇ ಅಂತ ಕೇಳಿದೆ. ನಿನ್ನನ್ನು ಕೊಲ್ಲುತ್ತೇವೆ ಅಂತ ವೈದ್ಯರು ಬೈದರು ಅಂತ ನಟಿ ಹೇಳಿಕೊಂಡಿದ್ದಾರೆ. ಈ ವಿಚಾರ ತಿಳಿದ ಅವರ ಅಭಿಮಾನಿಗಳು, ನಿಮಗೆ ಅದರ ಅವಶ್ಯಕತೆ ಇಲ್ಲ ಬಿಡಿ, ನೀವು ಸುಂದರವಾಗಿದ್ದೀರಾ ಅಂತ ಕಾಮೆಂಟ್‌ ಮಾಡುವ ಮೂಲಕ ನಟಿಗೆ ಬೆಂಬಲ ನೀಡುತ್ತಿದ್ದಾರೆ..